吸血新世紀系列
《暮光之城系列》小說（英文：Twilight Saga）係史蒂芬妮·梅爾嘅小說作品，總共有四集，以女主角貝拉·史旺 (Bella Swan)嘅角度為主，及兩本外傳，以男主角愛德華·庫倫 (Edward Cullen) 嘅觀點來敘述暮光之城系列嘅故事。系列依照順序分別係《暮光之城：暮色》、《暮光之城：新月》（New Moon）、《暮光之城：蝕》（Eclipse）、《暮光之城：破曉》（Breaking Dawn）、《布莉嘅重生─暮光之城：蝕外傳》（The Short Second Life of Bree Tanner）及《暮光之城：午夜陽光》（Midnight Sun）。
小說系列中場景包含許多地點，大部分均設定喺美國西北方嘅著名景點，版權轉售至三十多國，並擁有超過二十種語言嘅譯本。
作者 Stephenie Meyer (史蒂芬妮·梅爾) 擁有「第二羅琳」稱號。畢業於楊百翰大學，擁有英文學士學位。目前居住於亞利桑那州鳳凰城。第一本小說《Twilight》出版後，佢便因此系列小說而被書店票選為2005年最佳新秀作家之一。
出版時間
[編輯]- 《暮光之城》（Twilight）：2005年於美國出版
- 《暮光之城：新月》（New Moon）：2006年於美國出版
- 《暮光之城：蝕》（Eclipse）：2007年於美國出版
- 《暮光之城：破曉》（Breaking Dawn）：2008年於美國出版
- 《布莉嘅重生—暮光之城：蝕外傳》（The Short Second Life of Bree Tanner）：2010年於美國出版
- 《暮光之城：午夜陽光》（Midnight Sun）：2020年於美國出版
人物簡介
[編輯]故事大綱
[編輯]暮光之城《Twilight》：
[編輯]女主角Bella為左比佢媽媽 (Renée) 可以同佢繼父 (Phil) 繼續生活，Bella 決定由繁華而且陽光充沛嘅鳳凰城搬去偏僻且成日落雨嘅 福克斯鎮 (Forks) 去同佢爸爸 Charlie Swan一齊住。呢到係一個佢最討厭嘅地方，佢原本以為新生活會非常嘅枯燥乏味，但自從遇見到神秘又靚仔嘅Edward Cullen後，佢嘅生活出現了180度嘅改變。佢地互相深深吸引住對方，不過佢發現Cullen一家人都係吸血鬼──依個喺鮮為人知嘅秘密，而Bella係吸血鬼眼中好香，好似特別好食嘅食物。雖然Edward及佢嘅家人都控制住佢地對鮮血嘅渴望，不過咁樣不代表其他狩獵者都會同樣放棄對人類血液嘅慾望。故事最後所有人都身陷困境，特別係 Bella，Edward最愛嘅人。
暮光之城：新月《New Moon》：
[編輯]Edward 係上一輯殺死左邪惡嘅吸血鬼 James，係佢手中救返 Bella 條命仔，但係 Bella 又差啲被 Edward 嘅家人 Jasper 殺死，Edward同佢嘅家人為左 Bella 嘅安全而搬離 Forks；Cullen 一家突然不辭而別令 Bella 非常痛苦，佢有一次係山上面遇到了狼人，後來知道 Jacob 原來都係狼人；同時，James 嘅女朋友 Victoria 為左復仇計劃獵殺 Bella。Bella 因為係一啲危險運動時會出現見到 Edward 嘅幻像，所以去懸崖跳水，因為 Cullen 家族入面嘅 Alice 能夠睇到未來， 令 Edward 以爲 Bella 死咗，打算去義大利搵 Volturi 家族幫佢自殺，Bella 及時趕到救左 Edward，不過因爲 Volturi 家族唔允許人類知道吸血鬼嘅存在，Bella 必須儘快變成吸血鬼，而 Edward 都應承答應左，喺畢業後改變Bella 。
暮光之城：蝕《Eclipse》：
[編輯]西雅圖發生左一連串嘅屠殺事件，原來 Victoria 正喺創造一班吸血鬼新手大軍黎獵殺 Bella 同 Cullen一家，Bella 再度身陷於危險之中， Cullen 同狼人決定聯手對抗。另一方面 Bella 要喺兩個愛人 Edward 同 Jacob 之間作出抉擇，佢嘅抉擇將會喺吸血鬼同狼人之間引發激烈嘅爭鬥。同吸血鬼新手大軍戰鬥之前，Bella 同 Edward 上山呢埋由Jacob 保護佢地，尤於山上太凍 Bella 差啲凍死，Jacob 為左保護佢，所以係 Edward 面前同 Bella 一齊訓，同時 Jacob 同 Edward 亦都達成共識：保護佢地 2 個最愛嘅人Bella。新手大軍之戰獲勝嘅當然係 Cullen 一家同狼人嘅聯軍，同時因為佢地嘅強大，成為 Volturi 家族嘅眼中釘。
暮光之城：破曉《Breaking Dawn》：
[編輯]系列嘅最後一集，Bella 同 Edward結婚，Bella喺蜜月期間有左BB了，係一個半人類、半吸血鬼嘅混血兒（Renesmee ）。BB 成長得好快，Bella 個肚以超乎自然嘅速度變大，幾個星期就好似有左10個月大嘅 BB 咁。同時 BB 好強壯，甚至踢斷左 Bella 嘅肋骨同骨盆，但係 Bella 仍然堅持生依個佢認為係 BB 嘅野，令到 Edward 幾乎擔心到痴線。後來經過 Edward、Alice 同 Carlisle 嘅研究發現，依一類混血 BB 係用自己嘅牙咬穿母親嘅肚子自己走出黎嘅，咁樣令 Edward 超煩惱，但係 Bella 堅持話如果佢就快死，就等 Edward 喺最後關頭改變佢。而呢個期間 Jacob 也經常黎探訪，三人嘅關係緩和左唔少。但係 Renesmee 出生後 Bella 心臟停止跳動，Edward 迫不得已將自己嘅毒液注入 Bella 心臟，將 Bella 變成吸血鬼。Bella 昏迷左3日後醒返，眼睛一打開，發現自己鮮紅色嘅瞳孔，後來有吸向鬼發現 Renesmee 後，誤以爲佢係不被允許存喺嘅「不朽孩童」。因此Volturi 家族決定出面干涉...
布莉嘅重生－暮光之城：蝕外傳《The Short Second Life of Bree Tanner》：
[編輯]由《蝕》延伸嘅外傳，描述書中新生吸血鬼布莉短暫嘅一生，2010年6月5日係美國開賣。史蒂芬妮·梅爾原本只係諗住寫一小段放係電影導覽書入面，冇諗到寫左200幾頁，於係決定獨立出書。
暮光之城：午夜陽光《Midnight Sun》：
[編輯]以 Edward 嘅角度睇暮光之城。作者史蒂芬妮·梅爾喺部落格中表示，由於手稿外流而導致暫停繼續創作果本作品。最後終於喺2020年8月4日正式出版。
Edward喺十七歲時成為吸血鬼，之後又生活左了近百年。面對近百年來第一個愛上嘅女仔，內心入面有著喜悅之餘又覺得身為吸血鬼嘅自己唔配得到咁美好嘅女仔，雖然擔心著但點都冇辦法離開 Bella，一次又一次搵理由留喺 Bella 身邊。
透過 Edward 嘅觀點去睇這個故事不單止難忘，亦更加黑暗。 讀完本書，我們將更瞭解 Edward 令人著迷嘅過去以及複雜嘅思緒，同時明白點解遇見 Bella 會令佢感到無比煎熬。如果順從心去做，就等於將 Bella 置身險境，佢又點可以咁做呢？
書入面揭露 Edward 喺第一次離開 Bella 時發生左咩事令佢決定返黎？喺安吉拉斯港騷擾Bella嘅四個男人，最後有咩下場？被吸血鬼獵殺而受傷之後，佢為左等家人同朋友安心，Alice 精心布置了 Bella 出事酒店嘅嘅一切......
小說封面
[編輯]暮光之城
[編輯]作者指出，小說封面上嘅蘋果代表聖經《創世記》內分別善惡樹上嘅禁果。象徵男女主角之間，人類同吸血鬼禁忌嘅戀愛。喺書嘅開頭引用《創世記》2:17嘅內容：
只是分別善惡樹上的果子，你不可吃，因為你吃的日子必定死。
同時也代表了 Bella 點樣分辨善惡 － 揀食唔食嗰粒禁忌果實，比喻揀同 Edward 喺一齊或永遠分離。
新月
[編輯]嗰朵色彩斑駁嘅鬱金香，作者史蒂芬妮·梅爾表示佢冇代表任何意義。因為佢冇參加依一次嘅封面選擇（揀這鬱金香嘅某啲原因係因佢跌落黎嘅鮮紅花瓣就好似《新月》入面 Bella 喺生日派對上被紙𠝹傷時流出嘅鮮血）。而「New Moon」呢個書名，則代表 Bella 人生中最黑暗嘅時期。
蝕
[編輯]嗰條就快斷嘅緞帶，代表「揀」。就像書入面，Bella要係佢嘅吸血鬼愛人 Edward，同佢嘅狼人好朋友 Jacob 之間作出選擇。緞帶嘅另外一個意義係代表 Bella 似斷非斷，不可以完全脫離佢嘅人類生活。
破曉
[編輯]紅色嘅西洋棋象徵 Bella 從故事嘅一開始喺棋盤上，係顆最弱嘅卒仔。喻意佢喺整個暮光之城系列嘅蛻變同成長，由一個軟弱，需被保護嘅角色，轉變為一個保護大家嘅角色。牽涉到權力轉移。到最後，佢變成了最強大嘅女王。就好似玩西洋棋一樣，一步一步嘅走，最後得到佢想要嘅野。
布莉嘅重生
[編輯]就快要流逝完嘅沙漏，代表「生命嘅流逝」，意指布莉喺書中短暫嘅吸血鬼生命嘅過程，演變就像沙漏一樣快速嘅流走。
午夜陽光
[編輯]喺古希臘神話中，石榴籽代表了冥界之神黑帝斯同妻子波瑟芬妮嘅聯繫。一旦佢吞左粒種子，佢地就將永遠喺埋一齊。
對 Bella 黎講，Edward 就好似如同石榴籽。美味、誘人，佢想一口吃下，也做好一旦吞左就身不由己。
對 Edward 來說，Bella就如同冥界王后波瑟芬妮之於冥王。佢千方百計想留下佢，但又因為強烈嘅道德感而唔想改變Bella嘅命運。
然而Edward控制唔到自己，彷彿餵Bella吞一粒又一粒嘅石榴籽，兩人嘅未來終走向將往失控嘅方向。
獎項及評價
[編輯]本書版權轉售至30多個國家，擁有超過20種語言譯本，曾獲得以下殊榮：
電影
[編輯]下面電影為香港譯名
- 2008年12月12日《吸血新世紀：無懼的愛》。
- 2009年12月4日《吸血新世紀2：新月》。
- 2010年6月30日《吸血新世紀3：蝕》。
- 2011年11月18日《吸血新世紀4：破曉傳奇上集》（上集）
- 2012年11月16日《吸血新世紀4：破曉傳奇下集》（下集）
參考資料
[編輯]- 《暮光之城系列》原著小說
- 《吸血新世紀》官方網站 Wayback Machine嘅版面存檔備份 、官方網站
- 《吸血新世紀2：新月傳奇》官方網站 、官方網站 Wayback Machine嘅版面存檔備份
- 《吸血新世紀3：月蝕傳奇》官方網站：還未提供
YAHOO電影
外部連結
[編輯]- The Twilight Saga Hong Kong Fans Club | 暮光之城 香港後援會（非官方） Wayback Machine嘅版面存檔備份
參考文獻
[編輯]
- 1 2 "Stephenie Meyer". Biography.com (美國英文). 喺2025-11-18搵到.
- ↑ Zukin, Meg. "'Twilight' Is on TIME's List of the 50 Best Romance Novels". TIME (英文). 喺2025-11-18搵到.
{{cite news}}: CS1 maint: url-status (link)