設問（粵拼：cit3 man6）係種修辭手法，即係指自問自答。設問嘅問題可以係答案相當簡單，諗都唔使諗就答到，亦都可以係預咗唔係畀讀者答，有時甚至係讀者想答都答唔到，因為個問題問嘅係只有作者先知嘅事。
設問可以引起讀者嘅注意，啓發讀者思考，引起下文。呢個效果係源於人不自覺想答問題嘅本能。
