摹色，又叫著色，係種修辭手法，即係用摹色詞描寫景物嘅顏色。摹色好簡單，只要描寫景物嘅顏色一次，就己經算係用咗，但係摹色通常係指描寫個多個唔同事物嘅顏色。
摹色可以增加語言嘅真實感，令景物活靈活現。唔同嘅色調嘅摹色，被指可以帶畀讀者唔同嘅感覺，例如暖色會令讀者覺得暖笠笠，冷色會令讀者覺得好淒涼。講係噉講，好多唔同嘅因素會影響讀者對顏色嘅聯想。文化就係當中好大因素，一啲喜慶嘅顏色喺第個文化可能係危險嘅意思。搞到作者想用摹色表達嘅意思未必可以傳達到。
