示現

示現係一種修辭手法，利用想像力，將過去、未來、或者無法親眼睇到嘅事物，憑住文字嘅描述，呈現喺讀者面前。示現修辭法可以分為追述示現、預言示現、懸想示現三種。

分類

• 追述示現：將過去發生嘅事物由回憶、追念嘅方式描述，憑想像力寫出嚟。
• 預言示現：將未來嘅事情，將來可能會發生，或者可能唔會發生嘅事情，寫到好似發生咗喺眼前一樣。
• 懸想示現：將想像嘅事物或者喺現實生活當中冇可能發生嘅狀況寫到好似真係喺眼前噉，同時間嘅過去或未來冇關。