複辭

複辭係種修辭方法，即係指將同一個字詞多次用喺同一個子句，每次表達唔同嘅意思。複辭可以係將同一個字詞，中間隔住其他字詞用，或者緊相連接嚟用，唔同用法會令到啲字喺句中有唔同嘅詞性（轉品）同意思。複辭係複疊嘅一種，同時可以係用到反複。

例子

• 「老吾老，以及人之老；幼吾幼，以及人之幼。」《孟子．齊桓晉文事章》

  → 粵譯：「尊重自己（屋企）嘅老人家，從而推廣到尊重其他老人家；照顧自己（屋企）嘅細路仔，從而推廣到照顧其他細路仔。」

  第一個「老」係動詞，意思係尊重；第二個「老」係名詞，意思係老人家。

  第一個「幼」係動詞，意思係照顧；第二個「幼」係名詞，意思係細路仔。

• 「君君，臣臣，父父，子子。」《論語》

睇埋

• 複疊
• 反複
• 轉品