全粵詩

出自維基百科,自由嘅百科全書
Jump to navigation Jump to search

全粵詩》(粵拼:Cyun4 jyut6 si1)係一本專門收以前嶺南一帶嘅詩人留低落嚟嘅詩嘅集,一共有三十冊,由嶺南美術出版社出版。

佢係至到而家規模最大,內容最全面嘅粵詩集。由地方嚟講,佢收錄咗廣東、海南、同埋廣西欽州北海嘅詩。由時間嚟講,上自公元前嘅漢朝,一路去到 17 到 20 世紀嘅清朝時期,重收埋廿世紀頭嘅民國嗰陣嘅粵詩。目前,呢個集收咗明朝(14 至 17 世紀)同埋打前嗰啲詩。

點嚟[編輯]

立項[編輯]

1981 年九月,中共中央發文話要執掂啲古書,將啲文化遺產留番低落嚟。呢個係好緊要,同後人有關係嘅嘢。於是咁就為古書整理指咗條路。 1983 年九月,教育部整咗個全國高等院校古籍整理研究工作委員會(簡單啲叫「古委會」),啲重點大學就整咗個古籍研究所。

1984 年九月,王季思起咗個中大古文獻所,係全國十七個重點古籍所中嘅一個,其中嘅嶺南文獻研究所係陳永正揸 fit 。陳永正出版過好多嶺南文學嘅著作,喺咁長嘅整理中,就想話整本《全粵詩》嚟。

1998 年佢向古委會立項,得咗。

艱難[編輯]

接住落嚟就好艱難喇。之話 13 世紀(明朝時期)以嚟都有人整粵詩集,不過規模都係偏細,而今次呢本詩集系超過嗮之前嗰啲。而好多好矜貴嘅版本響國內大圖書館同港台或者係外國,要想整起嚟好難。同時,上面畀嘅經費又唔夠使,搞到成個計劃做吓停吓咁。

轉機[編輯]

2002 年,廣東做咗文化大省,於是成件事就有轉機喇。喺 2003 年,廣東省政協常委嘅劉斯奮張貴光省政協交份提案,話要睇重啲嶺南古書嘅整理,入面就傾到《全粵詩》。於是喺 2004 年上面畀咗筆大錢,再喺粵人嘅努力之下,卒之搞得快手咗,最後先至可以攞嚟出街。

接住落嚟[編輯]

整完 17 世紀頭打上嗰啲詩,咁就輪到 17 到 20 世紀嘅清朝時期啲詩喇。嗰個時期時啲詩零舍多,嗰時嶺南有好多人得閒就寫詩,再加上離家下又近,留低嘅詩就好多羅羅喇。而家估計,大概篇幅係之前各朝代嘅總和嘅成兩倍幾。咁搞法,要去整本清朝時期嘅嶺南詩就仲艱難喇。

不過領頭人而家退咗休,人手又唔夠,一個二個又走嗮,搞到而家去整清朝粵詩集又開始停咗落嚟。

出面網頁[編輯]