Wikipedia:粵語本字表

出自維基百科，自由嘅百科全書
(由Wikipedia:粵語本字跳轉過來)
Jump to navigation Jump to search
Text-x-generic.svg 呢版係篇論文；唔同政策同指引，佢只反映一啲編者嘅意見。若有需要，請更新佢，又或者響討論版度傾。


粵語歷史雖然長，但舊陣時讀書人寫嘅係文言，粵語嘅口語字詞就冇乜機會寫出嚟，何況字音係會隨住歲月轉變，久而久之，口語上嘅本字之前點寫，有啲可能變得鮮有人知[1]，以致要查翻佢嘅來歷都未必係恁易。

為咗方便起見，爾道整個表畀大家參考。部份嘅本字只係考證推測，毋係實合，如果有更深入嘅考究，有可能俾人推翻。

粵文維基百科通常用香港同廣州寫粵語口語通用嘅漢字，亦歡迎寫有根有據嘅本字。如果有興趣用本字，以下列表可供參考。

Walnut.png 一句講嗮： 廣東話，寫得出；用本字，可以試；睇得明，毋一定。

通假字[編輯]

喺省港澳一帶，用粵語口語寫文章，代代有人，粵曲同小說入邊嘅例子毋少。日常生活上，亦好多時要寫到口語。當搵毋返個本字寫出來，就要造字、借字，爾個就係「通假字」現象。「通假」就係「通用、假借」，但係有別於「六書」中嘅「假借」。既有創造新字，亦有借用同音、近音字。經過歲月累積，爾啲通假字反而變徂常用嘅字。

二十世紀毋少人研究粵語，港澳毋少人搵返啲本字出來用。但係本字未必人人識睇，反而睇得明通假字嘅人居多，不過就毋見徂承傳。另外，有啲本字喺應用上有機會產生混淆，例如「重要」可以解「緊要」或「仍要」，而今毋少人會寫「仲要」兩個字去表達「仍要」嘅意思，以避免混淆。所以亦有人提出，不妨本字、通假字兼用。驚惹人誤會可以用通假字；如果無誤會、無毋清楚，就儘量用返本字。

粵語維基百科今下兩樣都用。但係，用通假字嘅原則，係同本字同音或近音之餘，毋可以喺意義上引起混亂。例如「喺」同「係」雖然發音相近，但係意義毋同，毋可以掉轉用，「我喺街」毋可以寫成「我係街」。

文白異讀[編輯]

一個字可以有好多音、好多意思，甚至字嘅其中一個音都可以有幾個意思；或者掉轉同一個意思又可以毋只一個音。當一個字喺講同寫嘅發音上出現分歧，就可以分為「白讀」、「文讀」兩類，爾個語文現象叫做「文白異讀」。白讀、文讀並無正俗、雅俗之分，兩者只係代表毋同嘅語音層次。白讀（又叫白話音、說話音、話音、語音）通常係語言嘅自源層，歷史上發展較早；而文讀（又稱文言音、讀書音、讀音、字音）則係外源層，出現較晚。

「白讀」指文字喺言語層面上特有嘅話音，有別於文讀，喺正式書面語上，傾向避免使用。

「文讀」指文字喺書面語上嘅讀音。但文讀毋剩係喺書寫、閱讀文章時用到，喺交談上亦有機會用到。

以「來」字為例，白讀音係「lai4」（同「黎」）、文讀音係「loi4」（同「萊」）。兩音意思相同，但係口語上，「來徂」毋會講成「萊徂」，喺正規書面語會寫做「來了」；而書面語「來往」毋會讀做「黎往」，就算喺交談上亦只會講做「萊往」。

本字表[編輯]

字音[編輯]

爾個表啲字嘅讀音，以現代習慣為準。

收錄[編輯]

爾個表收錄粵語本字為主，係指一般人已經寫毋出、或者經常寫徂做通假字、白字嘅粵語本字。另外亦會收錄以下用字：

  • 同文讀音有分別嘅白讀音字（如「來」字）。
  • 粵語獨有讀音中，有個別意思嘅字（如「正」字）。

毋符合上面條件嘅字或音義，儘量避免收錄，以免「本字表」藏字太多。有需要請參閱字典、或其他參考書。

排序[編輯]

以「粵拼」註音，按英文字母排序，以方便毋熟悉「粵拼」聲母、韻母分類嘅用者。但係以下情況除外：

  1. 「鼻音獨立韻母」（m、ng）排喺最前，例如「毋」字（音m4）。由於「鼻音獨立韻母」只得兩個，並頗異於其他韻母，放喺最前，以資識別。小心毋好將「鼻音獨立韻母」同「聲母」及「韻尾」嘅 m、ng 撈亂。
  2. 「無聲母」嘅字排喺「鼻音獨立韻母」之後。
  3. 「ng聲母」嘅字排喺「無聲母」之後。原因係兩者喺粵語中非常接近，排列喺一齊，方便對照。

說明[編輯]

  • 「通假字」：即俗字，分「新造字」及「借字」。由於本字難以考究，故此民間逐漸用通假字來代替本字。
    • 「新造字」：用創造出來嘅新字代替不明嘅本字，喺意義上並毋會引起誤會。
    • 「借字」：用綠色表示。借用嘅字原本有佢另外意義，同本字嘅含意毋同，純粹因為音同或音近而借用。借字初時係別字、白字，但係經過後人普遍仿效應用之後，就變徂約定俗成嘅通假字。
  • 「白字」：用紅色表示。有啲常用嘅粵字，經常俾人寫成白字。爾個表特別指出一啲好常見嘅白字，以助區別，避免用錯。
  • 「選錄」：本字表主要針對俾通假字取代徂嘅本字，只係選錄部份相關嘅讀音同意義，毋一定收錄每個字嘅所有音義。要了解個表入面藏字嘅全面意義，請參閱字典或其他參考書。
  • 「粵拼」以及粵音嘅「國際音標」用法，請見香港語言學學會粵語拼音方案。
  • 「字源、字證、古例、說明、參考」嘅外連參考網站同簡稱：

粵語本字表[編輯]

本字、推斷本字 通假字 (新造字、借字)、白字 粵拼 (選錄) 國際音標 (選錄) 粵語意義、對應書面語 (選錄) 字源、字證、古例、說明、參考 常例、例句(●)
毋[2] 唔 m4 m̩˩ 不 中哲 毋係　毋得　毋制　毋該　毋錯　毋見使　毋單只　會毋會？　估毋到　忍毋住　毋怪得／怪毋得　毋多毋少　毋好意思　毋合講到合(見ngaam1)　今時毋同往日
● 知毋知今日幾號？
抓 拗(聲調異)　R aau1 aːu˥ 搔，搲 抓：《廣韻·上聲·巧·爪》亂搔搯也。　粵庫　中哲
拗：粵庫：音aau2、aau3　中哲 		抓痕　抓損　抓着數
擁 ung2 ʊŋ˧˥ 推 粵庫　中哲 擁開　推擁
● 繁忙時間，門一開就俾人擁徂上車。
● 受害人喺火車站俾人擁徂落路軌。
眲
𧮞 		呃 ngaak1 / ngak1 ŋaːk̚˥ / ŋɐk̚˥ 欺騙 眲：《廣韻•去聲•志•餌》耳目不相信也。　粵庫　中哲
𧮞：中哲　漢體 		眲錢　眲神騙鬼　偷眲拐騙　又眲又𧨾
● 我俾人眲徂一百文呀！
合(存疑)
諳(存疑) 		啱 ngaam1 ŋaːm˥ 1. 正確
2. 合適 		● 㧻義士背脊？莫講話毋合(2)我做，成件事直頭就毋合(1)！
2. 合澌合尺(啱晒河車)
恰 啱 ngaam1 ŋaːm˥ 剛好；巧合 粵庫 恰恰　有恁恰得恁巧
● 狀元救老母，時間恰恰好！
嗑 噏 ngap1 ŋɐp̚˥ 講，說；講好多也 《說文》多言也。《集韻》嗑嗑，語也。或作𧪞。　粵庫　中哲 發嗑風　亂嗑廿四　隨口嗑，當秘笈
悒(存疑) ngap1 ŋɐp̚˥ 憂鬱，不安 悒：《說文•心部》不安也。从心邑聲。《唐韻》於汲切。《集韻》《韻會》乙及切。《正韻》一入切，𠀤音邑。《玉篇》憂也。　粵庫：音jap1。　中哲 心悒
● 佢阿媽俾人惡意擁落地，撞傷後腦，可能中風，搞到佢個心悒住悒住。
罨 ngap1 ŋɐp̚˥ 1. 用濕物覆蓋，敷
1.1. [引伸] 潮濕變壞嘅臭味 		粵庫　中哲 1. 罨藥
● 扭寴腳，中醫話要罨藥。
● 落雨濕澌身毋換衫，小心罨到病！
1.1. ● 啲衫質摩徂幾耐呀？罨到暈喇！
岋
岌 		ngap6 ŋɐp̚˨ 搖動不穩；危危乎恁搖來搖去 岋：《集韻》鄂合切，音砐。動貌。　粵庫　中哲
岌：《集韻》危也。　粵庫　中哲 		岋櫈　搖搖岋岋
● 張枱岋下岋下。
𢳂
潷 		畢　筆 bat1 pɐt̚˥ 𢳂：舀，盛
潷：舀 		𢳂：《集韻》匹蔑切，音瞥。牽也。　中哲　漢典　廣州話正音字典
潷：《廣韻•筆》去滓。　中哲　漢大　廣州話正音字典 		𢳂湯　𢳂飯
● 廚師𢳂湯時大意將湯𢳂到已經𢳂滿嘅碗道。
俾、畀[3] 比 bei2 pei˧˥ 1. [動詞] 使，讓
1.1. [引伸] 用，使用
2. [介詞] 讓，被 		《廣韻·上聲·紙·𢔌》𢔌：使也，從也，職也。并弭切，十。俾：上同。　中哲　漢典
2. 註：俾、被兩字意思相近但用法有異，「俾」指「受」時必須加賓語指處置者。
據錢志安(2011)，用「給予」雙賓動詞指受亦出現於多種中文方言。「俾」無「給予」或「被」義，所以指「被」時本字應爲畀。 		1. ● 俾佢入來。
● 俾着你，你怎做吖？（讓你來，你怎樣做啊？）
1.1. ● 俾墨水筆寫。
2. ● 俾人睇見。
畀 比 bei2 pei˧˥ [動詞] 給 中哲　漢典 畀錢　畀面　畀人情
● 幫我畀住錢先啦！
屛(摩) 柄(摩) beng3 pɛːŋ˧ 遮，藏 中哲　漢典 屛摩
● 屛摩一二邊。
● 啲也你屛摩喺焉道？
焉 邊 bin1 piːn˥ 何，哪 中哲 焉個？　焉道？　喺焉？
● 你揸車去焉？
● 焉款蛋糕最香噴噴？
滮 標 biu1 piːu˥ 噴 中哲 ● 嚇到滮冷汗！
● 痛到滮眼淚！
● 急到滮尿！
寴
儭 		嚫　親 can1 tsʰɐn˥ [副詞] 義：形容受到未算嚴重嘅傷害；
[貶義] 到 		寴：《說文•宀部》至也。　中哲
儭：《廣韻•去聲•震•親》至也，又畏也。　中哲 		嚇寴　冷寴　整寴
● 小心毋好整寴人等！
誃
扯 		ce2 tsʰɛː˧˥ 離開 誃：《說文•言部》離別也。　中哲
扯：「風緊，扯呼！」古代暗語、黑話。賊匪做案，逃走時恁樣叫同黨，意思係：「危險，快走！」　中哲 		● 好，我等誃！
● 抨佢都唔誃！
● 一放工，成班同事誃澌！
擢 chok cok3 tsʰɔːk̚˧ 用力急扯 中哲 擢斷　擢泥鯭
● 擢寴條頸。
● 擢斷條繩。
瞻[4] 擔 daam1 ta:m˥ 仰視，向上望 瞻：《韻會》仰視曰瞻。 中哲
[參考] 詹：中哲
註：瞻以詹字爲讀音，而「詹」有「多甘切」音，等同粵語daam1音，但語義有異。「瞻」指仰視時《唐韻》、《集韻》、《韻會》、《正韻》中反切等同粵語zim1音。 		瞻天望地
瞪 登 dang1 tɐŋ˥ 睜大眼睛 中哲 瞪眼　瞪大對眼　瞪起雙眼
● 佢嬲起來，瞪大對眼好得人驚！
等(1/2) 哋　地 dei6 tei˨ 們 中哲 我等　你等　佢等
● 我等爾班打工仔。
糴 dek6 tɛːk̚˨ 買米 《二刻拍案》「米價踴貴，各處禁糶閉糴，官府嚴示平價，越發米不入境了。」　粵庫　中哲 糴米　糴穀　糴糧　糴糶
● 落街糴米。
㨃 𢵌　𢷮
隊　對 		deoi2 tɵy˧˥ 1. 捅，戳
2. 擁，推 		中哲 1. ● 一刀㨃過去！
2. ● 佢俾人㨃徂去服侍老闆娘。
啲
的 		尐　D di1 tiː˥ 1. [表示所屬關係] 的
2. 爾啲，嗰啲
3. 一點 		的：中哲
啲：中哲　漢典 		1. ● 你啲朋友到未？
2. ● 啲字恁細隻，好鬼難睇！
● 啲雲越來越黑，返閨喇！
3. 一啲
● 毋該你快手啲。
怎(存疑) 點 dim2 tiːm˧˥ 何 中哲 怎解？　怎算？
● 我怎都要爭返爾啖氣！
掂 dim3 tiːm˧ 輕觸，碰 中哲 ● 我係淑女，毋好掂我！
扂[5](存疑) 𠶧　掂 dim6 tiːm˨ 1. 直
2. 成功，妥當 		𠶧：中哲　漢典
掂：中哲
 1. 橫𠶧　打橫打𠶧
2. ● 佢撈得好𠶧！
1喻2. 𠶧過碌蔗
到 倒 dou2 tou˧˥ [副詞] 義：形容動作完成或達到效果 中哲 睇到　整到　念到
道 度　到 dou6 tou˨ 處，裏，位置，地方 中哲 爾道　嗰道　焉道　喺道　第二道（別處）
● 你揸徂我架車去焉道？
㧻 篤　督 duk1 tʊk̚˥ 戳 中哲 㧻魁　㧻背脊
㞘
䐁 		篤　督 duk1 tʊk̚˥ 尾，盡頭；本義臀[6] 㞘：《集韻》都木切。引博雅，臀也。　《康熙字典》　中哲　漢大
䐁：《廣韻》丁木切。尾下竅也。《博雅》臀也。　中哲 		● 走廊行到㞘你就見到忌喇！
返 faan1 faːn˥ 回 中哲 返去　返轉頭　返屋企
● 我毋見徂嘅也，我想自己攞返！
睏 瞓 fan3 fɐn˧ 躺，睡 中哲 睏覺　眼睏
● 孲仔你乖乖睏落牀。
揈
㧦 (1/2) 		fang4 fɐŋ˩ 轟走 中哲 ● 佢俾公司揈走徂。
(屎)胐[7]
(屎)𦜇 		(屎)忽　(屎)窟　(屎)佛[8] fat1 fɐt̚˥ 臀 胐：《玉篇•肉部》苦骨切，臀也。《廣韻•入聲•沒韻》胐，胐臀。　中哲
𦜇：《廣韻•窟》朏臀俗又作𦜇。《玉篇•肉部》臀也。　中哲　漢大　漢體
胐、𦜇：異典 		屎胐　屎胐墩　屎胐竉　屎胐鬼
● 捉蟲入屎胐，自己攞來衰！
● 做徂恁多衰也，因住生仔無屎胐！
（符）拂[9][10] （符）fit fit1 fɪt˥ 麈拂簡稱，亦指辦法 《廣韻·入聲·物·拂》拂：去也，拭也，除也，擊也。敷勿切，十二。 中哲 無符拂
揈
㧦 (2/2) 		fing6 fɪŋ˨ 揮，揮出去 中哲 揈頭揈髻　屌屌揈
● 件衫揈徂摩旮旯頭。
(而)今 (而)家 gaa1 kaː˥ 現今，現時，現在，此刻 中哲 今下　今陣　而今
● 今下虎狼當道。
其[11]
丌[11]
忌
己
個[12] (1/2) 		㗎(嘅呀切) / 嘅 / 嗰[13] gaa3 / ge3 kaː˧ / kɛː˧ [語氣助詞] 的，只作語氣助詞，不作結構助詞。

其：《集韻》《韻會》居吏切。《正韻》吉器切，𠀤音寄。《韻會》語已辭。《詩•檜風》彼其之子。又《韻會》或作忌。《詩•鄭風》叔善射忌。　《中文大辭典•其•乙》　中哲
丌：中哲
忌：《集韻》居利切。《正韻》吉器切，𠀤音懻。語助辭。《詩•鄭風》叔善射忌。　《廣州語本字•卷壹•拾陸》。　中哲
己：中哲
個：中哲

● 恁嘅巴士係勿人坐忌？（忌／嘅：只有作「語氣助詞」嗰陣可以寫成「忌」。）
（香）笄[14]/筓 （香）雞 gai1 kɐi˥ 簪 笄：【康熙字典・未集上・竹字部】四劃：【廣韻】古奚切，音雞。【篇海】婦人之笄，則今之簪也。本作筓。　康熙字典
筓：【康熙字典・未集上・竹字部】六劃：【廣韻】古奚切【韻會】【正韻】堅奚切，𠀤音雞。【說文】簪也。　康熙字典		 香笄/筓腳
恁 1. 咁　噉
2. 咁　噤 		1. gam2
2. gam3 		1. kɐm˧˥
2. kɐm˧ 		如此，這樣
1. （後面跟動詞）
2. （後面跟形容詞） 		中哲 ● 我念徂恁(2)耐，最後都係要恁(1)做。
撳 㩒 gam6 kɐm˨ 按 中哲 撳實　搓圓撳扁
● 怎撳都撳毋住！
● 入實驗室撳緊急掣。
＿ 緊　𡁵 gan2 kɐn˧˥ 義：形容動作正在進行 緊：中哲
𡁵：中哲 		● 未做完，做緊！
梗(存疑) 緊 gang2 kɐŋ˧˥ 一定，必然 中哲 梗係　死梗
● 你又話佢贏梗忌？而今係佢對手贏緊喎！
＿ 𥄫　昅 gap6 kɐp̚˨ 盯 𥄫：中哲　漢典 𥄫實　𥄫也
＿ 嘅 ge3 kɛː˧ [結構助詞] 的 嘅：中哲 ● 香港嘅審批權要攞返來。
其
丌
忌
己
個 (2/2) 		(見(1/2)) ge3 / gaa3 kɛː˧ / kaː˧ (見(1/2)) (見「其 丌 忌 己 個 (1/2)」，音「gaa3 / ge3」之列) (見(1/2))
（口水）巾 （口水）肩/堅 gin1 kin˥ 抹布 抹布義：《儀禮•士喪禮》：「沐，巾一；浴，巾二。」鄭玄註：「巾，所以拭污垢。」　漢語大詞典
註：「巾」梅縣客家話音係gin1，音調等同粵語陰平調但調値爲44，而聲韻母亦等同粵語。另外，客家話「肩」、「巾」同音，所以粵語讀「巾」爲「肩」/「堅」應屬模倣客家話讀法。
篋 喼 gip1 kiːp̚˥ 行李箱 中哲 旅行篋
● 遊完埠返來，成篋也派街坊。
嗰 舸　果(音異) go2 kɔː˧˥ 那 《二荷花史•卷二》「隔牆嗰位操琴人」　中哲 嗰個　嗰位　嗰道
● 嗰邊涼爽啲。
窟（窿）[15] 咕/姑/沽（窿） gu1 kuː˥ 窟：孔、穴。讀音模倣官話讀法。 窟窿：孔義： 漢語大詞典
註：「窟」官話音係ku1，音調等同粵語陰平調。 		行路時跌落大窟窿。
攰 癐 gui6 kuːi˨ 累 《集韻》疲極也。《正韻》弊也，力乏也。　中哲 攰死
● 行完山之後真係好攰。
鑽[16][17] 捐 gyun1 kyːn˥ 伏身前進 中哲 鑽竉鑽罅
● 火車鑽山竉。
榎[18][19] 鞋、嚡 haai4 haːi˩ 粗糙 【廣東俗語考・上卷・釋疾病】：榎讀若諧。本作賈（木旁）。榎與諧叶聲。物澁曰榎。以榎之為木。皮甲粗錯。故凡物之粗澁不滑者。皆謂之榎。 廣東俗語考 ●榎澀澀
＿ 喺 hai2 hɐi˧˥ 在 喺：漢典 ● 佢毋喺道。
咸[20] 冚 ham6 hɐm˨ [貶義] 全 中哲　漢典 【左氏・昭・釋文】咸，戶暗反（勘去聲）。充滿也。 中文大辭典：2560頁、2561頁 咸家　咸屋　咸世界　咸家鏟
咸不論[21]
闔不剌[22] 		冚罷冷 冚唪唥 陷辦難 ham6ba6laang6 hɐm˨paː˨laːŋ˨ [唐代外來語] 全都一起 註：壯語亦有【haemzbazlaengz】一詞，用法等同廣州粵語「陷辦難」。 ● 成屋人咸不論出澌街。
忔 乞 hat1 hɐt̚˥ 煩厭 《集韻》心不欲也。　中哲　漢典 忔人憎
睺 吼 hau1 hɐu˥ 等候 中哲 睺住　睺實
● 我睺徂爾個機會好耐忌喇！
向(存疑) 响　響　嚮 hoeng2 hœːŋ˧˥ 喺，在 《廣韻》嚮與向通用。　中哲 ● 向焉道？
● 向香港地。
揄 休 jau1 jɐu˥ 拉，抽 中哲 揄褲
● 揄高對襪。
也[23] 嘢　野 je5 jɛː˩˧ 事物，延伸自詞語 《唐韻》羊者切。　中哲 容庚《金文篇》：也，與「它」爲一字。 說文解字今釋 金文字典 正也　好也（可以作為歡呼聲）　流也　舐也　淋糝也
● 無也搵也來做。
逳 郁 juk1 jʊk̚˥ 移動 《玉篇》轉也，行也。《廣韻》步也。　中哲 逳動　逳身逳勢
● 坐得耐起身逳下。
元 原 jyun4 jyːn˩ 為首；最初 《說文•一部》始也。《康熙字典》又首也。書•益稷：元首明哉。　中哲　漢典 元首　元老　元凶
● 元旦之前你好擺返你啲也去原來嗰道。
角落[24][25]
旮旯 		卡拉、卡啦 kaa1laa1 kʰaː˥laː˥ 1. 隅，角位
2. 偏僻狹窄之地 		旮：中哲
旯：中哲
註：「旮旯」最早見於《兒女英雄傳》（約1840年定稿），屬後期發明。「旮」、「旯」楷書字形分別源自「角」、「落」草書寫法。「角落」源自「角」，上古時屬複輔音聲母字。「角落」讀法屬後期複輔音分拆讀法。中山粵語讀「角落」時「角」字只讀聲母部分，讀「角落」時保留上古「角」字複輔音讀法。官話「角落」讀jiao3luo3而「旮旯」讀ga1la2，晉陝「角落」讀ga1lao1或用「疙佬」假借詞。按方言用法，官話「旮旯」讀音模倣山西晉語讀法，而粵語「角落」讀「卡啦」應屬模倣官話「旮旯」讀法。 		1. 牆旮旯
2. 山旮旯
冚
衾 		kam2 kʰɐm˧˥ 1. 覆蓋
2. 摑 		冚：中哲　漢典
衾：《廣韻•下平聲•侵•欽》被也。　中哲　漢典 		1. 冚蓋　衾棉胎
2. ● 冚人一巴。
徛
 企 kei5 kʰei˩˧ 站立 企：中哲
徛：中哲
《康熙字典・寅集下・彳字部》：「又【廣韻】渠綺切，音技。立也。」　康熙字典
註：【廣韻】中「徛」字作立義時屬上聲，對應kei5音調。反切時粵語陽上聲字配不送氣聲母會變成送氣，亦對應kei5聲母。[26] 		徛直　徛鵝　徛起身
● 股價高徛。
● 徛成晚好攰忌噃。
佢[27]
𠍲
渠 		keoi5 kɵy˩˧ 他，她，牠，它，祂 佢：《花箋記》（明末清初）「佢若負心不顧娘恩義，小姐何須守舊盟？」
𠍲：《集韻•魚韻》𠍲，吳人呼彼稱。通作渠。　中哲　漢大　漢體
渠：中哲　漢大 		● 他、她義：佢講你又信？
● 牠義：隻貓佢日頭睏緊覺。
● 它義：買徂部機，掿摩佢返屋企。
謦[28][29] 傾 king1 kʰɪŋː˥ 談，自「言笑」引伸 【集韻・類篇】：音慶，言笑也。【說文・言部】：欬也。【玉篇・言部】：欬聲也。　康熙字典 漢語大字典
註：「謦」中古音屬kheng[30]，而玉篇、說文將謦解成咳聲，加上「咳」字聲母屬k，所以字音king1應屬中古音遺傳。另外，「傾談」、「傾吐」、「傾訴」語義全關乎談話，以「傾」解作「談」，應屬上述傾字頭詞語簡化及語義延伸。按上述理論，「謦」讀作king1實屬訓讀。 		謦欬
● 想謦生意？無錢無得謦！
巧 橋 kiu2 kʰiːu˧˥ 巧合 粵庫　中哲
註：客家話、四縣潮州話「巧」字皆讀k聲母及屬上聲（四縣潮州＝陰上）但調値異於粵語。「巧」字於客家話有iao(iau)韻，而四縣潮州話亦有iou韻。粵語iu韻應屬iou韻變韻，應屬模倣潮州話讀法。南寧粵語亦讀kiu，其調類及調値等同廣州粵語。[31] 		有恁恰得恁巧　巧妙
● 恁巧撞到你。
𧥺 昆　坤 kwan1 kʰʷɐn˥ 欺騙 《廣韻•去聲•震•呁》𧥺，欺言。　中哲 ● 爾間舖專𧥺人忌，毋好幫襯啊！
落[32]、攋 瀨、賴 laai6 laːi˨ 遺漏、棄置 落：

粵語審音配詞字庫
遺漏義：漢語大字典
棄置義：《康熙字典》：又廢也。【莊子·天地篇】子高曰：夫子盍行耶，無落吾事，耕而不顧。 康熙字典
攋：
棄置義：《類篇》：把攋。棄去也。 中華大字典
註：「攋」字laai6音早於《類篇》出現，而「落」字laai6音未曾見於古辭書，所以「落」字laai6音應屬後期用法。

棄置義：落／攋低
孻 拉 laai1 laːi˥ 最後 《廣東俗語考・下卷・釋名稱（上）》：孻：孻音拉。尾子也。『菽園雜記』廣東謂老人所生幼子曰拉孻。行路墮尾 曰尾孻。尾子又謂之屘。見廣東新語。 廣東俗語考　《廣東新語・卷十一　文語・土言》：子女末生者多名曰孻。　廣東新語 孻仔孻心肝，孻女孻五臟
洒 攋、瀨、賴 laai6 laːi˨ 排泄物失禁 《廣東俗語考・上卷・釋形體》：洒：洒讀若賴。大小遺也。『廣韻』『正韻』所買切。通作灑『說文』汎也。以 水洒地也。按洒當作遺。讀若拉扯之拉。遺失謂之拉。轉上聲。讀若賴。 廣東俗語考
註：形聲字中以「西」爲音而粵音讀如「賴」者，有廼、迺（粵語口語有l、n聲母混淆現象）。「迺」小篆字形爲「𠧟」，《說文》記述𠧟讀「西」聲。《說文解字注》記述詩書用迺指𠧟，而又俗改爲乃。所以「西」字亦有讀「乃」音。上聲變去聲，應屬四聲變調現象。 		洒尿　洒屎　洒尿蝦
儂[33]
人
郎[34] 		冷 laang1 laːŋ˥ 儂：人
郎：成年男女 		儂： 《六書故·人一》：「儂，吳人謂人儂。」 粵庫　【六書故】吳人謂人儂，卽人聲之轉。甌人呼若能。 康熙字典
郎：
男人義：【唐韻】【正韻】魯當切【集韻】【韻會】盧當切，𠀤音廊……又男子之稱。【唐書·房玄齡傳】高孝基曰：僕閱人多矣，無如此郞者。　康熙字典
女人義：字源
註：汕頭閩語訓讀音係naŋ55（陽平）。[35]潮州話「人」（訓讀）、「儂」音亦屬naŋ55（陽平）。潮州話「郎」文讀音屬laŋ55（陽平），等同「冷」粵音。所以「冷」本字應屬「郎」，而「儂」、「人」屬訓讀，而粵音模倣潮州話「郎」讀法。 		曬儂　家己人/郎
來 唻 黎 嚟
蒞(音異) 		lai4 lɐi˩ 來
黎：到達 		來： 粵庫　中哲

黎： 《嘉靖興寧縣志・卷三・人事部・方言》：其聲大率齊韻作灰、庚韻作陽，如黎爲來…[36]
到達義：漢語大詞典：「比及，及至。」 漢語大詞典

過來　就來
● 啲錢就會繼續來
● 佢來到未？
冧(1/2) lam1 lɐm˥ 1. 哄
2. 迷，沉迷，迷醉
3. 花蕾 		中哲　漢典 1. 冧死人／仔／女
● 佢冧得𠶧啲客，搵毋少。
2. 冧樣　冧歌　冧偶像
● 佢好冧新來個代課老師。
3. 花冧
冧(2/2) lam3 lɐm˧ 1. 坍塌，倒下
2. 殺人 		中哲　漢典 1. 冧山泥
● 颱風吹冧棚架。
● 佢俾人㨃酒㨃冧徂。
2. 冧友
● 佢開片俾人一刀㨃冧徂。
＿ 臨　冧 lam6 lɐm˨ 繼續，接連 臨：中哲 臨莊　臨多鋪
僆 𡃁 leng1 lɛːŋ˥ 少年，年輕人，後輩 中哲 僆仔　僆妹　收僆　花僆倞
令 靚 leng3 lɛːŋ˧ 美；好 《論語•學而》「巧言令色，鮮矣仁！」（花言巧語、表情討好嘅人，好少係有仁德忌！）　中哲
註：【說文解字注】解「靚」爲「静」通假字。[37]中華大字典解「靚」爲豔麗貌而讀「疾正切」(zing6)。 		令女　令車　令爆鏡
● 心情幾恁令！
● 今日天氣好令。
𡚗 雷 leoi4 lɵy˩ 大 中哲　漢體 大隻𡚗𡚗
落 lok6 lɔːk̚˨ 下 中哲 落雨　落街　做落　停落來　煲落湯
● 你做落啲傷天害理嘅事，今日終於有報應啦！
竉[38]
窿
籠[39] 		窿 lung1 lʊŋ˥ 竉：孔、穴
窿：窟窿簡稱，指孔、穴
籠：窟籠簡稱，指孔、穴 		竉：《集韻》《韻會》孔竉，穴也。　中哲 漢語大字典
窟窿/窟竉：孔義： 漢語大詞典
窟籠：孔義： 《宋景文公筆記·卷上·釋俗》：「孫炎作反切，語本出於俚俗常言，尚數百種，……，謂孔曰窟籠，不可勝舉。」 中哲
註：按【顏氏家訓・書證】盧文弨補註，「窟竉」亦解作穴，所以「窟窿」、「窟竉」相通；但「竉」讀上聲，而「窿」字較常用而單讀時讀平聲，所以字音應從「窿」。窟窿中「窿」字於官話讀輕聲，實際音調受窟字影響。「窟」字屬陰平，所以調值爲31[40]或2[41]。但窿字輕讀時音節較短，或會受前字影響而誤聽後字音調爲53，等同粵語陰平聲。所以「窿」讀陰平聲應屬模倣官話讀法。另外，常用兩字詞語亦有同化現象。（例：「穹窿」中兩字皆讀陽平，而「窟窿」中兩字皆讀陰聲；「仿佛」中兩字皆讀陰聲，但「佛」字單讀時一般讀陽聲。） 		山竉　穿竉
● 窮到褲穿竉。
● 瘀成恁！我宜得即刻掘個竉匿摩佢！
摩[42](1/2)
埋 		𠹺 maai4 maːi˩ 1. 靠近，以至到達
[引伸]：
1.1. 聚攏
1.2. 完成
1.3. 連同 		摩：【唐韻】莫婆切【集韻】【韻會】【正韻】眉波切，𠀤音磨。【廣韻】迫也。　康熙字典　中哲
註：「摩」字本以「麻」字爲音。（《說文》：「硏也。从手，麻聲。」）「摩」上古時屬歌部，而上古歌部字韻母於現代粵語讀aai或oi（例：舦（本字爲「舵」）），所以「摩」字讀aai韻應屬上古白話音，而陽平調亦符合《說文》麻聲記述。參考鄰近方言，開平粵語用「枚」（mɔi11）指靠近、聚攏，但「埋」字讀（mai11）而指壅；惠州客家話用「梅」（mɔi11），其逼近義用法等同廣州粵語「埋」字；龍川客家話用「摩」（mɔi51）（陽平），指靠近、聚攏、完畢，亦等同「摩」、「梅」、「媒」讀音，但「埋」字讀（mai51）而指壅；臺山粵語「埋」字亦指靠近、聚攏、完畢，但讀mwōi（muɔi22），而「埋」指壅時讀māi（mai22）。依照方言讀音，「埋」字本字語義應別於壅。若「埋」字本字確關乎壅，除違反鄰近方言指靠近時所用借字及埋字異讀外，亦有違粵語中詞語避忌現象。

埋：靠近義：《嶺外代答・風土門・方言》：泊舟曰埋船頭。嶺外代答　《嘉靖興寧縣志・卷三・人事部・方言》：移近曰埋。[42][36][43]
𠹺：中哲

1. 摩岸
1.1. 摩堆
1.2. 做摩
1.3. 連摩　等摩
挽(存疑) 掹(中哲) maang1 / mang1 / mang3 maːŋ˥ / mɐŋ˥ / mɐŋ˧ 拉，扯 中哲 鬼挽腳
● 爾件事無得挽忌啦。
勿 咪 每[44] 1. mai5
1.1. mai6(係勿) 		1. mɐi˩˧
1.1. mɐi˨ 		1. 毋好，不要
1.1. 毋係，不是 		1. 中哲
1.1. 「係勿」兩字連讀時，勿，音mai6。
[參考] 「勿」可能係「毋係」嘅合音，陽上變調。 		1. 勿逳　勿嘈　勿攪
1.1. 係勿
● 係勿有也食？
文 蚊 man1 mɐn˥ 元，貨幣單位，原指文錢；引伸指金錢 中哲 一文雞
● 週身無文！
䒐䒏[45] 忟憎 mang2 zang2 mɐŋ˧˥ tsɐŋ˥ 煩躁 《類篇》：色惡
《康熙字典·十六》:䒐䒏，色惡。　中哲		 發䒐䒏
㒼[46] 盲[47][48]/盟/萌 mang4 mɐŋ˩ 㒼：無孔 㒼：【廣韻】無穿孔狀。　宋本廣韻　【番禺縣續志】廣州謂物之平滿無孔曰㒼。讀若萌。
註：梁氏文章擬「盲」爲「萌」本字，但古辭書未訓盲爲閉塞或無孔，亦無引縣志述其方言現象，所以「盲」應屬假借。 		㒼：㒼塞　㒼鼻菩薩
物[49] 1. 乜
2. 咩 		1. mat1
2. me1 		1. mɐt̚˥
2. mɛː˥ 		甚麼 中哲 物也　物都得　物物物物
● 有物毋啱講到啱。
● 妳搵佢做物也？
歪
乜 		me2 mɛː˧˥ 不正，不直，偏離原處 歪：《字彙》訓與竵同，不知歪卽竵之譌。《封神演義》「心不正則手足歪邪。」《後紅樓夢》「壓得歪歪斜斜」　粵庫　中哲
乜：《金瓶梅》「李瓶兒星眼乜斜」　粵庫　中哲
[參考] 竵：《廣韻》火媧切。《說文》不正也。又《集韻》空媧切，音咼，義同。　中哲 		歪斜
● 你個頭歪徂咩？寫字寫到歪歪斜斜忌？
靡[50] 咪 mi1 miː˥ 慢 《詩•王風》「行邁靡靡。」　中哲 靡靡摩摩
摩[51][52](2/2) 魔　麼 mo1 mɔː˥ [反話] 慢 《廣韻》摩，迫也。《番禺縣續志》廣州謂遲曰摩，蓋反言之也。……猶以臭爲香也。《廣州語本字•卷二十三》手摩：手摩者，手遲也。　中哲 慢摩摩　靡靡摩摩
● 行得快，好世界；走得摩，無鼻哥。
● 摩王，拿拿臨做摩好收工啦！
無 冇 mou5 mou˩˧ 沒有 中哲 無事　無壞　無情講　無人無物
● 無好帶挈。
● 好耐無見。
● 賣澌，無爾隻貨喇！
念 諗 nam2 nɐm˧˥ 想，思考，思念 《說文》常思也。從心今聲。《廣韻•去聲•㮇•念》思也。　中哲 ● 你恁多念頭，不如念下怎做？
爾[2][53]
抳[54](存疑) 		呢
哩(音li1) 		ni1 niː˥ 這 爾：《周禮•地官•肆長》實相近者，相爾也。　中哲　漢典
抳：《博雅》手指物也。　中哲 		爾個　爾道
● 爾架車好強馬力忌。
(車大)奅
(車大)砲 		paau3 pʰaːu˧ 虛假誇大，張大；大話 《說文》奅，大也。段玉裁•注：此謂虛之大。《揚子•方言》以大言冒人曰奅。又礟石也。《正字通•大部》奅、砲、礮同。廣韻：「軍戰石也。」　中哲　異典 車大奅（講大話）　大奅佬（撒謊者）
● 爾個所謂書法家車大奅，佢一個漢字都毋識寫。
劈(存疑) 批 pai1 pʰɐi˥ 削 《廣韻》割也。　中哲 ● 個梨超邋遢，一定要劈徂皮先食得呀！
㩄 嘥 saai1 saːi˥ 浪費 《集韻》山皆切，音崽。散失也。　中哲 㩄氣　㩄神　㩄錢　㩄心機
● 㩄澌我成擔心機！
澌 嗮　晒　曬 saai3 saːi˧ 全部；完成 《揚子•方言》澌，盡也。　中哲 ● 行完山，成個人散澌！
● 佢物都做澌喇！
潲 哨/餿/滫[55][56] saau3 saːu˧ 臭水 滫：【康熙字典】水部十劃：【唐韻】思酒切【集韻】【韻會】【正韻】息有切，𠀤音醙。【說文】久泔也。淅米汁。【禮·內則】滫瀡以滑之。【註】滫，泔也。　又溲也。秦人謂溲曰滫。……又【集韻】疎鳩切，音搜。又息救切，音秀。義𠀤同。　康熙字典
潲：【廣韻】【集韻】𠀤所敎切，稍去聲。……【博雅】潲、濯，滫也。　康熙字典
註：按滫字集韻音息救切，滫讀音應作sau3。		 豬潲
侲(存疑)[57] 神　腎 san5 sɐn˩˧ 神經質；黐黐地 中哲
《廣東俗語考・下卷・釋性質》：侲：侲讀若腎。半顛半戇為侲仔。『漢書禮儀志』先臘一日大儺。選十二歲 子弟為侲子。執大鼗以逐疫。方相氏黃金四目。執戈揚盾。以索 室毆疫。粵呼半顛戇者為侲子本此。　廣東俗語考
註：按侲字【集韻】【韻會】【正韻】之刃切，侲粵音應讀陰去聲。腎按【唐韻】【集韻】【韻會】【正韻】反切，粵音皆讀陽上聲，或濁上歸去讀陽去聲。 		● 佢成日驚有人害佢，個人都侲侲地忌！
誰[58][59]:50 水 seoi4-2 sɵi˧˥ 何者；哪個 【康熙字典】言部八劃：　康熙字典
註：音上聲屬名詞變調。 		阿誰
郇[60](存疑) 筍　笋　榫 seon2 sɵn˧˥ 正，好 中哲 郇也　郇盤
● 焉有恁郇忌？
謆 扇　煽 sin3 siːn˧ 騙，眲 《集韻》《類篇》𠀤式戰切，音扇。以言惑人也。　中哲 ● 佢謆徂我一鑊！
𨃩 跣 sin3 siːn˧ 滑，打滑 中哲 𨃩低
● 地板光滑，拖完地特別𨃩。
● 個地下好濕，一個毋覺意就𨃩寴喇！
瀡[61] sir soe4 sœ˩ 滑 【玉篇】 息觜切。滑也。　玉篇 【集韻】髓隨切。滑也。　集韻 瀡滑梯
臊孲[62] 蘇蝦 sou1haa1 sou˥haː˥ 嬰兒 臊：《說文•肉部》臊：豕膏臭也。　中哲
孲：《集韻》《類篇》𠀤於家切，音鴉。赤子也。　中哲　漢大
《廣東俗語考・下卷・釋名稱（上）》：孲：孲讀若蝦。『集韵』赤子也。『方言』吳人謂赤子曰孖孲。以其氣味頗臊。故曰臊孲。通作酥。以酥酪有乳味也。 廣東俗語考 		臊孲仔
眅 坦 taan2 tʰaːn˧˥ 反眼 《說文》多白眼也。　中哲 眼眅眅
睇
睼 		tai2 tʰɐi˧˥ 看；閱 睇：《廣韻•上平聲•齊•梯》視也。又徒計切。《集韻》田黎切，第平聲。迎視也。與睼同。　中哲
睼：《集韻》《韻會》𠀤田黎切，音題。義同。又遠視也、又坐見也。或作睇。　中哲 		睇見　睇書　睇波　睇水
睇好　好睇　睇合　合睇
● 跪地餵豬乸，睇錢份上！
● 你幫我睇下篇作文吖！
𧨾 𠱁　氹 tam3 tʰɐm˧ 1. 騙，引誘[63][64]
2. 哄，冧 		騙義：《康熙字典·八》:《集韻》《類篇》𠀤時占切，音蟾。言不實也。　康熙字典
註：按《集韻》、《類篇》反切，𧨾應讀sim4。𧨾以罙爲聲，而形聲字中最接近tam3音者有探，但讀taam3而義異。 		1. ● 𧨾人買冒牌貨。
2. ● 買紮花𧨾返你女朋友啦！
氹
凼 		tam5 tʰɐm˩˧ 水洼 氹：中哲
凼：中哲 		水氹
● 恰恰落完雨，地面有好多水氹。
窞 氹　凼 tam5 tʰɐm˩˧ 深坑，陷阱 中哲 ● 識徂你恁耐，竟然畀個窞我踩。
等(2/2)[54] 挺　亭 ting2 tʰɪŋ˧˥ 類，種 中哲 ● 爾等人，剩係識得有風駛盡𢃇。
糶 跳 tiu3 tʰiːu˧ 賣米 《廣韻》《集韻》《韻會》《正韻》𠀤他弔切，音眺。《說文》出穀也。　粵庫　中哲　異典 糶米　糶穀　糶糧　糶灰（跳灰嘅正寫）　糴糶
堶[65] 砣/鉈 to4 to˩ 飛磚遊戲 【廣韻】徒和切【集韻】徒禾切，𠀤音㸰。飛塼，戲也。宋世寒食有飛堶之戲。　康熙字典 無尾飛堶
搲 waa2 / we2 waː˧˥ / wɛː˧˥ 抓 中哲 搲銀　搲爛塊面
（污）穢[66] （污）we we3 wɛː˧ 髒，邋遢，不潔 中哲
註：讀音模倣客家話讀法，而客家話音亦屬去聲。		 污穢
喴[67] v、we wi1 wi˥ 象聲詞 漢典　中華字海
註：「喴」以「威」爲音，廈門閩南語「威」讀ui55（陰平）[68]，等同粵語wi1音及聲類（ui55平時應讀如「煨」韻母，但i元音拉長時u元音變弱，從而得wi1。）；梅縣客家話「威」讀 vi4（陰平），近乎粵語wi1音而聲類同。 		喴嘩鬼叫
拃 zaa6 tsaː˨ 1. 堆
2. 堵 		中哲 1. ● 跌徂落地，拿返拃沙。
2. 掗拃
● 拃住巷口。
（腳）踭 （腳）㬹 zaang1 tsaŋ˥ 踵，脚跟，腳掌後部 踭：《客方言・釋形體》：踵曰腳踭…踭，俗造字，字書無踭也。 漢语大字典
㬹：踵義： 教育百科
[參考] 㬹：《康熙字典》未集下・肉字部：【集韻】【類篇】𠀤甾莖切，音爭。足跟筋也。又【集韻】側杏切。義同。 康熙字典
註：「㬹」字早見於類篇及集韻，而「踭」字最早記載於《客方言》，於清朝出版，所以「踭」字應屬後期發明。肉部變足部，應屬形聲歧義分化現象。		 高踭鞋
仔 zai2 tsɐi˧˥ 孩子，子（愛稱），細小物件 中哲
[參考] 崽：音zoi2。《揚子•方言》子也。《廣韻》自高而侮人也。一曰呼彼之稱。　中哲 		生仔　飛仔　散仔　細路仔　敗家仔
● 你個仔有對大耳仔。
䟴(ngan3)(脚)[69] un(脚)、奀(脚)、印(脚) zan3 （ 震動 【唐韻】章刃切。【集韻】【韻會】【正韻】之刃切，𠀤音震。【說文】動也。 康熙字典 漢語大字典
(陰)騭 (陰)質 zat1 tsɐt̚˥ 陰騭：默默行善嘅品德。
粵語經常用來反諷，意喻：暗中做落嘅壞事。 		陰騭：為默定的意思。後引伸為默默行善的德行。　維基詞典　中哲 ● 做做摩摩啲陰騭也，因住收尾嗰幾年！（反諷，有如話人「好事多為」。）
正 zeng3 tsɛːŋ˧ 1. 非常好
2. 企理 		中哲 1. 正斗
● 爾齣戲好正！
2. 四正（肆正）
(烏黢)黢[70] (烏卒)卒 zeot1 tɵt̚˥ 黑，暗 《康熙字典·黑部·七》：黢：《集韻》促律切，音焌。《玉篇》黑也。 中哲　漢語大字典
整 zing2 tsɪŋ˧˥ 1. 做，搞
2. 創造，製造
3. 修理
4. 傷害 		中哲 1. ● 整得好好睇睇。
2. ● 整徂個時間表。
3. ● 整好部電腦。
4. ● 小心毋好整寴人。
徂(存疑)
𧇣(存疑)
𧇿(存疑)[71] 		咗 zo2 tsɔː˧˥ 了 徂：韋孟《諫詩》「歲月其徂。」　中哲　漢典
𧇣：中哲　漢典　漢體
𧇿：中哲　漢典　漢體 		● 一早食徂飯。
鍾(意) 中(意) zung1 tsʊŋ˥ 喜歡 中哲 ● 鍾意怎做隨得你。
● 我得閒鍾意行下街。
重[72]
尚[73] 		仲 zung6 tsʊŋ˨ 還，仍 重：中哲
尚：中哲 		重有　重未　重要（此解「仍要」，非「緊要」）
● 我重有好多也未做。
● 入完大埔，重要返落來過海去灣仔，唉！

註[編輯]

  1. ↑ 《廣東俗語考》自序
  2. ↑ 2.0 2.1 「呢」與「唔」，粵語協會，討論區。
  3. ↑ Grammaticalization of the Cantonese Double Object Verb pei35 畀in Typological and Areal Perspectives/從語言類型學和區域語言學角度 探討粵語雙賓動詞「畀」的語法化現象
  4. ↑ 廣府俗語探奇(一)
  5. ↑ 「搞掂」本字考
  6. ↑ 陳伯煇、吳偉雄著. 《生活粤語本字趣談》 1999年1月再版. 中華書局(香港)有限公司. p. 69. ISBN 962-231-894-0.
  7. ↑ 粵語典故: 「捉蟲」原句係乜嘢？
  8. ↑ 明代木魚書《二荷花史》中的東莞方言・(三)・一、詞彙部分・甲、名詞・1.　屎佛
  9. ↑ 【粵語講呢啲】符碌．冇符．冇晒符fit．氹鬼食豆腐
  10. ↑ 符碌•冇符•冇晒符fit•氹鬼食豆腐
  11. ↑ 11.0 11.1 丌、其：今閩南話推斷其言語中「ê」爲「丌」，實與「忌」同，或可印鑒。另，該語彙爲南方唐話共有同源詞，閩語學界認之爲「丌」或「其」。
  12. ↑ 個：順德、香山、粵西等地粵語中，廣州話中ge對應作go；吳文中作「個」（吳讀ku）。該語彙爲南方唐話共有同源詞，他方言文或可佐之。吳語學界認之爲「個」。
  13. ↑ 明代木魚書《二荷花史》中的東莞方言・(三)・二、語法成分・1.
  14. ↑ 粵語的「香笄腳」是什麼？
  15. ↑ 「大咕窿」定系「大窟窿」定系「大窟竉」
  16. ↑ 捐山窿•捐褲襠•開襠褲•通褲襠
  17. ↑ 【粵語講呢啲】捐山窿．捐褲襠．開襠褲．通褲襠
  18. ↑ 「鞋熠熠」的本字
  19. ↑ 請教形容表面粗糙，好『鞋』個鞋正字
  20. ↑ FlyingHorse (2012-06-12). "特首的咸與冚".
  21. ↑ 除徂波斯語說，後面嗰兩隻字可能係有音無字，爾個係疊韻現象，唐話常見，粵語中亦有爾類喺有實義嘅詞幹後黐上無意義嘅襯字，比如「紅當蕩」、「花哩碌」等
  22. ↑ 「陷辦難」點寫？
  23. ↑ Re:有冇人知道"嘢"嘅本字係咩啊?
  24. ↑ 「山卡啦」點寫？
  25. ↑ “旮旯”議
  26. ↑ 《解．救．正讀: 香港粵讀問題探索》，163-165頁
  27. ↑ 《粵語同音字典》的粵語用字
  28. ↑ 曾焯文：傾偈、傾蓋定謦欬？
  29. ↑ 謦欬．傾偈．粵語
  30. ↑ Baxter-Sagat Old Chinese reconstruction, version 1.1 (20 September 1914)
  31. ↑ 漢語多功能字庫・巧・其他方言讀音
  32. ↑ 曾焯文《粵辭正典》之溝埋做瀨尿牛丸呀笨
  33. ↑ 白飯點解叫「靚仔」？
  34. ↑ 明天晚上830左右準備去溫東‘打冷’...
  35. ↑ 漢語多功能字庫・威・其他方言讀音
  36. ↑ 36.0 36.1 16世紀的興寧客家方言 / The Records of Hakka Dialect in 16th Century
  37. ↑ 談〈靜女〉的靜
  38. ↑ 陳雄根《追本窮源：粵語詞彙趣談》p.98 ISBN 9620425340
  39. ↑ 且説“窟窿”之“窿”的讀音
  40. ↑ 普通話的聲調
  41. ↑ 輕聲的特性
  42. ↑ 42.0 42.1 從方言比較看粵語“埋”的語源 / In Search of the Etymological Source of Cantonese “mai”: A Comparative Approach
  43. ↑ [16世紀的興寧客家方言（作者：田志軍）]
  44. ↑ 明代木魚書《二荷花史》中的東莞方言・(三)・一、詞彙部分・丁、形容詞及副詞・18.　每
  45. ↑ 【粵語妙趣多‧中文系講師教路之二】廣東話「忟憎」點寫？ 「俾人𨃩鑊甘」「鑊鑊新鮮，鑊鑊甘」的「甘」有得解？
  46. ↑ 「萌」塞
  47. ↑ 粵語講呢啲：「蔫」豬頭都有「盲」鼻菩薩
  48. ↑ 「蔫」豬頭都有「盲」鼻菩薩
  49. ↑ Re: Looking for the original character (物，《論粵方言詞本字考釋》)
  50. ↑ 靡 [mi44]，語素，慢。
  51. ↑ 做嘢做得“魔”(慢吞吞) 求正字
  52. ↑ 粵語偽正字禍港錄：彭志銘《廣東俗語正字考》（一）
  53. ↑ 亦有可能係百越語彙，恁就攷毋到；亦有假說可能係唐話同百越語接續後，其中一方吸收徂對方嘅語彙，至於源自焉方，難攷，此爲語言發生學問題。
  54. ↑ 54.0 54.1 《方言字考》之（呢挺嘢）
  55. ↑ 不敢落筆的粵音正字
  56. ↑ 百家廊‧不敢落筆的粵音正字
  57. ↑ 斑馬知識+挑戰 點解話人傻傻地叫做(腎)呢?我睇粵語片d人咁講
  58. ↑ 明代木魚書《二荷花史》中的東莞方言・(三)・一、詞彙部分・乙、稱謂及稱代・7.　乜誰
  59. ↑ 三蘇小說研究（1950 年代）
  60. ↑ "果籽 今日字吓你". 蘋果日報. 2006-11-02.
  61. ↑ 粵語入文 生動傳神 歇後語 言簡意蘊深
  62. ↑ 生活語文﹕生活俚俗煉成趣怪粵語
  63. ↑ 呃•氹•呃呃氹氹•氹死人冇命賠
  64. ↑ 【粵語講呢啲】呃．氹．呃呃氹氹．氹死人冇命賠
  65. ↑ 「佢」哋定「渠」哋：廣東話正字你識幾多　粵音本字或消亡？
  66. ↑ 污“wer”個 “wer” 字點寫？
  67. ↑ VI 嘩鬼叫個VI 字粵語正字係邊一個？``
  68. ↑ 漢語多功能字庫・威・其他方言讀音
  69. ↑ 閉翳？un腳？塔？打尖？Sir滑梯？
  70. ↑ 《最緊要正字》正確用字列表（更新至第十二集）
  71. ↑ 彭志銘，《正字審查》，次文化堂，2007-07-01， ISBN 9789629921606
  72. ↑ 可見於粵曲劇本，不過係勿本字值得推敲，該字難有該語彙之語義。
  73. ↑ 可見於該文章嘅考究《駁王亭之「重有最靚嘅豬腩肉」之「重有」說》

攷[編輯]

睇摩[編輯]


由「https://zh-yue.wikipedia.org/w/index.php?title=Wikipedia:粵語本字表&oldid=1383642」收