衾棉胎，俗寫襟棉胎，台灣叫心臟病，係一種適合好多人一齊玩嘅啤牌遊戲，主要係玩鬥反應快。
遊戲規則係，先抽起一張牌，所有嘅玩家都唔可以睇嗰張牌，之後。將其餘 51 張牌按人數盡量平分，攞到牌後唔准睇自己啲牌，將牌反轉放響自己前面。大家輪流嗌「煙」、2、3 直到「傾」，同時將牌放響中間。假如數字或公仔同版面一樣，就要鬥快拍落去，拍得最慢或者拍錯嗰個就要攞晒出面啲牌。邊個最快出晒啲牌就贏，最慢就輸。
