啲
 |
香港人不時借用英文近音字母「D」（英音/diː/）代替，例如將「快啲」寫成「快D」。原因有幾多，有啲人認為「啲」係有音無字，而且因為香港俾英國統治過，居民嘅第二語言多數係英文，又習慣中英夾雜寫嘢，亦比較少人學過點寫粵語字，甚至貪方便，所以就借用「D」。亦可能同五大碼長期獨大有關，因為五大碼冇「啲」字，打唔出，就唔用，結果即使統一碼打到個字都繼續唔打，情況類似而今仍然有人打字唔會打「着」或者「裏」一樣。
「啲」都可以讀作「dit1」。
語源
[編輯]梅縣客家話「滴」讀音如粵語dit，有陰入而調值近粵語陽平調，及陽入而調值近粵語陰入調，兩者皆訓少量。[2]香港客家話「滴」(dit6)亦訓少量。[3]粵語「啲」應屬客家話「滴」假借字。
「啲」係錯字？
[編輯]另外有啲廣州人認爲「啲」係香港人自創嘅新字，認爲係錯字，正字或本字係「尐」，呢個講法係唔正確，首先「啲」早於明末清初已經出現[4]，而且「啲」嘅讀音係di1，但「尐」嘅讀音係zit3，尐嘅反切係「子列切」，反切上字取聲母（子->zi->z），下字取韻母（列->lit->it），切出嚟嘅音就係zit，讀音都唔啱，所以無可能係本字或正字。而且意思唔係相同，例如「多啲」（多點丶更多），如果寫成「多尐」就會變成（多少），意思已經唔同咗。
註
[編輯]- ↑ 啲 - 中文大學粵語審音配字庫
- ↑ 其他方言讀音：滴
- ↑ 〈香港本土語言保育協會 - 發音字典：滴(dit6)〉。原先內容歸檔喺2016年4月10號。喺2016年4月10號搵到。
- ↑ 《第八才子書花箋記》‧二十、花園複遇：「奴系綠窗紅粉女，日長針指度芳年。婚姻自有高堂在，啲該兒女亂開言？」註：原文「啲」字唔係解少量，亦非作後輟用。
