𨋢
(由升降機跳轉過嚟)
 |
𨋢（圖：
，係形聲字，粵拼：lip1，借自英文 lift /lɪft/），又嗌做升降機，係打棟上落嘅機械，方便過行樓梯，分咗兩種，載人上落同載貨。啲舊式𨋢，道門設計仲未有自動開閂嘅功能，需要自己用手開閂外門同內門，新款嘅道門多數都識自動開同閂。𨋢入邊通常有掣畀你撳，去到你想去嘅嗰層樓。有啲𨋢開門有
「𨋢」字
[編輯]以前啲講廣東話嘅人用慣英文個「lift」字，未有漢字。後來粵語地區嘅人就以形聲方法造字，形旁「車」表示佢係載運工具，「立」粵拼：lap6表示相似讀音。亦有人話「立」亦表示咗呢種載運工具係直立運行嘅意思，係形聲兼會意。
有唔同學者相試搵出「𨋢」字嘅源頭，澳門教授鄧景濱話個「𨋢」字「首見於」1991年12月6號澳門華僑報嘅一篇報道標題度：《怪客𨋢內擲出汽油瓶》[1][2]。不過，唔少喺1991年前落成嘅公共屋邨大廈同工業大廈，已經用緊個「𨋢」字。香港教育大學嘅《香港二十世紀中期粵語語料庫》，就收錄咗謝賢喺1959年嘅粵語電影《大廈情殺案》入面，已經講過「大佬呀，個𨋢仲停喺四樓喎」呢句對白。[3]
講國語嘅嗰啲地區就嗌呢樣嘢做「電梯」[4]，但噉叫冇咁易明，因爲會撈亂咗兩種唔同嘅機械。𨋢同扶手電梯係兩種唔同嘅類型、概念同原理唔同嘅運輸架生。扶手電梯係用運輸帶原理，有梯級，斜嘅，唔可以垂直打棟，仲冇門𠻹。𨋢就啱啱好掉返轉，用纜索原理，唔平得，唔斜得，一定要垂直，有門。
睇埋
[編輯]參攷
[編輯]- ↑ 王惠、秦秀白. 粵語中的英語譯詞探微[J]. 華南理工大學學報, Vol.7 No.3 2005: 58-61.
- ↑ 鄧景濱 《港澳新詞語研究》[M]. 廣州:暨南大學, 1996.
- ↑ 香港教育大學：《香港二十世紀中期粵語語料庫》
- ↑ 〈存档副本〉。原著喺2023年8月18號歸檔。喺2023年8月18號搵到。
 |