碳絲織嘅布
碳纖維（Carbon fibre），簡寫碳纖，亦有人寫碳化纖維，係由幼碳綫織出嚟嘅物料。特點係輕得嚟仲硬過鋼。
呢啲幼碳綫織出嚟嘅物料係好薄嘅，將好多層好薄碳化纖維一層一層咁鋪上去，同一層嘅碳化纖維都係向住同一個方向，而每一層嘅碳化纖維嘅方向都有一定分別（30度，60度…），做成一塊任何方向都有高防變形能嘅版。
碳纖維亦可以整成唔同形狀。好似賽車嘅身就係用一個模首先刻出賽車嘅外形，然後就好似上面所講咁一層一層咁鋪上去，用樹脂做膠水，將佢哋黐實。跟住等佢哋乾。
- 而家大部份賽車只要用得到就用，F1 連避震都用，令賽車嘅重量大幅減少。
- 空中巴士 A380 飛機重量嘅 25% 係碳纖維。
- 單車車架。
- 釣魚竿。
