訓讀

古代日本未輸入漢字之前，係一種得讀音而無文字嘅語言系統，即係話古代嘅日本語係有音而無字。好似「草」咁，日語嘅發音係kusa，但係當時係無「草」呢個字。由於單憑語音指示，喺溝通方面，問題雖然唔大，但對於記載重大事件，保存民族的歷史和文化就出現咗好大問題。於是，古日本人就用咗一種「混合式」嘅語言應用的方法，解決呢個問題。即保留咗讀音代表意思，同時採用中國嘅漢字作為意思嘅記錄。呢個「方法」就係訓讀法。