宮粉羊蹄甲
 | ||||||||||||||||
|---|---|---|---|---|---|---|---|---|---|---|---|---|---|---|---|---|
 | ||||||||||||||||
| 物種分類 | ||||||||||||||||
| ||||||||||||||||
| Bauhinia variegata S. T. Dunn |
宮粉羊蹄甲（粵拼：gung1 fan2 joeng4 tai4 gaap3；學名：Bauhinia variegata）；又叫宮粉紫荊（gung1 fan2 zi2 ging1）；佢係蘇木科羊蹄甲屬嘅落葉喬木仔，原產地喺中國南邊、印度同馬來半島地區。
形態
[編輯]呢樖嘢一般有7米高到，單葉互生，樹葉好似個腎嘅樣噉，葉色係淺綠色，葉面比較光滑。而花嘅方面，佢係總狀花序，一般生喺樹頂或樹杈嗰度，花瓣有5嚿，而花色係粉紅或淡紫色，都幾有花香吓，入面有5嚿雄蕊，其中有1嚿有深紅色嘅條紋響度。而花期方面，佢每年3——5月落咗葉之後先至開花。
適應環境
[編輯]呢樖嘢鍾意有陽光同濕暖嘅氣候嗰度生，雖然佢唔禁（kam1）凍，但佢禁（kam1）又濕又肥兼排水比較好嘅泥嗰度生。
用途
[編輯]呢種植物嘅花、花芽、嫩葉同佢嘅果仔都可以食得，同時佢嘅根皮重可以做藥，可以醫消化唔好嘅病。
綠化
[編輯]廣州四圍種咗好多宮粉紫荊做綠化。天冷到開春之間，好啱賞花嘅地方包括流花路、雲城東路、雲城西路、齊心路、花城大道、臨江大道、海珠湖、海珠濕地、白雲路、東湖路、黃埔大道、水秀一路、花地河兩岸、閱江路、增城新城大道、增城荔城街佑府路、麓湖公園、華南農業大學、天河公園、珠江公園、燕嶺公園、白雲湖、城市兒童公園、生物島攬勝園、穗東街夏園湖、蓮花山明花園、大學城、大象崗森林公園、沙頭江景賞花長廊、南沙天后宮、南沙兒童公園、荔湖公園、正果鎮月亮灣公園、清水公園、仙村鎮仙村花園、大夫山森林公園、海鷗島森林公園、白江湖森林公園、十八羅漢松森林公園。[1]
相
[編輯]-
-
-
白花品種
參考
[編輯]- ↑ 〈[广州]市内46个宫粉紫荆观赏点新鲜出炉〉。lyj.gd.gov.cn。喺2023-11-13搵到。
有關嘅書
[編輯]
- 《樹影花蹤－九龍公園樹木研習徑》，香港園藝學會 著，天地圖書 出版 2005年4月 28-32頁 ISBN 988211147-5
- 宮粉羊蹄甲
出面網頁
[編輯]
- 宮粉羊蹄甲 樹木谷