南沙天后宮

出自維基百科,自由嘅百科全書
Jump to navigation Jump to search
正門牌坊
正門廣場
佢啲建築同南沙天后宮牌坊

 南沙天后宮粵拼naam4 saa1 tin1 hau6 gung1 ,又嗌大角山天后宮daai6 gok3 saan1 tin1 hau6 gung1,係中國廣東廣州一風景區兼旅遊勝地,1996年5月10號開始營運,位置喺南沙區大角山天后路88號(大角山東南角近獅子洋伶仃洋嘅交界附近)。佢既係中國國家AAAA級景區,有「天下天后第一宮」嘅稱呼,又係東亞東南亞最大嘅媽祖廟。

[編輯]

呢間嘢之前實質係大明時期,喺鹿頸村入面起嘅天妃古廟,大清乾隆年間修復咗之後定名做元君古廟。不過到咗抗日戰爭期間俾日軍啲飛機炸冧咗。期間寺院一直淪為廢墟,直到1994年,香港企業家霍英東喺南沙地區搞緊資訊園時咁啱發現咗呢間古廟啲廢墟而搞重建工作,工程一直到1996年清明先至搞掂。而全新嘅南沙天后宮喺1996年5月10號正式開放。

概況[編輯]

景區有100公頃咁大。公園依山傍水,建築都係按山勢層疊噉上。而建築特色都係按北京故宮啲風格同南京中山陵嘅氣勢夾埋一齊嚟整。佢嘅規模係家下世界同類建築之最。

主要景區同建築[編輯]

天后聖像
鐘樓
靈惠樓
寑殿
牌樓
南嶺塔
鼓樓
嘉應閣
正殿

天后聖像[編輯]

園區最大特色雕像,位置喺正門廣場中間偏東南些少位。佢係個石雕像,專門爲咗紀念海上女神——林默而起。喺雕像下邊堆「天后聖像」同「唘功」呢兩個字係由嗰時負責起天后宮嘅霍英東先生負責寫出嚟。雕像高14.5米(48呎,44尺),用咗365嚿花崗岩石砌成,意思喺象天后娘娘喺一年365日保佑住風調雨順國泰民安。尤其喺頭頂個冕旒,屬十二旒十二珠。喺雕像兩邊分別重有個華表柱響度。

鐘樓同鼓樓[編輯]

山腳兩樓,位置喺大角山腳同正門廣場嘅牌樓之間。其中鼓樓入面整咗個直徑1.2m嘅牛皮大,鐘樓入面整咗個重1.6t嘅銅古鐘。喺每日啱天光或鹹蛋黃嗰時,鐘鼓識同時響。若果咁啱係農曆節慶,鐘鼓都識一齊猛咁響。

獻殿[編輯]

山上一殿,位置喺正門廣場中間偏西北邊嘅山上些少位。入面供奉咗蹈海天后同四海龍王執圭響度。其中蹈海天后喺中間,四海龍王執圭喺兩邊企響度。入面睇落去體驗到天后作為海上女神嘅領導地位,重話明天后通靈四海龍王嘅安瀾利運。

靈惠樓同嘉應閣[編輯]

山上其兩樓閣。位置喺大角山半山腰位,正殿同獻殿之間。佢哋個名出自大宋對天后嘅雅號而改成噉。而家主要用嚟介紹同交流同天后有關嘅信仰、文化嘅場地。

正殿[編輯]

山上一殿,位置喺大角山半山腰近山頂位。佢亦係景區嘅中心,入面有木雕神龕響度。而木雕神龕主要供奉香樟木雕、貼金鎮殿天后像,同埋喺湄洲媽祖廟流傳出嘅古仔——點睛分靈而嚟嘅出巡軟身天后像。呢啲雕像相傳喺大清雍正乾隆光緒嘅大幅御筆後掛咗喺9m高嘅殿入面。喺宋元明清四朝入面,好多時講到同天后密切相連嘅八尊文臣武將,佢哋都當陪神企喺兩邊。

寑殿[編輯]

山頂一殿,位置喺正門對住大角山頂位。佢相傳係天后起居同休息之所,入面供奉咗素裝天后座像,兩邊佈置咗有象征天后日常生活嘅仿大宋器物同擺設。

南嶺塔[編輯]

內文: 南嶺塔

山頂一塔,位置喺大角山頂北邊,亦係景區最督地方。成間嘢有8層樓高。起呢間嘢嘅目的係同右邊座大角山主峯平衡同來應所謂「左青龍」嘅講法。雖然正門左手邊有條通道可以上去8樓塔頂,但家下俾防盜門封實兼鎖住咗,除咗園區啲員工同保安仔之外,其它人基本上冇得上去塔頂睇佢嘅遠景。

七大砲臺[註 1]同彈藥庫[編輯]

內文: 虎門砲臺

山頂景區之一,座落喺大角山頂近園區周邊位。呢堆砲臺曾經喺兩次鴉片戰爭時期對抗入侵嘅英軍先至出名。家下呢啲景區屬山崖地方,已經俾園區管理處圍蔽咗,唔畀入。

龜池[編輯]

園區一放生池,位置喺大廣場東南近整大門口西南角。喺水池入面有隻龍頭龜石像響度,入面重有幾隻響度。佢專門畀遊客放生龜類動物嚟用。

飛同開放時間[編輯]

開放時間
  • 每日08:30~17:00
  • 凡係掛咗紅色暴雨警報信號或黃、橙、紅色颱風警報信號時,景區會暫停開放。
  • 全票¥20(限一人一飛,一次性出入)
  • 1.2m<身高≤1.5m/60<年紀≤64(要有廣州地區嘅老人證或個人身份證):半票
  • 身高≤1.2m/年紀≥65(要有廣州地區嘅老人證或個人身份證)/現役或榮譽軍人(要有軍官證)/傷殘人士(要有殘疾證):免票

附近嘅交通[編輯]

地鐵

4號綫南橫站(東行3.5km路程)、南沙客運港站(東南行2.4km路程)

巴士

天后宮東門總站、南沙灣總站、華師南沙附小站

[編輯]

  1. 呢度講嘅「七大砲臺」分別係鴉片戰爭時期用過嘅振定、安平、安定、安威、流行、安勝、振威呢7樣。

[編輯]

出面網頁[編輯]