南嶺塔
| 南嶺塔 | |
|---|---|
 | |
| 明細 | |
| 原名 | 南嶺塔 |
| 用途 | 觀光 |
| 構造 | 樓閣式磚塔 |
| 樓數 | 8 |
| 高度 | 45 米 |
| 落成 | 大宋太平興國二年（977年） |
| 喺邊 |  中國廣東廣州南沙區大角山頂（南沙天后宮北邊山頂角落頭） |
| 座標 | 22°46′N 113°37′E / 22.76°N 113.62°E |
南嶺塔（粵拼：naam4 ling5/leng5 taap3）係中國廣東廣州嘅樓閣式磚塔，亦係南沙天后宮北邊山頂一景區，位置喺南沙區大角山東北近山頂地方。
古仔
[編輯]座塔喺大宋太平興國二年（977年）起好。嗰時起呢座塔嘅目的有四個：
- 同右邊嘅大角山主峯最高峯平行。
- 回應返所謂「左青龍」嘅古仔。
- 日夜可以幫船隻搞導航。
- 成為班天后宮建築嘅一地標。
結構同狀況
[編輯]
座塔屬樓閣式磚塔建築，平面屬正八角形，高45m，一共8層樓。喺舊時，遊人可以爬上塔頂睇四圍啲景。包括成個天后宮個樣同南國嘅水光山色，及望到鳧洲、虎門、深圳北呢啲地方。喺1樓，內部通道窄到凈畀一個人出入，而且成「T」字形走向。但係出入通道凈得一條咁少，喺塔嘅正門左手邊嘅通道位，家下俾防盜門封實兼鎖住咗，除咗園區啲員工同保安仔之外，其它人基本上冇得上去塔頂睇佢嘅遠景。喺角梁下邊有56隻唥鐘，一有勁風吹嚟嘅話，唥鐘識猛咁響。
另外，喺1樓入面正中間位，重有堆拜神用啲供奉品響度。