南橫站
| 南橫 Nanheng | |
| |
| 南橫站嘅站名 | |
| 概覽 | |
|---|---|
| 冧巴 | 402 |
| 位置 | 南沙區南沙街道南橫村，環市大道南同江美路嘅交界。 |
| 座標 | 22°44′53.26″N 113°35′39.64″E / 22.7481278°N 113.5943444°E |
| 車站色 | |
| 經過路線 | 4 |
| 啟站 | 2017年12月28號 |
| 月台數 | 1 |
| 站口數 | 3 |
| 營運資訊 | |
| 車站服務時間 | 05:57～00:26 |
| 列車服務時間 | 06:02～00:21 |
| 廣州地鐵4號綫 總站 ◄南沙客運港 （3.1km） （2.3km）塘坑► 黃村 | |
南橫站（粵拼：naam4 waang4 zaam6；英文：Nanheng Station），規劃同施工時期嗌過資訊園站（zi1 seon3 jyun4 zaam6；Nansha IT Park Station），係廣州地鐵4號綫嘅車站，2017年12月28號開始營運，位置喺南沙區南沙街道南橫村嘅厚裕圍片區入面，環市大道南同江美路嘅交界。
從2017年12月28號頭班車開始，一直到2021年9月28號14:00（UTC+8）爲止，做過廣州地鐵系統最南邊嘅車站。
結構
[編輯]樓層
[編輯]呢個站有兩層樓嘅地下室。其中地下一樓係車站嘅設備同公路，地下二樓係4號綫月台。雖然車站冇休息室，但有廁所同母嬰室。其中廁所喺月台範圍西邊，而母嬰室喺月台範圍東邊。
打掂
[編輯]| 地下 一樓 |
站廳 | 售票機、客服中心、商舖、車站警務室、安檢設施 |
| 地下 二樓 |
2月台 | ← 4號綫列車去南沙客運港站（行南沙客運港嗰邊） |
| 1月台 | 4號綫列車去塘坑站（行黃村嗰邊） → | |
打橫
[編輯] |
 |
 |
站廳
[編輯]南橫站嘅收費區喺站廳嘅南邊，而免費區喺站廳北邊。收費區有扶手電梯同樓梯、專用𨋢往返月台。
月台
[編輯]呢個站有1個島式月台，喺南沙區南沙街道南橫村，環市大道南同江美路嘅交界地底。
商舖同自助服務
[編輯]南橫站入面得好少舖頭畀乘客買嘢同埋食嘢，有便利檔同麵包檔。
另外，南橫站入面重有好少自助服務設施畀乘客用，得部羊城通充值機響度。
|
|
出入口
[編輯]| 南橫站冚唪唥嘅出入口 | ||||||
|---|---|---|---|---|---|---|
|
呢個站一共有3個出入口，分別係A、B，C。
| 冧巴 | 標記 | 方位 | 去到邊度 |
|---|---|---|---|
出入口A    |
環市大道南 | 江美路、望鳧路 | |
| 出入口B | 江美路 | 環市大道南、連鳧路、南沙奧園巴士站（東行） | |
| 出入口C |
環市大道南 | 逸暉路、南沙奧園巴士站（西行） | |
註： 有盲人引導徑 | 有斜道 | 有專用𨋢 |  出入口都喺同一層樓
| |||
頭尾班車信息同配線圖
[編輯]| 配線圖 | |||||
|---|---|---|---|---|---|
|
█ 4號綫 | |||||
|
|||||
|
|||||
|
|||||
|
|||||
.svg){kind=small}
.svg){kind=small}
| 行去邊頭 | 頭班車 | 尾班車 | |||||
|---|---|---|---|---|---|---|---|
| 每日 | |||||||
| 4號綫 | |||||||
| 黃村站 | 06:02 | 22:32 | |||||
| 南沙客運港站 | 06:19 | 00:21 | |||||
| 注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。 | |||||||
車站歷史
[編輯]規劃
[編輯]呢個站喺2003年份規劃時話入到南沙，但凈話去到沖尾（而家係金洲站）為止。直到2009年重新提出嘅4號綫三期（南延段）規劃入面，最先行黃山魯北邊同東邊嘅進港大道。後嚟第二年嘅地鐵方案話嗰條路線經過嘅地鐵同規劃緊嘅15號綫基本上重疊，加上嗰時為咗配合南沙明珠灣區嘅開發而改成行環市大道到南沙嘅舊鎮嗰邊，而站位定咗喺嗰時將來要開發嘅南沙客運港附近，不過嗰時嗌資訊園站，位置喺環市大道近鳧洲大道同三姓路嘅交界，中間重多咗個「鹿頸站」[1]。後嚟2012年嘅第二次環評方案入面將呢個站向東搬到環市大道南同江美路嘅交界重斬咗「鹿頸站」而正式確定走向。
施工
[編輯]- 2013年7月，車站工地正式開始圍蔽[2]。
- 2014年2月28號，車站正式喐手起[3]。
- 2014年6月，車站嘅土方工程正式開挖。
- 2014年11月9號，土方工程先至挖好而正式開搞主體結構工程。
- 2015年1月26號，車站主體結構封頂而成為4號綫三期第一座封頂嘅車站[2]。
- 2015年2月11號，呢個站到塘坑之間嘅右綫盾構隧道正式開挖。
- 2015年4月8號，呢個站到南沙客運港之間嘅98號風井西邊左綫盾構隧道正式開挖。
- 2015年5月5號，呢個站到南沙客運港之間嘅98號風井西邊右綫盾構隧道正式開挖。
- 2015年5月20號，呢個站到塘坑之間嘅左綫盾構隧道正式開挖[3]。
- 2015年10月18號，呢個站到南沙客運港之間嘅98號風井東邊嘅大盾構隧道正式開挖。
- 2015年11月28號，呢個站到南沙客運港之間嘅98號風井西邊右綫盾構隧道順利貫通。
- 2015年12月2號，呢個站到南沙客運港之間嘅98號風井西邊左綫盾構隧道順利貫通。
- 2016年6月27號，呢個站到南沙客運港之間嘅98號風井東邊嘅大盾構隧道順利貫通而實現雙綫貫通。
- 2016年6月28號，廣州市地名辦正式發函而最後決定，呢個站按就近地名而正式改名做南橫站[4]。
- 2016年7月25號，呢個站到塘坑之間嘅右綫盾構隧道順利貫通[3]。
- 2016年9月27號，呢個站到塘坑之間嘅左綫盾構隧道順利貫通而實現雙綫貫通[5]。
通車
[編輯]從2017年12月28號朝早頭班車開始，由於4號綫南延段正式延長到南沙客運港，呢個站亦正式開放[6]。
利用狀況
[編輯]呢個站附近都係片農田嘅鄉下地區，主要畀附近啲村民上落車，由於周邊都係屬於人煙稀少嘅地方，所以好多時都冇乜人上落。
接駁巴士
[編輯]日班車：
- 南4、南24、南54
附近嘅建築同景區
[編輯]
酒店
[編輯]- 南沙奧園酒店
- 南橫公寓
工廠
[編輯]- 廣東晶科電子股份有限公司
- 安捷利番禺電子實業公司
- 廣州深達生物製品技術有限公司
創意園區
[編輯]政府部門
[編輯]- 廣州現代產業技術研究院
村莊
[編輯]- 南橫村
- 連鳧村
牆面裝飾
[編輯]| 南橫站嘅車站裝飾 | ||
| 站內 | 對應景區相 | |
|
| |
呢個站係廣州地鐵4號綫南邊地底嘅其一帶唔同牆面裝飾嘅車站。佢嘅牆面裝飾係南沙天后宮，喺站廳同月台中間嘅專用𨋢嗰邊。
攷
[編輯]
- ↑ 〈2015年建设线路概况之----四号线南延段（金洲～南沙客运港）〉。原著喺2020年3月28號歸檔。喺2018年1月16號搵到。
- ↑ 2.0 2.1 〈资讯园站成功封顶！地铁4号线南延段土建已完成37%〉。《房天下》。2015-01-30。
- ↑ 3.0 3.1 3.2 广州4号线南延段塘坑-资讯园区间右线顺利贯通 互聯網檔案館嘅歸檔，歸檔日期2020年3月16號，. 地铁族
- ↑ 地鐵站改名：金隆站改為飛沙角站資訊園站改為南橫站 壹讀 （2016-07-02）
- ↑ 〈广州地铁四号线南延段4标【塘坑站～资讯园站】盾构区间实现双线贯通〉。《粤水电轨道交通建设有限公司》。2016-10-08。
{{cite news}}: CS1 maint: url-status (link) - ↑ 〈广州地铁四条新线路开通〉。《新華網》。2017-12-28。原著喺2018-01-07歸檔。喺2018-01-11搵到。
上一站·下一站
[編輯]| 上一站⇚⇚ 廣州地鐵 ⇛⇛下一站 | ||
| 南沙客運港站 總站← |
南橫站 4號綫 |
塘坑站 →黃村站 |
