三元里站

三元里 Sanyuanli
三元里站嘅站名
概覽
車站代碼	217
位置	三元里大道（附近冇幾遠就係三元里村）嘅地底。
座標	23.1613906°N 113.2517316°E / 23.1613906; 113.2517316
車站色
經過路線	2
啟站	2002年12月29號
月台數	1
站口數	4
營運資訊
車站服務時間	06:10—00:05
列車服務時間	06:05—00:10
廣州地鐵2號綫 廣州南站　◄廣州火車站 飛翔公園站►　嘉禾望崗站

三元里站（粵拼：saam1 jyun4 lei5*2 zaam6；英文：Sanyuanli Station）係廣州地鐵2號綫嘅車站，2002年12月29號開始營運，位置喺白雲區三元里大道（附近冇幾遠就係三元里村）嘅地底。

從2002年12月29號開通咗2號綫首通段到2010年9月21號為止，係2號綫北邊總站。

結構

樓層

呢個站一共有2層樓嘅地下區域，其中地下1樓係站廳，有票務設施，客務中心同商鋪；地下2樓係2號綫嘅月台。同大多數嘅2號綫車站一樣，冇休息室同廁所響度。

打掂

地下 一樓	站廳	站廳、售票機、客服中心
地下 二樓	1月台	←2號綫列車去飛翔公園站（行嘉禾望崗嗰邊）
	島式月台，開左邊門
	2月台	2號綫列車去廣州火車站（行廣州南站嗰邊）→

打橫

三元里站嘅站廳

三元里站嘅站台

柱上啲字

站廳

三元里站嘅收費區喺站廳嘅中間偏西嘅位，而東邊係人行通道，四周圍俾車站嘅商舖圍實嗮（冚唪唥都喺免費區入面）。收費區有好多部扶手電梯同樓梯往返月台都得。而專用𨋢喺車站嘅南邊免費區域入面，乘客如估有需要嘅話，可以向車站嘅工作人員查咗車飛之後嚟協助用。

月台

呢個站有個島式月台，喺三元里大道嘅地底。重有呢個站嘅北面有條存車線。之前喺2號線嘅北面總站時（2002年12月28號——2010年9月25號）就係用呢條存車線返轉頭。不過而家喺早高峰短綫嗰陣，就係用嚟負責畀北行嘅短綫車返轉頭。凈低啲時間都係用嚟放備用車喺晚高峰嗰陣，用嚟疏導客流。

商舖同自助服務

而家嘅三元里站入面有好多唔同類嘅鋪頭畀乘客買嘢同埋食嘢，好似有便利檔、麵包檔同洗衫舖、衫褲檔、涼茶舖同書店等。

另外，三元里站入面重有好多自助服務設施畀乘客用，包括咗自動櫃員機、自動販賣機、自動影相機同羊城通充值機等；重有可以充羊城通、交水電費同交通嘅罰錢、查地鐵嘅路線、頭尾班車同埋地鐵嘅安全指引同畀乘客登記變成廣州地鐵薈嘅會員嚟查獎分、換獎品嘅服務。

商舖 7-Eleven 美心西餅 天天洗衣 鴻福堂 日閱堂 棉元素 自然派

自助服務 中國建設銀行自動櫃員機 自助影相機 M-Touch地鐵資料查詢 好易（Hotye）多媒體自助服務終端 羊城通充值機 自動販賣機

出入口

三元里站冚唪唥嘅出入口
A1出入口 A1出入口  A2出入口 A2出入口  B出入口 B出入口  C1出入口 C1出入口  C2出入口 C2出入口  D出入口 D出入口

呢個站而家有6個出入口，其中D出入口可以直接去到御龍服裝城入邊。

編號	標記	去到邊度
出入口A1	三元里大道	三元里大道、三元里抗英紀念碑、省統一戰線幹部學院、三元里公交站
出入口A2	三元里大道	三元里大道、三元里村、三元里公交站
出入口B	廣園西路	廣園西路、廣園中路、三元里村、三元里紀念館（古廟）、廣州中醫藥大學、廣州中醫藥大學第一附屬醫院、三元里古廟公交站
出入口C1	三元里大道	三元里大道、蔔蜂蓮花連鎖超市三元里店、北站公交站、地鐵三元里公交站
出入口C2	三元里大道	三元里大道、山西大廈、地鐵三元里公交站
出入口D	廣園西路	廣園西路、瑤台、廣東技術師範學院北校區、禦龍服裝城、廣州美博城、瑤台公交站
註： 有盲人引導徑 | 有斜道 | 有輪椅升降臺

頭尾班車信息同配線圖

配線圖
█ 2號綫 ▲飛翔公園站
	廣九鐵路
▼廣州火車站

行去邊頭	頭班車	尾班車
每日
2號綫
廣州南站	06:10	23:30
嘉禾望崗站	06:10	00:05
注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。

車站歷史

規劃時期（1988～1994）

喺1988年嘅地鐵路網規劃入面，話呢個站喺嗰陣時2號綫嘅中途站。後嚟就話嗰度係舊2號綫一期嘅北邊終點站嚟起。

工程時期（1999～2002）

喺1999年10月10號，2號綫嘅一期工程正式開始逳手。不過到咗2001年8月19號嗰陣，呢個站嘅3號通道施工嗰陣就出咗單大頭佛。而呢個工程就到咗2002年12月29號先至全部起好嗮，重通埋車添。喺嗰陣時，呢個站係2號綫北邊嘅終點站。

舊2號綫時期（2002～2010）

内文：廣州地鐵2號綫同廣州地鐵8號綫

呢個站喺2002年12月29號通咗車之後就一直係2號綫嘅終點站。而北邊凈低嘅站點，喺嗰陣時要等到舊嘅白雲機場搬走咗之後，同埋白雲新城起好咗之後先至開始搞。喺嗰時，三元里站喺2002年12月29號至到2010年9月21號期間冇大改動，呢個站一直係舊2號綫嘅北邊終點站。

舊2號綫一分為二

内文：白雲新城同廣州白雲國際機場 (1933～2004)

由於舊嘅白雲機場喺2004年就搬走咗，而白雲新城就喺2007年先至搞掂嗮。而2號綫嘅北延段經過政府批准，終於喺2008年正式開始逳手起，而且重將北邊嘅終點站去到而家嘅嘉禾望崗站嗰度，改變咗呢個站作為2號綫嘅北行總站嘅歷史。而工程去到2010年9月21號先至起好嗮。喺2010年9月22號—2010年9月24號，舊嘅2號綫停運咗之後，呢個站都閂埋門嚟搞路線一分為二。

新2號綫時期

喺2010年9月25號，2號綫重新開放之後，呢個站就重新投入營運。而家佢係地鐵2號綫嘅中途站。

出入口

車站開通初期凈得A、B、C1、C2四個出入口，後來又開埋D同A1出入口，而之前嘅A出入口變咗A2。另外，B出入口之前係單獨嘅出入口，但泰安廣場起緊嗰時封咗，直到重新開通時改成而家個樣。

利用狀況

呢個站附近冇幾遠就係三元里客運站、機場高速公路嘅南面終點、廣州環城高速公路嘅廣花站，重有好多個貨運站場都喺呢度附近，而且週邊都係啲廣州市區北邊嘅重要交通樞紐，加上附近中有好多城中村嘅各種居民住宅區響度，所以呢個站嘅人流都幾多下，甚至重出現人山人海嘅情況。

附近嘅交通

• 機場高速公路嘅南面終點
• 廣州環城高速公路嘅廣花站

附近嘅建築同景點

三元里中學

三元里平英團舊址

景點

• 三元里平英團舊址
• 三元里抗英紀念碑

商場

• 易初蓮花

貨運場

• 三元里運輸市場

醫院

• 白雲區婦幼保健院

學校

• 三元里中學

酒店

• 中央酒店
• 利華酒店

接駁交通

• 日班車：

  三元里站：

  一般巴士：

  21、46、87、93、179、185、187、274、278、519、528、540、555、556、803、807、840

  無軌電車：

  103、105、108、111、113

上一站·下一站

上一站⇚⇚　　　　廣州地鐵　　　　⇛⇛下一站
廣州火車站 廣州南站←	三元里站 2號綫	飛翔公園站 →嘉禾望崗站