赤草站（粵拼：cek3 cou5 zaam6；英文：Chicao Station），規劃同施工期間嗌過鄧村站（dang6 cyun1 zaam6；Dengcun Station），係廣州地鐵14號綫嘅車站，2018年12月28號開通，喺從化區太平鎮神岡嘅廣從北路段入面，鄧村同菜地塱之間（逸泉山莊西南角，105國道嘅K2501+880標記位）。
File:CekCouZaam Surface.jpg從出面睇赤草站嘅樣
同其它14號綫嘅高架站一樣，呢個站嘅外觀方面，個樣似高鐵嘅高架站多啲，其中2樓部份睇落似玻璃牆。但佢有個地方同琶洲嘅會展中心唔一樣嘅係，呢個站最頂冇大隻紅字印住個站名響度。
呢個站一共有3層樓嘅地上區域，其中地上1樓係出入口，有設備房同市政設施；地上2樓係站廳，有票務設施，客務中心同商鋪；地上3樓係14號綫月台。站內既有休息室，又有廁所，更加有母嬰室。其中休息室有2個，喺14號綫月台範圍入面。而廁所同母嬰室喺站廳收費區入面近東南偏南邊牆邊範圍，其中母嬰室喺廁所嘅女廁門口隔籬。
 赤草站嘅站廳
|
 赤草站嘅月台
|
鐘落潭站嘅站廳收費區喺車站東北邊，西南邊係過街通道。收費區有好多部扶手電梯同樓梯、專用𨋢往返月台都得。
呢個站有兩個島式月台，喺廣從北路鄧村東北角近逸泉山莊西南角隔籬嘅105國道上空。
不過，由於14號綫實行咗快慢綫，兩綫嘅列車行嘅軌道都唔同。按道理嚟講，慢綫列車喺車站開邊嗰兩條軌道停站，而快綫列車直接喺車站埋邊嗰兩條軌道飛站唔停。不過14號綫嘅快車重未加密，所以快車喺大多數情況下經埋邊嗰兩條軌道直接飛站唔停，而慢車同快車一樣，都喺埋邊嗰兩條軌道停站。
喺呢個站東邊有三條交叉渡綫響度，每條軌道之間各一個。其中月台前邊嗰兩條交叉渡綫係畀慢車因臨時停車避咗快車後開出時或每日慢車尾班車收車返入鄧村車輛段用。而兩個月台之間嗰條交叉渡綫除咗係每日慢車尾班車收車返入鄧村車輛段用之外，亦可以喺突發事件情況下用到，嗰時專門畀喺赤草站以東北啲車站出冬瓜豆腐時，啲車會攞呢個站做總站，屆時去從化市區或城郊一帶嘅需要轉乘其它交通工具。
呢個站冇商舖，但得臺自助服務。自助服務凈得部共享雨遮響度。
| 赤草站冚唪唥嘅出入口 |
|---|
 A出入口 | A出入口 |
 B出入口附近 | B出入口附近 |
 C出入口 | C出入口 |
|
呢個站有3個出入口，分别係A同B、C。
| 冧巴 |
標記 |
方位 |
去到邊度
|
出入口A   |
廣從北路 |
西 |
地鐵赤草站巴士站（東北行）
|
| 出入口B |
廣從北路 |
東 |
|
| 出入口C |
廣從北路 |
西北 |
地鐵赤草站巴士站（西南行）
|
註： 有盲人引導徑 |  有輪椅升降臺 |  有斜道 | 有專用𨋢
|
| 行去邊頭 |
頭班車 |
尾班車
|
| 每日
|
| 14號綫
|
| 去嘉禾望崗站 |
06:07 |
22:43
|
| 去東風站 |
06:17 |
23:32
|
注意：
喺晚黑最後一班車開走之前嗰5分鐘之內，
係唔畀入閘坐車（包括埋買車飛）。
|
喺2003年份地鐵規劃方案入面，嗰時嘅新華綫[註 1]由花都汽車城出發，先經過人和同太和，再跟住廣從公路去到從化街口為止，嗰時路線經過廣從公路嘅佛公橋一帶。但2005年，新華綫嘅西段（花都汽車城⇆高增）被列入咗9號綫一部分[註 2]，而廣從路段（太和⇆街口）直到2008年份規劃先至重新提出。
2010年，爲咗落實廣州市嘅「北優」發展戰略同埋支持從化同埋知識城嘅發展，嗰時份規劃話起14號綫，路線要起成「人」字樣，呢個站亦唔變。雖然路線提出咗快綫嘅需求，但唔經呢個站[1]。不過嗰時工程名攞咗鄧村站。
2017年4月29號，車站淨起咗月台架構，連軌道都未整出嚟。
2018年8月31號，車站基本上起好嗮，不過出面啲施工圍蔽重未拆。
- 2014年6月16號，主綫從呢個站到江埔[註 3]嘅區間正式開挖。
- 2017年3月31號，呢個站到江埔[註 3]嘅盾構區間雙綫貫通。
- 2017年4月6號，車站正式封頂。
- 2017年9月28號，呢個站正式搞掂主體結構施工，開始進入機電安裝階段。
- 2017年11月1號，主綫嘅供電系統Ⅱ標項目部喺呢個站開搞。
- 2017年11月18號朝早，主綫從神岡到呢個站之間嘅高架樑框架貫通後，主綫從化段嘅高架全部貫通。
- 2017年11月21號，新和到呢個站之間嘅環網電纜正式鋪好。
- 2017年12月9號，喺鄧村停車場附近嘅（８０＋１５０＋８０）ｍ大跨度連續鋼構橋成功貫通[2]。
- 2018年3月29號晏晝，鄧村站嘅牽引牽引混合變電所成功搞掂一次性送電同熱滑成功。同日廣州市民政局開始向全社會徵集主綫啲站名，呢個站改名做赤草站[3]。
- 2018年5月16號凌晨，呢個站到江埔[註 3]區間成功搞掂一次性送電[4]。
- 2018年8月8號丑時，呢個站到赤草（計埋出入鄧村停車場嗰橛）之間嘅接觸軌順利通過咗冷滑試驗。
- 2018年8月15號，隨住呢個站到赤草（計埋出入鄧村停車場嗰橛）之間正式三權移交，路線亦開始入咗營運前調試階段。
- 2018年6月22號深夜，呢個站到新太區間嘅牵引降壓混合變電所順利搞掂一次性送電[5]。
- 2018年7月27號，車站主體結構順利通過驗收[6]。
- 2018年8月8號丑時，馬瀝到呢個站之間嘅接觸軌順利通過咗冷滑試驗。
- 2018年8月13號，14號綫主綫啲車正式開始喺馬瀝到呢個站嘅主綫高架段搞熱滑試驗。
- 2018年8月15號，隨住馬瀝到呢個站之間正式三權移交，路線亦開始入咗營運前調試階段。亦確定咗主綫喺同年12月28號開通。
- 2018年9月14號，主綫啲列車正式喺新和到呢個站之間搞高速調試。
- 2018年10月30號，車站正式三權移交[7]。
- 2018年11月30號申時，主綫一期嘅供電系統安裝工程Ⅱ標段（馬瀝⇄東風）順利搞掂單位工程驗收。
2018年12月28號晏晝，由於14號綫一期主綫部份正式開通，呢個站亦正式開放。
呢個站主要畀喺神岡地區附近嘅鄧村、菜地塱、赤草住啲村民同逸泉山莊、碧桂園荔山雅筑啲小區居民出入為主。
- 註
- 攷
|
|---|
- 加粗——轉車站
- 紫字——起緊嘅車站
- 灰字——暫時規劃緊，隨時有變動。
- 斜體字——嗰啲站喺佛山境內
|
開咗嘅路線 |
|---|
| 1號綫 | |
|---|
| 2號綫 | |
|---|
| 3號綫 | |
|---|
| 4號綫 | |
|---|
| 5號綫 | |
|---|
| 6號綫 | |
|---|
| 7號綫 | |
|---|
| 8號綫 | |
|---|
| 9號綫 | |
|---|
| 13號綫 | |
|---|
| 14號綫 | |
|---|
| 18號綫 | |
|---|
| 21號綫 | |
|---|
| 22號綫 | |
|---|
| 廣佛綫 | |
|---|
| APM | |
|---|
|
起緊/就快喐手嘅路線 |
|---|
| 10號綫 | |
|---|
| 11號綫 | |
|---|
| 12號綫 | |
|---|
13號綫
二期 | |
|---|
| 14號綫 | |
|---|
18號綫
後通段 | |
|---|
| 22號綫 | |
|---|
|
有輪椅升降臺 | 
有斜道 | 
.svg){kind=small}
.svg){kind=small}
.jpg)
