西村站 (廣州地鐵)

出自維基百科,自由嘅百科全書
跳去: 定向搵嘢

西村
Xicun
SaiCyunZaam WORD.jpg
西村站嘅站名
概覽
編號 505 810
位置 荔灣區環市西路同西增路口
座標 23°08′31.37″N 113°14′30.67″E / 23.1420472°N 113.2418528°E / 23.1420472; 113.2418528座標: 23°08′31.37″N 113°14′30.67″E / 23.1420472°N 113.2418528°E / 23.1420472; 113.2418528
車站色     
經過路線 5
啟站 2009年12月28號
站口數 4(3個用緊)
營運資訊
車站服務時間 06:08~23:33
列車服務時間 06:13~23:38

西村站粵拼sai1 cyun1 zaam6英文Xicun Station)係廣州地鐵5號綫嘅車站,2009年6月28號開放,位置喺荔灣區環市西路西灣路口嘅地底。

結構[編輯]

樓層[編輯]

呢個站一共有3層樓嘅地下區域,其中地下1樓係站廳,有票務設施,客務中心同商鋪;地下2樓係8號綫嘅月台,但而家未開通;地下3樓係5號綫嘅月台。同大多數嘅5號綫車站一樣,雖然車站冇休息室,但廁所喺B出入口嘅地面位。

打掂[編輯]

地下
一樓
站廳 站廳、聯絡通道、售票機、客服中心
地下
二樓
設備層 車站設備
月台 8號綫列車去鵝掌坦站(行白雲湖嗰邊)
島式月臺,開左邊門
月台 8號綫列車去彩虹橋站(行萬勝圍嗰邊)
地下
三樓
月台 5號綫列車去西場站(行滘口嗰邊)
島式月台,開左邊門
月台 5號綫列車去廣州火車站(行文沖嗰邊)

打橫[編輯]

西村站嘅站廳
西村站嘅月台

站廳[編輯]

西村站分開咗南、北兩個站廳,收費區喺南站廳北邊,北站廳南邊,雖然中間有聯絡通道連埋一齊,但免費區唔相連。四圍都俾車站商舖方面圍住嗮。而收費區有好多部扶手電梯同樓梯往返月台都得。由於車站空間太細,所以冇專用𨋢,但係北站廳有輪椅升降機俾坐輪椅啲人上落。

月台[編輯]

呢個站有1個月台,其中5號綫喺環市西路嘅地底。

商舖同自助服務[編輯]

而家嘅西村站入面有好多唔同類嘅鋪頭畀乘客買嘢同埋食嘢,好似有便利檔、麵包檔同洗衫舖、賣衫檔等。

另外,西村站入面重有好多自助服務設施畀乘客用,包括咗自動櫃員機、自動販賣機、自動影相機同羊城通充值機等;重有可以充羊城通、交水電費同交通嘅罰錢、查地鐵嘅路線、頭尾班車同埋地鐵嘅安全指引同畀乘客登記變成廣州地鐵薈嘅會員嚟查獎分、換獎品嘅服務。

出入口[編輯]

西村站冚唪唥嘅出入口
A出入口 
B出入口 
D出入口 

呢個站一共有4個出入口,分別係A、B、C、D,C出入口係預留過街通道,依家重未起好。

冧巴 標記 方位 去到邊度
南站廳
出入口A 西灣路
西灣路、廣雅后街、好又多廣雅店、卓越教育西村校區、富力環市西苑(西村)公交車站(東行)、地鐵西村巴士總站
出入口B 環市西路
西灣路、環市西路、市社區中心、義工聯、富力環市西苑(西村)公交車站(東行)、地鐵西村公交總站
北站廳
出入口D 環市西路
西灣路、西增路、協和中學、廣州市勞動力市場殘聯分市場、工人體育場、步雲天地環球國際商貿中心、西城天富鞋業鞋材市場、財富天地廣場、晟商鞋匯、富力環市西苑(西村)公交車站(西南行)
註: 有盲人引導徑 | 有斜道 | 有輪椅升降台

頭尾班車信息同配線圖[編輯]

配線圖

5號綫
▲ 廣州火車站

STRf STRg
STR+BSl STR+BSr
STR+BSl STR+BSr
STR+BSl STR+BSr
STRf STRg

▼ 西場站

行去邊頭 頭班車 尾班車
每日
5號綫
滘口站 06:19 23:37
三溪站 06:13 23:38
文沖站 06:13 23:23
注意:
喺晚黑最後一班車開走之前嗰5分鐘之內,
係唔畀入閘坐車(包括埋買車飛)。

車站歷史[編輯]

規劃[編輯]

喺1997年嘅城市快速軌道交通線網規劃嘅A方案入面講咗,呢個站係3號綫同4號綫嘅轉車車站。但嗰時同而家西村站嘅位差唔多。但係到咗2003年變成而家嘅5號綫8號綫嘅轉車車站。

施工[編輯]

5號綫[編輯]

  • 2004年5月28號,車站正式動工,初期時施工方唔想搞到西灣路同環市西路交界嘅交通大塞車雪上加霜,加上1999年起緊內環路時整咗好多條樁響地下,所以分成兩個站廳嚟起,中間用聯絡通道連埋一齊嘅方法。
  • 2006年6月26號,大坦沙到淘金嗰三條盾構區間開始執行盾構工程[1]
  • 2007年10月13號後半夜,工程隊掘緊西場到草暖公園嘅盾構區間右線隧道時,出現大量潮水而引起68mm沉降,令隧道上邊嘅內環路要臨時封閉[2]
  • 2009年4月19號凌晨,西區間右線盾構機到咗西村站而貫通嗮成條5號綫嘅區間[3]

8號綫[編輯]

開工時摸門釘[編輯]
2017年2月22號,凈低嗰位釘戶(相中間偏左嗰間紅磚屋)因為唔滿意地鐵方畀嘅拆遷補償方案而一直未拆,直到2017年7月3號先至俾施工方拆咗。

路線準備施工時,由於工地範圍啲屋受到拆遷補償嘅影響[4],直到2016年6月先至喺車站西北角搞拆遷同部份管線改造[5]。同年12月1號開始喺A出入口到西增路嗰邊搞管線改造[6][7]。但因為重差位居民因為要巨額補償,令車站嘅8號綫區域一直未開工[8][9]

2017年初,原先2016年底重有4位堅持要巨額補償嘅釘戶當中,有3位正式接受補償而搬走咗,凈得返位90歲嘅阿婆未搬走,而且施工個位咁啱就喺主體結構嘅核心位,而且冇得兜過。據記者得知,阿婆係因為唔滿意地鐵方畀佢多70m²(21.3平方英呎,7.8平方市尺)嘅補償[註 1],係都要獅子開大口話要補償480m²(146.4平方英呎,53.2平方市尺)先至得[註 2][10]。後嚟地鐵方同最後嗰間釘戶猛咁傾咗輪,最後喺嗰年夏初正式同釘戶嗰三姊妹達成共識兼搬出拆遷範圍重喺同年7月3號拆咗[12]

正式入場施工[編輯]

地鐵方喺準備入場施工前,將最後嘅釘戶拆咗後搞咗份施工方案。原先計劃起帶柱式嘅島式月台結構,但考慮到施工範圍有兩樖分別生咗成130年同個半世紀嘅榕樹而改成分離島式月台結構[註 3],連起嘅地鐵站空間(計埋設備房)變細咗好多,控制室同排風設備都會安排到5號綫範圍,有可能整唔到車站廁所[12]

開通[編輯]

  • 2009年12月28號14:00,5號綫開通之後,呢個站先至開咗地下3樓,而地下2樓冇開到。

人踩人事件[編輯]

2014年3月4號清晨,有架地鐵埋緊西村站時突然噴白煙,啲人見到後以為係毒氣而好驚,懷疑有恐怖襲擊。到站後,啲人即刻跑出去月台,人潮撞跌咗喺月台嘅孫婆婆,重踩落佢個身度,佢以為死梗,最尾佢畀人送咗去廣州市第一人民醫院。另外重有一個卅幾歲嘅女人送咗去同一間醫院[13]。件事造成13個乘客受傷,同埋21部列車晚點(遲咗)。

事後警方介入調查,查出原嚟係兩個男人喺度噴防狼煙霧而造成誤會。事件造成財物損失,有人被整爛部智能電話,亦有個女人被撕爛咗對絲襪[13],不過損失唔算嚴重。同年8月1號09:30(UTC+8),造成踩踏事件嗰兩位22歲嘅廣西男人,分别以涉嫌過失,以危險方法危害公共安全罪、窩藏罪而被刑事拘留[14]

利用狀況[編輯]

西村站附近有好多間住宅小區,及好多間中小學、克山同西灣路一帶嘅鞋皮具批發城為主[15][16][17],喺8號綫未向北延長到白雲湖之前,呢個站亦係距離白雲區同德圍增埗最近嘅地鐵站,所以有好多喺西村甚至同德圍、增埗地區住啲人都先搭巴士等公共交通工具到呢個站轉地鐵。呢個站每日都有好多客流出入,尤其喺上落班同返放學高峰都出現客流井噴現象。

附近嘅建築同景區[編輯]

廣州市協和中學
廣州市美華中學
廣東廣雅中學

醫院[編輯]

學校[編輯]

住宅[編輯]

  • 和平新村
  • 富力環市西苑

商場[編輯]

  • 富力國際鞋業商貿

寫字樓[編輯]

  • 羊城西灣大廈

教堂[編輯]

註同攷[編輯]

  1. 因為嗰位釘戶嘅住戶係90歲嘅阿婆,佢間屋凈得120m²(36.6平方英呎,13.3平方市尺),按照《廣州市拆遷補償方法》份文件,係可以攞到190m²(57.9平方英呎,21.1平方市尺)嘅新住房[10]
  2. 因為據記者得知,嗰位阿婆住嗰間屋係五代人嘅祖屋。雖然佢屋企三兄弟已經攞咗拆遷補償,但三姊妹同阿媽都要補償,總共要安置四套回遷房先至得。遠遠超出咗份《拆遷補償方案》最大限制嘅289m²(88.1平方英呎,32.1平方市尺)[11]
  3. 因為根據《廣州市綠化條例》,凡係生咗超過1個世紀但未超過3個世紀命嘅古樹都係二級古樹名木,任何形式嘅施工隊或個人都唔畀斬或搬走古樹(唔理係咩理由都唔得),尤其係城鄉建設時,都要採取適當嘅措施避開嗰啲古樹名木。

上一站·下一站[編輯]

上一站⇚⇚    廣州地鐵    ⇛⇛下一站
鵝掌坦站
白雲湖站
西村站
8號綫
彩虹橋站
萬勝圍站
西場站
滘口站
西村站
5號綫
廣州火車站
文沖站
註:8號綫北延段暫時未開通