大學城南站 (廣州)

出自維基百科,自由嘅百科全書
Jump to navigation Jump to search
大學城南
Higher Education Mega Center South
HEMC South Station (Canton) WORD.jpg
大學城南站(4號綫)嘅站名
概覽
車站代碼 418 709
位置 番禺區廣州大學城商業南區
座標 23°02′36.31″N 113°24′01.55″E / 23.0434194°N 113.4004306°E / 23.0434194; 113.4004306座標: 23°02′36.31″N 113°24′01.55″E / 23.0434194°N 113.4004306°E / 23.0434194; 113.4004306
車站色 4號綫    
7號綫    
經過路線 4 7
啟站 4號綫:2005年12月26號
7號綫:2016年12月28號
月台 3
站口數 4
營運資訊
車站服務時間 05:57~23:36
列車服務時間 06:02~23:31
廣州地鐵4號綫
南沙客運港 ◄新造 (2.3km) (2.2km)大學城北► 黃村站
廣州地鐵7號綫
廣州南站 ◄板橋 (3.4km)

大學城南站粵拼daai6 hok6 sing4 naam4 zaam6英文Higher Education Mega Center South Station),之前嗌過南亭站naam4 ting2 zaam6Nanting Station),施工期間嗌過小谷圍站siu2 guk1 wai4 zaam6Xiaoguwei Station),係廣州地鐵4號綫7號綫嘅轉車站,位置喺番禺區大學城中心大街南中環中路嘅地底。不過兩個月台開放時間都唔同,其中4號綫喺2005年12月26號開放,而7號綫喺2016年12月28號開放[1]

車站喺2005年12月26號到2016年12月28號中午期間,試過兩邊嘅收費區冇連埋一齊嘅現象。

結構[編輯]

樓層[編輯]

大學城南站嘅聯絡通道(免費區入面)

呢個站凈係得地下嘅兩層樓。其中地下一樓係站廳,有票務設施、客務中心同商鋪,同4號綫嘅月台,而地下二樓係免費區嘅聯絡通道同埋7號綫嘅月台,但後者兩邊唔相連。雖然車站冇休息室,但廁所喺東站廳靠近C出入口嗰邊。

打掂[編輯]

地面 - 出入口
地下
一樓
東北站廳 售票機、客服中心
側式月台,開右邊門
2月台 4號綫列車去新造站(行南沙客運港嗰邊)
1月台 4號綫列車去大學城北站(行黃村嗰邊)
側式月台,開右邊門
西南站廳 售票機、客服中心
地下
二樓
4月台 7號綫列車去板橋站(行廣州南站嗰邊)
島式月台,開左邊門
3月台 7號綫落客月台→

打橫[編輯]

大學城南站嘅西南站廳
大學城南站嘅4號綫月台(行南沙客運港嗰邊)
柱上啲字(4號綫
File:HEMC South Station (Canton) Platform for Line 7.jpg
大學城南站嘅7號綫月台(終點月台)
柱上啲字(7號綫

站廳[編輯]

大學城南站係分開咗西南同東北兩個站廳出嚟,兩個站廳同兩個月台都係有條路軌隔開咗,免費區同收費區都有通道連埋一齊。

站廳(西南方位,喺2014年10月24號影。車站入閘機前嚿入閘提示同綠底白字嚿提示牌喺2016年12月28號當日搬走同搣嗮)

但係東站廳喺起緊7號綫嘅月台結構同整𨋢時整大咗,加上整咗車站商舖,所以東站廳另外嘅𨋢位劃咗收費區出嚟。嗰個收費區凈出站唔轉車,所以傷殘人士或帶咗大件行李啲乘客喺呢個站嘅C或D出入口出站嘅,必須要嗌工作人員幫手先至得。

月台[編輯]

呢個站嘅4號綫有2個側式月台,喺大學城中心大街南嘅地底。而7號綫嘅喺大學城中環中路嘅地底。兩條線組成咗個十字架嘅樣噉。其中4號綫喺上面,7號綫喺下面。而站廳同月台嗰度雖然話有好多條柱響度,但佢同車陂南站一樣,條柱入面冇寫到站名出嚟。

大學城南站嘅月台全景分佈
4號綫月台(行南沙客運港嗰邊,喺2014年10月24號影。中間嘅預留結構喺2016年下半年打通咗。)

另外,呢個站嘅4號綫月台南邊有條渡線響度。如估4號綫新造站搞出咗冬瓜豆腐嘅話,去南沙客運港嗰邊啲車就喺呢條渡線返轉頭。

商鋪同自助服務[編輯]

而家嘅大學城南站入面有好多唔同類嘅鋪頭畀乘客買嘢同埋食嘢,好似有便利檔、麵包檔同洗衫舖、書店等。

另外,大學城南站入面重有好多自助服務設施畀乘客用,包括咗自動櫃員機、自動販賣機同自動影相機等;重有可以充羊城通、交水電費同交通嘅罰錢、查地鐵嘅路線、頭尾班車同埋地鐵嘅安全指引同畀乘客登記變成廣州地鐵薈嘅會員嚟查獎分、換獎品嘅服務。

商鋪
  • 7-Eleven
  • 天天洗衣
  • 利口福
  • 日閱堂
自助服務

出入口[編輯]

呢個站一共有4個出入口,分別係A、B、C,D。

編號 標記 方位 去到邊度
西南站廳
出入口A 中心大街南
西
中心大街南、中國電信
出入口B 中心大街南
中心大街南、中四橫路
東北站廳
出入口C 中環東路
中環東路、華南理工大學體育場、綜合商業南區公交站
出入口D 中環東路
中環東路、華南理工大學、綜合商業南區巴士站
註: 有盲人引導徑 | 有斜道 | 有輪椅升降臺

頭尾班車信息同配線圖[編輯]

配線圖

4號綫

uSTRf uSTRg leer
uSTR+BSr uSTR+BSl leer
uSTR+BSr uSTR+BSl leer
uSTR ueABZg+l uexSTRq
▶ 47聯絡綫
uSTR+c2 uABZg3 leer
uABZg+1 uSTR+c4 leer
utKRZW utKRZW leer
瀝滘水道
uSTRf uSTRg leer
▼ 新造站
配線圖

7號綫

▲ 終點
uENDExa uENDExa leer
uSTR uSTR leer
uABZg2 uSTR+c3 leer
uSTR+c1 uABZg+4 leer
uSTR ueABZgl uexSTRq
47聯絡綫 ◀
uSTR+BSl uSTR+BSr leer
uSTR+BSl uSTR+BSr leer
uSTR+BSl uSTR+BSr leer
uABZg2 uSTR+c3 leer
uSTR+c1 uABZg+4 leer
utKRZW utKRZW leer
瀝滘水道
uSTRf uSTRg leer
▼ 板橋站
行去邊頭 頭班車 尾班車
每日
4號綫
黃村站 06:02 23:22
南沙客運港站 06:16 23:31
7號綫
廣州南站 06:10 23:15
注意:
喺晚黑最後一班車開走之前嗰5分鐘之內,
係唔畀入閘坐車(包括埋買車飛)。

車站歷史[編輯]

之前嗌緊「南亭站」嘅月台

4號綫嘅車站[編輯]

規劃[編輯]

喺2000年嘅《近期線網規劃實施調整方案》入面就話咗,呢個站係嗰時新出4號綫車站嘅同時,重係廣州大學城嘅其中一個配套地鐵站,之後重搞咗入去4號綫嘅首通段(大學城專綫)工程入面。

施工[編輯]

喺2003年3月中旬,呢個站正式開始逳手起,一直起到2005年9月份先至搞掂。喺起緊呢個站嗰陣,由於2003年嘅地鐵規劃入面話咗呢度係4號綫7號綫嘅轉車車站,所以佢都留低咗轉車嘅條件。

通車[編輯]

到咗2005年12月26號,4號綫首通段(大學城專綫)正式通車嗰陣,呢個站正式開放畀人坐車。

7號綫嘅車站[編輯]

規劃[編輯]

睇埋:新造站

雖然話喺嘅地鐵規劃入面話咗呢度係4號綫7號綫嘅轉車車站,但係到咗2005年嘅地鐵規劃入面,就將條7號綫改咗行去新造站嗰頭重一直保持咗成5年,直到2010年出嘅地鐵規劃入面先至改返行而家呢個站停。而且呢個站重話咗係7號綫嘅一期總站。

施工[編輯]

到咗2012年9月中旬,由於7號綫嘅工程開始逳手起,所以呢個站嘅工程就用返事先留低咗嘅轉車條件嚟轉7號綫[2]

開通[編輯]

2016年12月28號,由於7號綫開通,呢個站嘅地下3樓區域亦開始營運。

12號綫嘅車站[編輯]

喺2008年嘅地鐵規劃入面話咗呢個站係嗰時規劃緊嘅12號綫南邊終點站。雖然2016年10月21號,終點站摱到廣東科學中心附近嗰邊停,但2017年3月23號份立項批文即刻打回頭返到呢個站[3]

改名[編輯]

其實呢個站一早就唔係嗌「大學城南站」嘅,而所謂「大學城南站」嘅名係2006年5月份嘅事。喺2006年5月份之前,呢個站係嗌過「南亭站」嘅名;而喺起緊呢個站嗰陣,重嗌過「小谷圍站」嘅名。不過到咗2006年5月份,地鐵公司向廣州市地名委員會申報話將呢個站改名嗌「大學城南站」。呢個站同大學城北站一樣,都係成個廣州地鐵入面,喺營運咗之後無耐就改名嘅地鐵車站[4]

月台嘅變化[編輯]

從2005年12月26號開通4號綫之後,呢個站一直同坑口站一樣,都係分開咗兩個獨立嘅買飛區,而且兩區都連唔通嘅[註 1],嗰時若果入錯方向嘅乘客可以向車站工作人員幫手[註 2]。但呢個現象自從7號綫首期開通之後,原先分開咗兩個獨立嘅買飛區已經有7號綫嘅月台連埋一齊,改變咗兩個月台獨立分開長達11年嘅歷史。

報站廣播[編輯]

呢個站開通初期,報站廣播一直用嘅係女聲版。直到2009年12月28號,由於5號綫開通嘅關係,南向北嘅報站廣播都重新錄過,而北向南嘅報站廣播一直用嘅係2005年開通4號綫後無耐嘅版[註 3]。自從6號綫喺2013年12月28號開通一期路段後,英文報站都統一改成「The next station is, Higher Education Mega Center South」,而右邊門落車嘅廣播改成男聲版直到2017年12月27號收車為止。從2017年12月28號朝早頭班車開始,報站廣播改成男聲版。

利用狀況[編輯]

呢個站係大學城入面嘅其中一座地鐵站,佢重係4號綫往返大學城嘅主要交通工具,喺呢個站入面,一般都係啲大學城入面嘅高校學生成日嚟呢度坐車嘅,重有啲係南亭村、小谷圍村附近嘅樓盤啲人。如估喺星期五晏晝同埋星期日傍晚,呢個站成日都有好多人上落車。而喺平時,呢個站都幾多人用下。

坐車同轉車須知[編輯]

呢個收費區係2016年12月28號開通7號綫時出現。但呢個出入口四圍冇閘機或俾欄杆圍住,隨便爬欄杆出入站係屬逃票行為。

若果你搭緊4號綫喺呢個站落車轉7號綫,要去到月台嘅中間位樓梯近出站嘅地方落去先至可以轉;相反,若果你搭緊4號綫喺呢個站落車轉7號綫,要去到月台嘅中間位樓梯上去先至可以轉;但兩者方法千祈冇出站。重有,若果你入站坐4號綫,入錯坐車方向或喺呢個站之前坐4號綫,坐錯咗方向嚟咗呢個站落車嘅話,先咪出站住,而係一定要行落去7號綫嘅月台再兜過去對面嘅側式月台上車。

另外,7號綫4號綫行南沙客運港嗰邊啲乘客,唔好入咗專用通道入面。萬一入錯咗專用通道嘅話,一定要快啲嗌車站入面着住檸檬黃衫黑褲嘅工作人員講清楚點解之後,工作人員識請你去車站入面嘅工作通道去到對面嘅月台度坐車。因為呢個站出站再入閘要重新畀錢。

接駁巴士[編輯]

日班車:

  • 廣州巴士:
    大學城專巴:
    大學城環1、大學城環2、大學城1、大學城2、大學城3
    普通巴士:
    86、387
  • 番禺巴士:
    番202、番201
  • 夜班車:
    夜50

附近嘅建築同景區[編輯]

文化裝飾[編輯]

文化牆,喺4號綫1月台對出嘅站廳位先至搵到。
柱上裝飾,喺7號綫月台範圍先至搵到。

呢個站係7號綫一期嘅三個文化站之一,喺4號綫1月台出面嘅站廳免費區整咗以「智·島」做主題嘅文化藝術牆,主要內容以《弟子規》同埋活字印刷術嘅形式,以立體感表現出傳承思想,同大學城嘅教育相結合[5]。而柱面裝飾係以字體部首結構嘅組合,但凈喺7號綫月台範圍出現,4號綫冇呢樣嘢玩。

註同攷[編輯]

  1. 嗰時西邊月台行金洲站,東邊月台行黃村站,而且兩邊冇通道連埋一齊。
  2. 期間嗰時入站或喺呢個站之前坐錯咗方向嚟咗大學城南站落車嘅必須要快啲嗌車站入面着住檸檬黃衫黑褲嘅工作人員講清楚點解之後,工作人員識請你去車站入面嘅工作通道去到對面嘅月台度坐車。因為出站再入閘係要重新畀錢。
  3. 主要區別係英文廣播,因為嗰時北行方向係「The next station is, High Education Mega Center S.」,而南行方向係「The next station is, Higher Education Mega Center South」。

上一站·下一站[編輯]

上一站⇚⇚    廣州地鐵    ⇛⇛下一站
新造站
南沙客運港站
大學城南站
4號綫
大學城北站
黃村站
板橋站
廣州南站
大學城南站
7號綫
終點