白雲大道北站

白雲大道北站（粵拼：baak6 wan4 daai6 dou6 bak1 zaam6）（英文：BaiyunDadaoBei Station），規劃嗌過永泰站（wing5 taai3 zaam6，Yongtai Station），係廣州地鐵 3號綫嘅車站，2010年10月30號開放，位置喺白雲區尖彭路同埋廣從公路嘅交界西南邊。

結構

白雲大道北站嘅收費區喺站廳嘅整西南邊，而東北邊係人行通道，車站入面冇商舖響度，但係有自助服務，喺嗮車站嘅西北邊同東南邊嘅人行通道。而收費區有扶手電梯同樓梯、專用𨋢往返月台都得。為咗方便啲去機場嘅乘客，站廳入面重設咗航班查詢出嚟。

呢個站有1個島式月台，喺尖澎路同白雲大道北嘅交界地底。

白雲大道北站冚唪唥嘅出入口

A1出入口

A2出入口

B出入口

C1出入口

C2出入口

呢個站一共有5個出入口，分別係A1、A2、B、C1同C2。

配線圖

行去邊頭	頭班車	尾班車
每日
3號綫
體育西路站	06:22	23:46
機場北站	06:22	23:17
注意：喺晚黑最後一班車開走之前嗰5分鐘之內，係唔畀入閘坐車（包括埋買車飛）。

喺2000年嘅《廣州市城市快速軌道交通線網規劃研究（近期線網規劃調整方案）》入面話咗喺廣從公路近永泰新村嘅白雲堡附近整個站。嗰時係新規劃嘅機場快綫經過。但機場快綫喺2003年改成3號綫一部份，而站名一直嗌住永泰站。

2010年10月30號，因3號綫北延段開通，車站亦正式開放。

2013年10月2號09:08（UTC+8），喺呢個站附近行體育西嗰邊嘅隧道嗰頭，有非法施工工地因搞非法鑽探，鑿穿隧道兼鉆管跌咗落去，列車差啲同鉆管撞埋一齊^[1]。事發後，令3號綫呢個站到永泰之間出現停運48分鐘先至恢復返正常營運^[1]。

2015年3月19號07:40（UTC+8），永泰到白云大道北之間嘅信號因突發系統信號故障，出現大批乘客喺車站入面滯留持續咗將近40分鐘，直到嗰日08:20先至恢復返正常^[2]。

由於呢個站冇幾遠就係元下田村同永泰新村嘅村莊同住宅，所以呢個站一般都係元下田村同永泰新村嘅村莊同住宅居民，喺上落班高峰期，有好多乘客都喺呢度出入站。

重有呢個站距離2號綫嘅黃邊站比較近（呢個站嘅C1出入口到黃邊站嘅B出入口有1.3公里到），所以去呢個站啲人都係去天河區嘅珠江新城等廣州市中軸線嗰度。

↑ ^1.0 ^1.1 〈钻头打穿隧道广州地铁三号线延误一个小时〉。《大洋网》。鳳凰網。2013-10-03。原著喺2020-03-28歸檔。喺2018-03-02搵到。
↑ 〈广州地铁三号线北延段信号故障大延误网友建言调整〉。《金羊网》。網易。2015-03-20。原著喺2017-09-09歸檔。喺2018-03-02搵到。

上一站⇚⇚　　　　廣州地鐵　　　　⇛⇛下一站
永泰站海傍站←	白雲大道北站 3號綫	嘉禾望崗站 →機場北站