琶洲站

出自維基百科,自由嘅百科全書
琶洲
PAZHOU
琶洲站嘅站名
概覽
冧巴 827
位置 海珠區新港東路同會展南二路嘅交界西邊冇幾遠嗰度
座標 23°5′54.24″N 113°21′59.76″E / 23.0984000°N 113.3666000°E / 23.0984000; 113.3666000座標: 23°5′54.24″N 113°21′59.76″E / 23.0984000°N 113.3666000°E / 23.0984000; 113.3666000
車站色  
經過路線 8
啟站 2003年6月28號
月台 2
站口數 5
營運資訊
車站服務時間 06:07~23:59
列車服務時間 06:12~23:54
廣州地鐵8號綫
滘心站 ◄新港東站 萬勝圍站► 萬勝圍站

琶洲站粵拼paa4 zau1 zaam6英文Pazhou Station)係廣州地鐵8號綫嘅車站,喺2003年6月28號開通,呢個站喺海珠區新港東路同會展南二路嘅交界西邊冇幾遠嗰度,西北邊隔籬冇幾遠就係琶洲展館;南邊冇幾遠就係保利世貿中心。佢重係喺中國內地嘅春運期間,廣州地區嘅等車旅客分流入面,最緊要嘅一噠等車區。呢個站從開通到而家為止,做過以下呢啲身份:

  • 2003年6月28號——2010年9月21號:舊2號綫嘅車站
  • 2003年6月28號——2005年12月26號:舊2號綫嘅總站

結構[編輯]

樓層[編輯]

琶洲站嘅聯絡通道(免費區入面)
地面 - 出入口
地下一樓 北站廳 站廳、售票機、客服中心
側式月台,開右邊門
1月台 8號綫列車去新港東站(行滘心嗰邊)
2月台 8號綫列車去萬勝圍站(行萬勝圍嗰邊)
側式月台,開右邊門
南站廳 站廳、售票機、客服中心
地下二樓 聯絡通道 免費區往返兩邊嘅站廳
收費區往返兩邊嘅月台

站廳[編輯]

琶洲站係分開咗南北兩個站廳(同樣喺新港東路嘅新港東站同埋磨碟沙站都係噉),兩個站廳同兩個月台都係俾條路軌隔開咗,但喺免費區定收費區,路軌下面都有條通道將兩邊連埋一齊。

月台[編輯]

琶洲站嘅南站廳
琶洲站(去萬勝圍嗰邊)嘅月台
柱上啲字

呢個站有2個側式月台,喺新港東路嘅琶洲展館東南邊附近同保利世貿中心北邊之間嘅地底。

月台全景(去萬勝圍嗰邊,喺2014年9月28號影。)

另外,月台東邊有條交叉渡線響度。喺2003年6月28號嘅舊二號綫開通到2005年12月26號為止,佢成日用呢條渡線之後就返轉頭。

商舖同自助服務[編輯]

而家嘅新港東站入面得1間7-Eleven嘅鋪頭畀乘客買嘢,就喺車站嘅北站廳入面。

但係新港東站入面好多自助服務設施畀乘客用,包括咗自動販賣機;重有充羊城通,交水電費同交通嘅罰錢、查地鐵嘅路線、頭尾班車同地鐵嘅安全指引,重可以畀乘客登記做廣州地鐵薈嘅會員嚟查獎分、換獎品嘅服務。下面有寫清楚呢個站係有乜鋪頭同自助服務響度:

商舖
自助服務
  • 自動販賣機
  • M-Touch地鐵資料查詢
  • 好易(Hotye)多媒體自助服務終端

出入口[編輯]

琶洲站嘅B出入口,喺2014年9月26號影。
琶洲站嘅A出入口
琶洲站嘅C出入口
琶洲站嘅保利世貿中心專用出入口
琶洲站嘅D出入口,喺2014年9月26號影。
編號 標記 方位 去到邊度
北站廳
出入口A 廣交會展館
東北
廣交會展館、琶洲塔廣州香格里拉大酒店、琶洲公交站(西行)、琶洲大橋南公交站(西行)
出入口B 新港東路
西北
新港東路、廣交會展館
南站廳
出入口C 新港東路
西南
新港東路、廣交會大廈、琶洲公交站(東行)
出入口D
東南
浦發銀行(琶洲支行)、吉盛偉邦家居採購中心、新港東路、琶洲大橋南公交站(東行)
保利世貿專用出入口 保利世貿中心
保利世界貿易中心、新港東路、中洲中心
註: 有盲人引導徑 | 有斜道 | 有輪椅升降台

車站歷史[編輯]

8號綫時期(包括舊二號綫)[編輯]

規劃[編輯]

喺1988年嘅「十字綫網」規劃入面就話咗嗰時舊2號綫嘅一個站,喺新港東路嘅廣交會展館東南邊同保利世界貿易中心之間嘅位。後嚟喺1997年嘅《廣州市城市快速軌道交通線網規劃研究(最終報告)》話咗要將舊嘅二號綫一分為二,而呢個站就變咗嗰時5號綫(唔係而家嘅5號綫)嘅中途站。而曉港站到琶洲嗰橛都加入咗2號綫一期嘅工程入面,之後用咗先行貫通,重留低咗拆解嘅條件。

施工[編輯]

2001年,舊嘅二號綫正式開始逳手起,工程喺2003年初搞掂。

開通[編輯]

呢個站喺2003年6月28號開放,嗰時係用咗舊二號綫嘅名嚟開始營運。喺啱啱開通無耐一直到2005年12月26號嘅13點59分為止,呢個站係舊二號綫嘅東邊終點站。不過到咗2005年12月26號14:00,由於3號綫4號綫嘅大學城專綫開通之後,萬勝圍站就開始營運,結果舊二號綫向東延長到萬勝圍站,而呢個站就取消咗之前嗌二號綫終點站嘅份。

路線一分為二[編輯]

2007年6月25號,國家發改委通過咗廣州地鐵嘅2號綫8號綫嘅延長段工程。工程喺2007年8月正式逳手[1],佢就係將舊嘅二號綫喺呢個站同江南西站之間嘅位拆開,分別向南、西、北三個方向延長。就喺2010年9月22號——24號,成條舊嘅二號綫停運咗嚟搞路線一分為二嘅工程。

8號綫時期(2010年9月25號之後)[編輯]

喺2010年9月25號朝早,呢個站重新開放。佢而家係8號綫嘅一個中途站。

11號綫時期[編輯]

規劃[編輯]

喺2008年嘅規劃方案入面話,嗰時嘅8號綫(唔冇同而家嘅8號綫搞亂)係新出嘅大環線,嗰時係話將呢個站到萬勝圍嗰橛路一分為二,變成另一條線再延長落去,但係呢份環線方案喺2010年嘅地鐵方案入面唔單止將路線一分為二嘅計劃取消咗,重變埋而家嘅11號綫嗰度。而行嘅路線方面雖然重係條環綫,但係個環就變大咗。而8號綫就恢復返而家噉行。而11號綫將會停琶洲站。

利用狀況[編輯]

有大型展覽或活動時嘅琶洲站
冇大型展覽或活動時嘅琶洲站

琶洲站係廣州國際會議展覽中心嘅其中一個交通配套,喺每年嘅廣州書香節都喺會展中心嘅B區度辦,不過呢個站附近冇乜住宅同商業區。所以除咗有大型展覽或其它活動響呢度辦嗰陣,就有一大堆客商同遊客成日喺呢個站上落,甚至多到井噴咁滯。但附近一冇展覽或活動,客流量就一落千丈。

另外,由於廣州火車站咁啱有條舊二號綫經呢個站[2],所以廣州國際會展中心重喺中國春運期間變成廣州地區嘅另一個緊要嘅異地等車區[3]。而會展中心喺春運期間,凈係安排每日00:00—05:00開始出車嘅旅客喺呢度等車,跟住用地鐵專列方法,將旅客直接喺琶洲站或新港東站送到去廣州火車站度坐車。主要係為咗確保廣州站嘅旅客喺發送高峰嗰陣,一直控制喺每日少過11萬人次嘅安全狀態,由2014年開始因為取消咗琶洲候乘點,就唔再搞地鐵專列。

重有,喺廣州火車站廣場入面有廣州站往返會展中心方向嘅免費穿梭巴士嚟送等春運火車啲人[4]

另外如估撞到特殊情況或客流激增,琶洲站重會用車站臨時封閉措嚟搞客流控制。之前2009年10月1號喺廣州國際會議展覽中心隔籬嘅珠江邊搞咗中國國慶60周年嘅焰火晚會散場嗰陣,試過因為客流太多而要封站[5]

接駁巴士[編輯]

琶洲站嘅A、B出入口可以轉向西行經過呢度嘅巴士;而C、D出入口可以轉向東行經過呢度嘅巴士。

附近嘅建築[編輯]

廣州國際會展中心(B區展館)

[編輯]

  1. 地铁二、八延长线获批 万胜围至金洲后天开通 互聯網檔案館歸檔,歸檔日期2007年9月22號,. 網易 喺2007-06-26搵到
  2. 廣州站喺而家2號綫嘅廣州火車站嗰頭。雖然話2010年9月21號——25號試過將舊二號綫一分為二,但係拆出去嘅車務通道重留咗喺度。原因請睇曉港站江南西站同埋廣州地鐵2號綫#歷史
  3. 佢主要喺分擔咗一部分喺廣州站嘅客流。因為每年春節期間,廣州站經常都爆滿,客流重多過深圳皇崗羅湖落馬洲珠海拱北口岸過關啲人。
  4. 网易新闻——广州公布09春运方案 夜间车次改至琶洲会展中心
  5. 广. 原著喺2015年2月12號歸檔. 喺2014年9月27號搵到.

上一站•下一站[編輯]

上一站⇚⇚    廣州地鐵    ⇛⇛下一站
新港東站
滘心站
琶洲站
8號綫
萬勝圍站
總站
員村站
逆時針
琶洲站
11號綫
赤沙滘站
順時針
提醒:雖然話11號綫已經確定咗係噉行,但係佢重未開始逳手起。