文化公園站 (廣州)
| 文化公園 Cultural Park | |
| |
| 文化公園站（6號綫）嘅站名 | |
| 概覽 | |
|---|---|
| 冧巴 | 608 814 |
| 位置 | 荔灣區文化公園嘅西南邊，沙面隔河對面東北角。 |
| 座標 | 23°06′32.52″N 113°14′58.96″E / 23.1090333°N 113.2497111°E |
| 車站色 | |
| 經過路線 | 6 8 |
| 啟站 | 2013年12月28號 |
| 月台數 | 2 |
| 站口數 | 4 |
| 營運資訊 | |
| 車站服務時間 | 06:06～23:47 |
| 列車服務時間 | 06:11～23:42 |
| 廣州地鐵6號綫 潯峰崗 ◄黃沙 （860m） （900m）一德路► 香雪 | |
| 廣州地鐵8號綫 滘心 ◄華林寺 （1km） （1km）同福西► 萬勝圍 | |
文化公園站（粵拼：man4 faa6 gung1 jyun2 zaam6；英文：Cultural Park Station）係廣州地鐵6號綫同8號綫嘅轉車站，喺荔灣區文化公園西南角。不過兩個站廳同兩個月台嘅開放時間都唔同，其中東西向站廳同6號綫月台喺2013年12月28號開放，而南北向站廳同8號綫月台喺2019年12月28號開放。
佢係廣州地鐵系統入面，站內其一有兩個廁所嘅車站。曾經喺2019年12月28號到2020年11月26號中午為止，做過8號綫西北邊嘅尾站。
結構
[編輯]樓層
[編輯]呢個站一共有4層樓嘅地下區域，其中地下1樓係站廳，有票務設施同客務中心；地下2樓係車站設備；地下3樓係6號綫月台；地下4樓係8號綫月台。車站同大多數嘅6號綫、8號綫車站一樣，冇休息室。廁所方面，喺8號綫站廳同月台範圍，唔理係免費區定收費區入面都有廁所，其中一個喺南站廳免費區範圍入面，另一個喺8號綫月台範圍南邊。而母嬰室喺8號綫月台範圍南邊嘅女廁隔籬。
打掂
[編輯]| 地面 | |
| - | 出入口 |
| 地下 一樓 | |
| 站廳 | 自動售票機、商舖、車站警務室、安檢設施、文化牆 |
| 地下 二樓 | |
| 設備區 | 車站設備 |
| 地下 三樓 |
8號綫緩衝樓 | 車站設備、同站廳月台連埋一齊 |
| 2月台 | ←6號綫列車去黃沙站（行潯峰崗嗰邊） | |
| 1月台 | 6號綫列車去一德路站（行香雪嗰邊）→ | |
| 地下 四樓 | |
| 3月台 | ← 8號綫列車去華林寺站（行滘心嗰邊） |
| 4月台 | 8號綫列車去同福西站（行萬勝圍嗰邊） → |
打橫
[編輯] |
 |
 |
 |
 |
 |
站廳
[編輯]呢個站嘅站廳個樣好似SF Square Head字體嘅「7」字噉，東西向係6號綫站廳，南北向係8號綫站廳，喺站廳中東邊地區屬收費區，俾好多舖頭同人行通道圍住嗮，入面有好多部扶手電梯同樓梯往返月台都得。
月台
[編輯]呢個站嘅6號綫有個島式月台，喺文化公園（差唔多去到西堤二馬路）嘅地底嗰邊。而8號綫就有個分離島式月台，喺文化公園（差唔多到鎮安路）嗰邊。其中，6號綫喺上邊，8號綫喺下邊。
另外，呢個站嘅8號綫月台北邊有袋狀軌響度。曾經喺2019年12月28號到2020年8月28號間，8號綫冚唪唥列車到呢個站後要攆客走，之後用北邊條袋狀軌調頭去到另一邊月台上落客。自從2020年8月29號嘅8號綫北延段開始調試後，冚唪唥啲車除突發情況外，其它時間都唔再喺北邊條袋狀軌調頭，而係直接去到滘心站，但列車到呢個站後重係要攆客走直到2020年11月26號中午差唔多晏晝為止。2020年11月26號晏晝兩點，由於廣州地鐵方突然宣佈8號綫北延段淨低部份開通，列車到呢個站之後唔會俾車站工作人員或廣播話攆客走。原先喺1月台範圍原先寫住嘅「終點站」同「請勿上車」呢啲類似提示亦喺2020年11月21號冚唪唥搣走嗮同刪嗮，重改成提示路線已經向白延長到滘心。而家條袋狀軌凈限突發事件時先至用到。
商鋪同自助服務
[編輯]萬勝圍站嘅北站廳免費區入面有便利舖，另外重有自動櫃員機、自助影相機同埋自動販賣機，重有可以充羊城通，交水電費同交通嘅罰錢、查地鐵嘅路線、頭尾班車嘅服務。
|
|
出入口
[編輯]| 文化公園站冚唪唥嘅出入口 | ||||||||
|---|---|---|---|---|---|---|---|---|
|
呢個站一共有4個出入口，分別係A、B、D，E。雖然2017年11月14號實行咗「人過安全門，物過X光機，液體過檢測儀」嘅嚴格安檢制度，早期喺客流低峰期間，各出入口之間當成過街通道經過係毋須接受安檢而直接通過。但係遇到客流高峰期同附近有大型活動時，各個出入口之間當成過街通道經過係要接受安檢。
| 冧巴 | 標記 | 方位 | 去到邊度 |
|---|---|---|---|
| 站廳（6號綫） | |||
出入口A   |
西堤二馬路 | 西堤二馬路、新基路、人民南路、沿江西路、靖遠路、德興路、人民橋、廣州文化公園、文化公園巴士站（西行）、文化公園電車總站、廣州十三行博物館 | |
| 出入口E | 六二三路 | 十八甫南路、清平路、沙面北街、沙面大街、六二三路巴士站 | |
| 站廳（8號綫） | |||
出入口B   |
西堤二馬路 | 新基路、人民南路、沿江西路、靖遠路、德興路、人民橋、廣州文化公園、西堤码頭、文化公園巴士站（西行） | |
出入口D  |
鎮安路 | 鎮安路、杉木欄路、康王南路、十八甫路、和平東路、和平中路、十三行路、長樂路、興隆北路、康王南路巴士站、市政公廁（文化公園入面） | |
註： 有盲人引導徑 | 有斜道 |  有輪椅升降臺 | 有𨋢 | 有扶梯
| |||
頭尾班車信息同配線圖
[編輯]| 配線圖 | |||||
|---|---|---|---|---|---|
|
█ 6號綫 | |||||
|
|||||
|
|||||
|
|||||
|
|||||
|
▼黃沙站 | |||||
.svg){kind=small}
.svg){kind=small}
| 配線圖 | |||||||||||||||||||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||||||||||||||||||||||||||||||||||||||||||||||||||||||||||||||||||||||
| 行去邊頭 | 頭班車 | 尾班車 | |||||
|---|---|---|---|---|---|---|---|
| 每日 | |||||||
| 6號綫 | |||||||
| 潯峰崗站 | 06:10 | 23:42 | |||||
| 香雪站 | 06:14 | 23:04 | |||||
| 8號綫 | |||||||
| 滘心站 | 06:03 | 23:28 | |||||
| 萬勝圍站 | 06:09 | 23:27 | |||||
| 注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。 | |||||||
車站歷史
[編輯]規劃
[編輯]
呢個站最先喺1965年嘅廣州地下電車系統規劃入面出現，嗰時係南北綫（文化公園⇄桂花崗）嘅南邊終點。到咗1988年嘅地鐵路網規劃改成初步方案4A嘅二期（文化公園⇄體育中心）終點站。位置大概喺鎮安路同六二三路交界西北邊，同而家個位差唔多。到咗1997年嘅地鐵路網規劃改成4號綫同7號綫嘅轉車車站，之後雖然路線變成而家嘅6號綫同8號綫，但車站個位冇變到。
6號綫時期
[編輯]工程
[編輯]2006年10月，呢個站正式開始喐手起，直到2013年9月起好。
開通
[編輯]2013年12月28號，6號綫一期開通之後，呢個站嘅東西方向月台正式開放[1]。
8號綫
[編輯]開工延誤
[編輯]雖然原計劃喺2012年兩個站廳同兩綫月台一齊同步開通，但係直到2008年，因綫網調整而冇辦法一齊同時開工。嗰時定咗規劃嘅6號綫先下手為強，順手連車站北邊嘅折返綫一齊起埋。隨後雖然8號綫二期北延段一齊喐手起，但係由於同福西站附近爆出拆遷同文物保護之間嘅大龍鳳[2]，令開通時間一拖再拖。
康王南路地陷事件
[編輯]喺2013年1月28號16點37分，康王南路同杉木欄路嘅交界由於工地爆破得唔好，炸出咗個大坑。呢單地陷事件搞到有榕樹同埋舖頭俾個大坑食咗，事件冇造成人員傷亡[3]。正因為呢單嘢，原先計劃喺2013年12月28號同步開通嘅8號綫北延段到文化公園嗰橛要無限期延遲。雖然呢單地陷出現嘅大坑俾施工方填平咗，相關隧道亦重新鋪過。但冇影響到6號綫開通時間，不過影響咗8號綫起波口位。
而8號綫波口位隨住2018年1月24號凌晨先至重新起好嗮[4]。
霸咗文化公園總站一半嘅用地
[編輯]從2018年8月18號開始，因路線要入場施工搞B出入口嘅關係，期間將原先喺文化公園總站停嘅105同106路電車先後縮短到黃沙同延長到芳村一帶停[5]。正因為噉，廣州嘅無軌電車界亦打破咗「芳村地區冇電車經過」嘅講法。
開通
[編輯]2019年12月28號，8號綫北延段開通之後，呢個站嘅南北方向月台亦正式開放[6]。初期一直做住8號綫嘅西北邊尾站，直到2020年11月26號晏晝，由於8號綫繼續向北延長，呢個站亦成為中途站[7]。
出入口
[編輯]呢個站喺開通初期淨得A同D兩個出入口。而E出入口喺2014年3月17號開放，初期屬6號綫一部份，後嚟喺8號綫開通時改屬8號綫一部份。B出入口喺2019年12月28號開通8號綫北延段一部份時亦同步開放。
報站廣播
[編輯]而家呢個站嘅報站廣播分有分男女聲版。早喺2013年12月28號開通6號綫時，呢個站淨得女聲廣播，即使係2019年12月28號開通咗8號綫北延段後，唔理係6號綫定8號綫嘅轉車報站廣播都係統一用女聲廣播。不過從2020年11月21號開始，呢個站嘅8號綫報站廣播改成男聲版，而6號綫報站廣播重繼續用返女聲版。
利用狀況
[編輯]呢個站嘅附近係主要係畀東邊嘅文化公園、西邊嘅清平市場、南邊嘅人民橋，北邊嘅上下九步行街嚟出入站用嘅。響呢個站開通之前，啲乘客成日都嚟坐1號綫去長壽路站落車，跟住去上下九步行街入面。喺2013年12月28號開咗6號綫之後，由於呢個站係比長壽路站近咗200幾米，所以有部份乘客搭6號綫到呢個站落車去上下九步行街入面。喺呢個站東北邊嘅文化公園，一到迎春花會、中秋燈會、羊城菊會等展覽或其它大型活動時，客流亦比平時多咗好多。
自從2019年12月28號成為6號綫同8號綫嘅轉車站後，亦多咗喺呢個站過海到河南啲轉車客流入站轉車都有，所以呢個站嘅客流都幾旺下。不過喺2020年11月26號晏晝因8號綫北延段繼續延長落去，原先喺呢個站落車去上下九啲客流都一窩蜂噉去嗮華林寺站落車。不過噉都吸引咗喺同德圍、西村同聚龍、石井一帶啲居民落嚟呢個站轉車到其它地方。
附近嘅建築同景區
[編輯]
公園
[編輯]紀念區
[編輯]商場
[編輯]碼頭
[編輯]文化裝飾
[編輯] |
 |
呢個站係6號綫一期工程，九個文化站嘅其一文化站，站廳入面整咗「繽紛羊城 文化之窗」嘅文化藝術牆，內容圍繞廣州嘅文化公園、珠江邊嘅「一河兩岸」同嶺南民族文化。柱面裝飾係粵海關大樓。不過呢啲裝飾淨喺站廳同6號綫月台範圍先至搵到，8號綫月台範圍冇呢樣玩。
攷
[編輯]
- ↑ 广州地铁六号线昨试运营 逾15万人次尝鲜
- ↑ 〈地铁八号线同福西站：拆迁范围涉洪德巷〉。原著喺2015-04-19歸檔。喺2015-04-19搵到。
- ↑ 〈地质与图纸不符爆破致地陷〉。信息時報。2013-01-29。原著喺2014-01-03歸檔。喺2014-04-21搵到。
- ↑ 〈文化公园站折返线隧道顺利开挖至分界里程〉。中铁七局集团第三工程有限公司。2018-01-24。原著喺2019-05-18歸檔。喺2019-11-22搵到。
- ↑ 〈广州"辫辫车"首进芳村 106路延伸至茶滘路〉。《金羊网》。2018-08-20。
- ↑ 这天，八号线长“长”了！.广州地铁官方微信公众号.2019-12-27
- ↑ 广州地铁微信公众号。〈今天14：00，同德突"围"而出！〉。《微信公众平台》。喺2020-11-26搵到。
上一站·下一站
[編輯]| 上一站⇚⇚ 廣州地鐵 ⇛⇛下一站 | ||
| 黃沙站 潯峰崗站← |
文化公園站 6號綫 |
一德路站 →香雪站 |
| 華林寺站 滘心站← |
文化公園站 8號綫 |
同福西站 →萬勝圍站 |
| |||||
| |||||