黃村站 (廣州地鐵)

黃村 HUANGCUN
黃村站嘅站名（4號綫）
概覽
車站代碼	424 2104
位置	天河區東圃街道嘅大觀南路同奧體南路嘅交界
座標	23°07′56.03″N 113°24′25.70″E
車站色	4號綫：     21號綫：
經過路線	4 21
啟站	4號綫：2010年9月25號 21號綫：2019年12月20號
月台數	3
站口數	6
營運資訊
車站服務時間	05:55～23:38
列車服務時間	06:00～23:33
廣州地鐵4號綫 南沙客運港　◄車陂 （1.9km）
廣州地鐵21號綫 員村　◄棠東 （2.1km） （km）天河智慧城►　增城廣場

黃村站（粵拼：wong⁴ cyun¹ zaam⁶；英文：Huangcun Station），規劃嗌過奧林匹克中心站ou³ lam⁴ pat¹ hak¹ zung¹ sam¹ zaam⁶（Guangdong Olympic Center Station）同黃沖站（wong⁴ cung¹ zaam⁶；Huangchong Station），係廣州地鐵4號綫同21號綫嘅轉車站，喺天河區東圃街道大觀南路同奧體南路嘅交界，附近冇幾遠係廣東奧林匹克體育中心。不過兩個站嘅站廳同月台嘅開放時間都唔同，其中4號綫喺2010年9月25號開放，而21號綫喺2019年12月20號開放。

結構

樓層

呢個站一共有2層樓嘅地下區域，其中地下1樓係站廳，有票務設施，客務中心同商鋪；地下2樓係4號綫同21號綫嘅月台；不過4號綫同21號綫咪話兩個月台之間唔相連，連站廳嘅收費區都唔相連。佢雖然冇休息室，但係有廁所同母嬰室響度，都喺嗮21號綫月台範圍南邊。

打掂

地面	-	出入口
地下 一樓	4號綫站廳	售票機、客服中心、商舖、車站警務室、安檢設施
	轉車通道	往返4號綫同21號綫
	21號綫站廳	售票機、客服中心、車站警務室、安檢設施
地下 二樓	側式月台，開右邊門（平時唔對外）
	↓2 ↑3 月台	← 4號綫列車去車陂站（行南沙客運港嗰邊）
	島式月台，開左邊門
	1月台	4號綫終點月台
	5月台	← 21號綫列車去棠東站（慢／快）（行員村嗰邊）
	島式月台，開左邊門
	4月台	21號綫列車去大觀南路站（慢／快）（行增城廣場嗰邊） →

打橫

黃村站嘅4號綫站廳	黃村站嘅4號綫月台	柱上啲字（4號綫）
黃村站嘅21號綫站廳	黃村站嘅21號綫月台	File:WongCyunZaam WORD on PILLAR for Line 21.jpg 柱上啲字（21號綫）

站廳

呢個站嘅站廳分開咗4號綫同21號綫兩個，都喺嗮地下一樓，而且收費區有聯絡通道連埋一齊。不過佢同白雲機場一號同二號航站樓一樣，有自動人行道。

收費區方面，其中4號綫喺站廳西北邊；21號綫喺站廳東南邊，四周圍俾人行通道同車站嘅商鋪圍住嗮，而站廳嘅收費區入面有好多部專用𨋢、扶手電梯同樓梯去到月台嗰邊。

月台

4號綫月台全景（終點嗰邊，喺2015年5月4號影。）

呢個站有2個島式同1個側式月台，都喺嗮大觀南路同奧體南路嘅交界地底；不過月台結構相比，21號綫比4號綫嘅長度稍微偏長，而4號綫比21號綫多咗個側式月台結構。由於呢個站附近冇幾遠就係廣東奧林匹克體育中心，喺奧體中心嘅比賽結束咗之後，會有好多乘客喺呢個站坐地鐵走嘅，所以喺4號綫嗰邊，有去南沙客運港方向嘅側式月台響度，喺客流量高嗰陣先至用，平時唔開。

商鋪同自助服務

而家嘅黃村站入面有好多唔同類嘅鋪頭畀乘客買嘢同埋食嘢，好似有便利檔、麵包檔同洗衫舖等。

另外，黃村站入面重有好多自助服務設施畀乘客用，包括咗民生銀行嘅自動櫃員機、自動販賣機、自動影相機等；重有好易機嚟充羊城通，交水電費同交通嘅罰錢等服務。

出入口

黃村站冚唪唥嘅出入口
B出入口  D出入口  E出入口

呢個站一共有6個出入口，分別係B、D，E、A、F、H。

冧巴	標記	方位	去到邊度
4號綫站廳
出入口B	大觀南路		大觀南路、廣園快速路、天河城百貨奧體折扣店、奧林匹克體育中心巴士總站、黃村立交巴士站、東圃客運站黃村招呼站
出入口D	環場路		環場路、奧體路、優托邦奧體店、天河城百貨奧特萊斯奧體店
出入口E	環場路		環場路、奧體路、廣東奧林匹克體育中心、奧林匹克體育中心西（地鐵黃村站）巴士站（北行）
21號綫站廳
出入口A	大觀南路		黃村康體路、黃村康體路巴士站
出入口F	大觀南路		奧林匹克體育中心西（地鐵黃村站）巴士站（北行）
出入口H	大觀南路		奧林匹克體育中心西（地鐵黃村站）巴士站（南行）
註： 有盲人引導徑 | 有斜道 | 有輪椅升降臺

頭尾班車信息同配線圖

配線圖
█ 4號綫 ▲終點
▼車陂站

配線圖
█ 21號綫 ▲大觀南路站（慢／快）
▼棠東站（慢／快）

行去邊頭	頭班車	尾班車
每日
4號綫
去南沙客運港站	06:00	23:15
21號綫
去員村站	06:15	23:33
去增城廣場站	06:08	22:58
注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。

車站歷史

規劃

呢個站最先喺1997年嘅地鐵規劃出現。嗰時嘅5號綫從琶洲出分岔路，其中北段到世界大觀為止。中間亦整咗呢個站，由於嗰時起近廣東奧林匹克體育中心，所以改名做奧林匹克中心站。2006年5月俾地名委員會改名做黃沖站，但隨後無耐又改名做黃村站。

而2000～2008年份方案話5號綫唔搞分岔路，改成4號綫嘅車站，起好呢個站時喺正線北邊留低咗繼續向北延長嘅條件。直到2010年份規劃方案先至將黃村以北條路線畀咗21號綫而成為終點站，重變成4號綫同21號綫嘅轉車車站。

施工

4號綫

規劃定咗之後，車站喺2008年正式喐手起，直到2009年封頂；2010年7月2號喺車陂到呢個站搞咗熱滑試驗。

21號綫

喺呢個站嘅E出入口地底附近，喺2019年4月28號當日，安檢棚後邊就係21號綫嘅工地。相入面嘅安檢區喺2019年7月30號當日向前移到E出入口附近，後邊嘅工地喺2019年12月20號當日已經開放咗畀市民入去搭地鐵。

• 2014年5月10號，呢個站第一棟幅地下連牆嘅鋼筋架構成功通過驗收，佢係21號綫第一個搞掂地連牆驗收嘅工地。
• 2015年7月28號，呢個站到世界大觀之間開始搞盾構，佢係21號綫第一個開搞嘅盾構區。
• 2016年6月28號，呢個站到世界大觀之間嘅盾構順利貫通，到嗰時為止係21號綫第一條雙綫貫通嘅區間。
• 2017年7月3號，呢個站嘅土建工程順利通過咗完工驗收。
• 2017年7月17號，呢個站到棠東之間嘅盾構區間單位工程順利通過咗完工驗收。
• 2017年7月29號，呢個站到棠東之間嘅右線盾構隧道成功貫通。
• 2017年10月13號晏晝，呢個站到棠東之間嘅左線盾構隧道成功貫通。到嗰時為止，係將呢個站到棠東之間嘅雙綫盾構隧道都順利貫通嗮。
• 2019年3月22號，呢個站嘅1號風亭組同車站第四個出入口嘅基坑順利封頂。
• 2019年7月30號晏晝，車站嘅21號綫範圍正式三權移交。

開通

4號綫時期

喺4號綫首通段開通到2010年9月25號中午為止未開呢個站。2010年9月25號晏晝，地鐵方為咗方便畀2010年亞運會運動員同睇比賽啲人嚟奧林匹克體育中心睇比賽，所以將4號綫北延段延長到呢度做總站重一直去到而家。

成爲4號綫同21號綫嘅轉車站

喺21號綫首通段開通到2019年12月19號深夜為止未開呢個站。從2019年12月20號頭班車開始，由於考慮到黃埔馬拉松喺同年月22號喺科學城入面舉辦，地鐵方亦將原計劃開通時間提早咗8日，從而成為轉車站。

出入口

呢個站喺開通初期淨得B、D、E三個出入口，後嚟喺21號綫開通之後又多咗A、F、H三個出入口。

利用狀況

黃村站附近有唔少住宅區同部分學校響度。重有廣州科學城同天河智慧城、吉山村同比較遠嘅蘿崗中心區嗰帶離而家嘅黃村站係最近嘅地鐵站，所以重吸引咗好多乘客喺黃村站度轉地鐵同巴士去到呢啲地區。所以呢個站嘅客流都係附近嘅居民、上落班同返放學嘅人比較多。尤其係附近有間奧林匹克體育中心響度，若果嗰日有比賽或演唱會等大型活動時，會有好多人從呢個站出入。不過由於4號綫凈得4卡車廂，所以喺高峰期嗰陣成日都有客流控制。

附近嘅建築同景區

體育場館

• 廣東奧林匹克體育中心
• 廣東省黃村體育訓練中心

住宅小區

• 中海康城

學校

• 廣東省培英職業技術學校
• 廣東體育職業技術學院（東校區）

公園

• 卡爾美·新安足球公園

註同攷

註

攷

上一站·下一站

上一站⇚⇚　　　　廣州地鐵　　　　⇛⇛下一站
車陂站 南沙客運港站←	黃村站 4號綫	終點
棠東站 員村站←	黃村站 21號綫（慢車）	大觀南路站 →增城廣場站
棠東站 員村站←	黃村站 21號綫（快車）	天河智慧城站 →增城廣場站