區莊站
| 區莊 OUZHUANG | |
| |
| 區莊站（6號綫）嘅站名 | |
| 概覽 | |
|---|---|
| 冧巴 | 509 615 |
| 位置 | 越秀區環市東路農林下路路口地底 |
| 座標 | 23°8′13″N 113°17′30″E / 23.13694°N 113.29167°E |
| 車站色 | 5號綫： 6號綫： |
| 經過路線 | 5 6 |
| 啟站 | 5號綫：2009年12月28號 6號綫：2013年12月28號 |
| 換乘方式 | T字轉車、站廳轉車 |
| 月台數 | 2 |
| 站口數 | 5 |
| 營運資訊 | |
| 車站服務時間 | 06:07～23:48 |
| 列車服務時間 | 06:02～23:53 |
區莊站（粵拼：au1 zong1 zaam6，英文：Ouzhuang Station）係廣州地鐵5號綫同6號綫嘅轉車車站，2009年12月28號開始營運，位置喺越秀區環市東路同農林下路交界嘅地底。
結構
[編輯]樓層
[編輯]呢個站一共有5層樓嘅地下區域，其中地下1樓係出入口嘅通道同5號綫站廳，有票務設施，客務中心、地鐵派出所同車站控制室；地下2樓係車站設備；地下3樓5號綫嘅月台；地下4樓係轉車樓同6號綫站廳；地下5樓係6號綫嘅月台。車站冇廁所同休息室響度，連6號綫都一樣。
打掂
[編輯]| 地面 | 北站廳 | 站廳、售票機、客服中心 |
| 地下 一樓 |
北站廳 | 站廳、售票機、客服中心 免費區聯絡通道往返南站廳 |
| 地下 二樓 |
設備層 | 車站設備 |
| 地下 三樓 |
2月台 | ←5號綫列車去淘金站（行滘口嗰邊） |
| 1月台 | 5號綫列車去動物園站（行黃埔新港嗰邊）→ | |
| 地下 四樓 |
北站廳 | 客流集散廳、換乘通道 |
| 南站廳 | 站廳、售票機、客服中心 非付費區聯絡通道往北站廳 | |
| 地下 五樓 |
3月台 | ←6號綫列車去黃花崗站（行香雪嗰邊） |
| 4月台 | 6號綫列車去東山口站（行潯峰崗嗰邊）→ | |
打橫
[編輯] |
 |
 |
 |
站廳
[編輯]呢個站喺起好5號綫嗰陣就整咗2個站廳出嚟，其中一個喺環市東路嘅北站廳同農林下路嘅南站廳，而兩個站廳都整咗客務中心出嚟。而兩個站廳之間都有通道接埋一齊（唔理佢係免費區定係收費區）。各個站廳嘅收費區都有好多部專用𨋢、扶手電梯同樓梯去到南北站廳、客流集散廳同埋邊條綫嘅月台都得。
月台
[編輯]呢個站嘅5號綫月台喺環市東路嘅地底，而6號綫嘅月台喺農林下路嘅地底。
商鋪同自助服務
[編輯]由於呢個站嘅特殊設計關係，所以唔理係收費區定係免費區都冇商鋪響度，但係有好多部自助服務設施畀乘客用，包括咗民生銀行嘅自動櫃員機、自動售賣機等。車站入面重有好易機嚟充羊城通，交水電費同交通罰錢呢啲嘢；而M-Touch機係可以查地鐵路線、頭尾班車同埋地鐵安全指引，重可以畀乘客登記成廣州地鐵薈會員嚟查獎分同換獎品。
出入口
[編輯]| 區莊站冚唪唥嘅出入口 | ||||||||||
|---|---|---|---|---|---|---|---|---|---|---|
|
車站有6個出入口，分別係A、B1、B2、C、D，E。初期時E出入口同其他5個出入口連通，但6號綫開通後，E出入口去唔到其他5個出入口。
| 編號 | 標記 | 去到邊度 |
|---|---|---|
| 南北站廳聯絡通道 | ||
| 出入口A | 環市東路（西行） | 先烈南路、區莊立交、中山大學中山眼科中心、廣州市執信中學 |
出入口C  |
環市東路（東行） | 農林下路、環市東路、廣東工大(東行)巴士站 |
| 6號綫南站廳 | ||
| 出入口B1 | 農林下路（南行） | 農林下路、犀牛路、犀牛路口巴士站 |
| 出入口B2 | 農林下路、廣州市執信中學、廣東省人民政府教育督導室、廣東省教育廳、廣東省高等學校畢業生就業指導中心、羊城晚報社、廣州王府井百貨、廣發銀行、廣東粵劇藝術中心、犀牛路口巴士站 | |
| 5號綫北站廳（負一樓） | ||
| 出入口D |
環市東路（西行） | 環市東路、廣東工大(西行)巴士站 |
| 5號綫北站廳（地面） | ||
出入口E  |
環市東路（西行） | 環市東路、先烈中路、區莊立交、中山大學中山眼科中心、廣州國葉文化酒店、滙豐商貿大廈、窩嘜黃花崗店、新大新百貨東山廣場店、卓越教育東山廣場校區 |
注： 有盲人引導徑 |  有輪椅升降臺 | 出入口都喺同一層樓
| ||
車站歷史
[編輯]
規劃時期
[編輯]呢個站最初喺2003年嘅方案入面話咗係5號綫同6號綫嘅車站，而呢個站喺區莊立交嘅東邊冇幾遠嗰度整咗個站（而家呢度），嗰時重定咗係區莊站嘅名。
施工時期
[編輯]喺2006年，5號綫同6號綫嘅工程開始逳手，而呢個站重整咗兩條地鐵嘅轉車車站。但喺起緊呢個站嗰陣，車站隔籬有棟8層樓嘅某單位住戶因為同施工隊成日傾唔掂，有住戶唔肯搬走。而地鐵方面就改咗個車站嘅設計方案而導致車站嘅面積變細咗，之前本嚟有規則形狀嘅車站就變成冇規則形狀嘅車站。
5號綫時期
[編輯]響2009年12月28號，呢個站正式投入服務。初期凈係開咗北站廳同埋5號綫嘅月台。嗰時凈係得4個出入口。喺凈係得5號線開通咗嗰陣（2009年12月28號14:00——2013年12月28號13:59），喺1號線嘅公園前站西邊嘅乘客轉車過嚟呢個站嗰陣，成日都要兜過2號線先至過到嚟呢度。
成為轉車嘅車站時期
[編輯]到咗2013年12月28號14:00，呢個站時隔4年，地下5樓嘅6號綫車站同埋南站厅部分都開埋。喺呢個時候開始，喺1號線嘅公園前站西邊嘅乘客轉車過嚟呢個站嗰陣都唔再兜去2號線嗰邊喇。而出入口方面，呢個站重多咗2個出入口。
出入口
[編輯]車站開通初期，原先喺農林下路小學隔籬嘅髮廊整咗個地鐵出入口方便出入站，但俾學校好多學生家長話出入口工程喺學校範圍，會影響學生仔上課而反對。雖然地鐵方打算喺犀牛路口整咗個地鐵出入口，但同樣亦俾學生家長話同學校隔咗條馬路而導致細路返學過馬路好崖广而反對。直到2011年起6號綫時乾脆改成站廳兼喺廣東省教育廳對面整咗兩個出入口重喺2013年12月28號開通6號綫時開放。
營運事故
[編輯]2014年7月9號08:53（UTC+8），5號綫有位乘客帶嘅保溫樽發生爆裂洩漏液態N2而產生液霧現象，令好多車廂乘客心驚驚。地鐵方為確保地鐵營運安全而組織呢部列車啲人喺呢個站清場，後邊啲列車亦受到延誤。
利用狀況
[編輯]呢個站附近都係啲矮樓嚟嘅。不過喺廣州市執信中學讀書嘅學生仔，部份嘅省級單位（例如廣州市中學生招生辦同埋廣東省教育廳）就係喺呢個站附近，加上重有去王府井百貨同埋新大新百貨嘅東山分店shopping嘅人成日都喺呢個站落車嘅。
轉車須知
[編輯]如估你搭緊6號綫喺呢個站落車轉5號綫，要去到北邊嘅站台先至可以轉，千祈冇去咗站台嘅南邊。因為站台嘅南邊凈係可以出站，冇得轉車咁玩嘢㗎。重有，如估你搭緊5號綫喺呢個站落車轉6號綫嘅話，要去到站台最中間嘅通道嗰邊，嗰度有條手扶電梯同樓梯可以落去，落咗2層樓之後轉右再落去就到6號綫嘅站台喇。因為5號綫站台嘅兩邊雖然話可以轉車，但係要兜好遠嘅路先至落到去轉車嘅通道（坐咗扶手電梯落到去之後，先至係行到半佬）咁玩嘢。
上一站·下一站
[編輯]| 上一站⇚⇚ 廣州地鐵 ⇛⇛下一站 | ||
| 淘金站 滘口站← |
區莊站 5號綫 |
動物園站 →黃埔新港站 |
| 東山口站 潯峰崗站← |
區莊站 6號綫 |
黃花崗站 →香雪站 |
| |||||