新大新百貨
歷史
[編輯]- 1914年，澳洲華僑蔡興同蔡昌喺惠愛街（今日嘅中山五路）同雙門底（今日嘅北京路北邊，財廳附近）嘅十字街口起咗間「城內大新公司」。
- 1918年，再喺西堤搞咗間「城外大新公司」（今日嘅南方大廈）。而大新既係「大展新猷」噉解，又係英文名「The Sun」嘅粵語諧音。
- 中華人民共和國成立之後，大新公司房產俾政府充咗公，1951年6月改名做「廣州市百貨公司第五門市部」，之後將5層樓嘅大樓拆咗，起成而家16層樓高嘅大廈。
- 1989年：改名做「新大新」。
- 2009年9月24號，廣百股份用CNY￥1.84億收購咗新大新公司99%嘅股權。但廣百嗰時話繼續保留「新大新」嘅名做錯位經營，但北京路總店嘅新大新公司個名改成「新大新百貨」，而商標重用緊「新大新」嘅名。
分店
[編輯]- 北京店：越秀區中山五路4號。
- 東山店：越秀區先烈中路63號，東山廣場裙樓1-4樓。
- 荔灣店：荔灣區荔灣路100號。
- 番禺店：番禺區大北路易發商業中心1-3樓。
- 三水店：佛山市三水區西南街道張邊路9號。