三水
三水（粵拼：saam1 seoi2；威式拼音：Samsui；官方外文名：Sanshui）喺中國廣東，家下係佛山市嘅市轄區，叫三水區，原本係個縣嚟，叫三水縣。三水近省城，舊時有唔少人去海外謀生，區內有著名嘅僑鄉逕口。
地理
[編輯]三水東西窄，南北長，南北最長68千米，東西最長闊為30.1千米。三水面積874.22平方千米。
三水顧名思義，由三江匯集而成，西江、北江同埋綏江。西北便多啲高山，地勢西北斜落東南，東南便係三江沖積平原，響珠江三角洲平原來講，離海甚遠。呢處最高嘅西平嶺，都只不過係591米。佢就響佛山市區以北。
山
[編輯]水
[編輯]北江向西南流，到胥江口，東便分條蘆包水，而西南便到四會，合埋綏江，叫思賢滘水，再會合西江[1]。北江過三水市區，就叫肄江，到西南潭入度入南海[1]。北江西南潭，出條三江水，夾埋蘆包水，就到南海，再出石門，流到珠江[1]。
三水西便有西江，由高要入來[1]。青岐水頭駁綏江，接綏江水，東南過金洲山，亦都入南海[1]。
史
[編輯]三水一帶，原本係肇慶府高要縣同廣州府南海縣地。1526年（大明嘉靖五年），見呢處比較難管，開三水縣，歸廣州府。因呢處西江、北江同綏江匯集，取名三水，即「三水合流」嘅意思。
大清時縣丞駐西南鎮[1]。另有有胥江、三水二巡司[1]。三水口亦名河口，有商埠[1]。1897年（大清光緒廿三年），中英緬甸條約訂三水係商埠[1]。有三水、西南二驛，開三佛鐵路（今日廣三線）[1]。
由美國合興公司修築嘅廣三線喺1901年（光緒廿七年）開工，同年10月石圍塘至佛山段16.2千米先行通車。1903年（光緒廿九年）12月10號，佛山段嘅三佛鐵路亦都正式通車，全長48.9千米，三水境南有三水同西南兩個站。之後，湖南、湖北、廣東三省商人，集資675萬美元，贖回三佛鐵路，改名為三省鐵路，自此中國就有商辦鐵路。
共和國成立初期，三水縣並無變，但之後就變得好密。1959年3月2號，三水縣就併咗入南海縣。一年後，1960年9月30號，恢復返三水縣。1993年3月29號，撤縣建市，三水變成縣級市，叫三水市。
2002年12月8號，中華人民共和國國務院發國函[2002]109號，批准調整佛山市行政新劃法。撤三水市，設立佛山市三水區。2003年1月8號，三水區正式成立，成為佛山市五區之一。
政區
[編輯]三水響佛山市來講係北面，同市來講，南面係南海區，西南係高明區，隔住西江。市外來講，東係廣州市花都區，北係清遠市清新縣，西南係肇慶市高要市。
家陣三水轄下有兩個街道同埋五個鎮：
- 西南街道：轄區面積178平方公里，常住人口超20萬，外來人口超12萬
- 雲東海街道：轄區面積56平方公里，常住總人口4.3萬
- 大塘鎮：轄區面積98.23平方公里，戶籍人口3.9萬人，外來人口2萬人
- 樂平鎮：轄區面積198.5平方公里，戶籍人口約7.5萬人
- 白泥鎮：轄區面積66.46平方公里，戶籍人口2.38萬人，外來人口超6萬
- 蘆苞鎮：轄區面積105平方公里，戶籍人口近5萬人，外來人口1.5萬人
- 南山鎮：轄區面積115.62平方公里，常住人口2.7萬人，戶籍人口2.3萬人（含歸僑僑眷2432人）。
人口
[編輯]2008年，全區戶籍總人口有41萬人。三水籍華僑同香港、澳門、台灣人有20幾萬，係廣東著名僑鄉[2]。
經濟
[編輯]2006年，三水致力工業，經濟以持續、快速、健康爲目標。當時生產總值255.4億元，多過年初預算1.45億元，增長17.8%。
交通運輸
[編輯]巴士系統：
| 營運公司 | 經營路線 |
|---|---|
| 佛山市三水運發公共汽車有限公司（佛山市三水區粵運交通公司） | 三水-禪城、三水-西樵、三水-容桂、601-627線（其中614線分為614A線及614B線）、660-680線、西南01線、南山01-03線（加埋34條巴士線，3條為城巴、28條為區級巴士，4條為鎮級巴士） |
| 佛山市三水粵景汽車運輸有限公司 | 白坭01-03線（其中03先分為03A線及03B線）、樂平01-04線、801-803線（合計11條巴士線，3條為跨市巴士，8條為鎮級巴士） |
| 佛山市三水順景運輸有限公司 | 大塘01-06線、蘆苞01-06線（合計12條鎮級巴士線） |
| 佛山市三水國鴻公共交通有限公司 | 631-648線（合計18條區級巴士線） |
| 佛山市藍鯨運輸有限公司 | 旅遊三線（市級公交線） |
| 佛山市南海佛廣公共汽車有限公司 | 南海-三水、順德-三水（合計2條城巴線）、233線、271線 |
| 佛山市高明宏明公共汽車有限公司 | 高明-三水（城巴線） |
的士：由佛山新協力的士經營，起標價5元/2公里，超出1公里按每公里2元（按油價需要，或收取燃油附加費）。
地鐵：暫時冇
人物
[編輯]- 何維栢，大明尚書
- 汪精衞
- 湯恩佳，香港生意人同宗教領袖
- 林穎嫺，1987年度香港小姐競選季軍
- 蔡楓華，香港歌手
- 黃子華，香港棟篤笑演員
- 鳳凰女（郭瑞貞），粵劇演員，中國國民黨黨員
- 鄧碧雲，粵劇同電視演員
- 李蕙敏，香港歌手，同區凱倫組織過Echo樂隊
- 李樂詩，香港探險家
- 韋基舜，香港生意人
- 錢小豪，香港武打演員
- 姚亦澧，香港無綫電視藝人
- 劉聖雪，香港新民黨成員
