廣三鐵路

出自維基百科,自由嘅百科全書
(由廣三線跳轉過嚟)
行喺廣三鐵路嘅N595次列車

廣三鐵路gwong2 saam1 tit3 lou6英文Canton-Samshui Railway),又叫廣三綫gwong2 saam1 sin3,係中國廣東一條鐵路,最初叫三佛鐵路saam1 fat6 tit3 lou6,係條大清時起好嘅鐵路。廣三線家下由廣州市石圍塘站起,駁到去佛山市三水區三水南站,總長49千米。經營權歸廣州鐵路集團所有。

三佛鐵路個名,顧名思義,係三水到佛山嘅鐵路,不過查實係由廣東省城(後尾叫廣州)到三水,當時係諗住起粵漢鐵路支綫,所以又叫省佛支路saang2 fat6 zi1 lou6

[編輯]

1898年大清光緒廿四年)鐵路督辦大臣盛宣懷,同埋駐美國公使伍廷芳,同美國合興公司簽約,借錢起當時係諗住起粵漢鐵路支綫,即係三佛鐵路[1]

傾嗰陣,發覺省城、佛山到三水地平,難度到低,比較經濟。而佛山係經濟重鎮,而省城係華南大,三水又係西三江匯集,水路交通發達,經濟效益好[2]

首先係起省城到佛山一段。當時佛山鎮南海縣,而省城同南海之間,隔住條珠江。所以決定駁船渡江。水文測量之後,南海一邊揀咗石圍塘,而對面省城係黃沙碼頭,因為呢處水比較慢,啱駁船用。由石圍塘起,開五個站,有五眼橋奇槎韶邊橫滘,最後到佛山。中間其實有過點頭站。省城到佛山全長16.5千米。

1901年(光緒廿七年)正月,省佛段動工,10月通車。好快起埋三佛段。三水境內,有三水西南兩個站。1903年,即大清光緒廿九年12月10號三佛鐵路正式通車,全長48.9千米。

美方合興公司,違返條約,私自賣畀第三國。所華方收回鐵路自辦,注銷合同,畀675萬美金畀美方。因為呢次湖南湖北廣東三省商人集資贖回三佛鐵路,所以改名三省鐵路,自此中國就有商辦鐵路。

民國二年1913年民國政府交通部,派羅崇鹷總辦,將湖南、湖北兩省股份收歸國有,重受晒三省鐵路一切開支。因為此又改名廣三鐵路。當其時,石圍塘到佛山,綫短收入大,係世界之冠。

路綫[編輯]

家下路綫係石圍塘火車站三眼橋站奇槎站佛山東站佛山站街邊站上柏站小塘站小塘西站走馬營站、三水站(拆咗)、三水南站

喺三眼橋可以駁廣茂聯絡線,通去廣州站京廣線,而喺三水,就可以駁三茂線。廣三鐵路實際係駁埋中國東西兩便鐵路。

客車經過廣三鐵路,可以到廣西雲南貴州四川重慶方向。而喺2007年4月18號,重駁通埋海南

舊時係用蒸汽火車,家下全綫重未電氣化,重用柴油火車。

火車頭[編輯]

大清同民國時期都係用蒸汽火車頭。而共和國時期就轉用柴油火車頭。

共和國[編輯]

曾經用過嘅火車頭

家下用緊嘅火車頭

[編輯]

  1. 广.{{cite web}}: CS1 maint: url-status (link)
  2. 南写真:百年"广三铁路"见证历史变迁.