三茂線

三茂線係駁埋三水同茂名嘅鐵路。三茂線分兩次起，分別係1958年到1961年，以及1977年到1991年。家下係廣州鐵路集團有限公司管理。條線由廣三線上邊嘅三水火車站開始，途經三水、肇慶、陽春，最後到達茂名東站，全長310千米，經34個車站，係駁住珠三角同粵西、海南、廣西之間重要鐵路幹綫。

由於通車之後，每年運輸量不斷咁升，到咗21世紀，三茂線總體運力已經超過設計上限，廣鐵集團曾經計劃將廣三線全線同埋三茂線，全線昇級做電氣化雙線，但係後尾，政府規劃咗更加先進嘅西部沿海高速鐵路，最後昇級計劃無限期擱置。所以家下重係用緊柴油火車。