兩鐵合併

出自維基百科,自由嘅百科全書

兩鐵合併係指香港地鐵(地鐵)同埋九廣鐵路(九鐵)嘅服務合併。

利弊[編輯]

合併嚟增加鐵路嘅網絡效率,減少服務重疊,同時可以節省行政開支同埋營運成本同埋取消轉乘車費,嚟使到整體車務嘅結構做啲調整嚟製造協同效應,使到乘客得益。反對意見認為合併搞倒冇晒競爭,造成壟斷,打爛員工飯碗,製造失業。

背景[編輯]

2000年,政府邀請咗地鐵有限公司同埋九廣鐵路公司《鐵路發展策略2000》裏面規劃咗嘅鐵路項目投標。其中沙中線嘅競爭係最激烈嘅,同時希望加入新鐵路公司作出競爭,嚟減輕貴嘅地鐵過海車費同埋九鐵畢架山隧道車費。

2002年,政府將沙中線經營權批咗畀九廣鐵路公司,由於市民認為地鐵同埋九鐵嘅沙中線都有啲好嘅地方,使到九鐵就沙中線轉車問題展開咗研究。同時,有啲投資者因為已經上市嘅地鐵公司唔能夠取得呢條重要嘅路線而擔心佢嘅前景,甚至擔心宜家完全由地鐵獨家經營嘅過海鐵路業務會被蠶食。呢個講法俾人變成認為九鐵公司嘅沙中線會浪費資源嘅意見,或者認為會造成惡性競爭[1]兩鐵合併嘅講法就係咁樣開始嘅。

參考[編輯]

  1. 建聯網站 - 馬力 - 兩鐵合併 免地鐵阻撓沙中線. 原著喺2005年3月10號歸檔. 喺2007年4月28號搵到.

睇埋[編輯]