楊啟彥

出自維基百科,自由嘅百科全書
楊啟彥
出生日1941年1月6號 喺Wikidata改呢個
死亡日2007年2月8號 喺Wikidata改呢個 (66歲)
母校香港大學 喺Wikidata改呢個
職業政務職系 喺Wikidata改呢個

楊啟彥GBSCBEJP1941年2007年2月8號)係香港政府前官員,做過九廣鐵路公司主席行政總裁香港出世。

學歷[編輯]

楊啟彥中學喺拔萃男書院讀書,1957年參加會考,1959年中七畢業,攞到香港大學英皇愛德華七世獎學金入去香港大學歷史系,1962年畢業。

工作[編輯]

政府工作[編輯]

大學畢業之後,楊啟彥喺1962年香港政府做嘢,前後做咗公務員超過30年。早期,佢做政務主任,1963年做助理華民政務司,之後曾經被調去多個唔同嘅職位,1971年升做高級政務主任,1973年升做首長級丙級政務官,1978年升做首長級乙級政務官。1991年,佢成為第一位華人庫務司,1993年又調任運輸司,直至到去1994年以司級政務官嘅身份退休。

職銜[編輯]

九廣鐵路主席[編輯]

退休之後,楊啟彥曾經喺私人機構信和集團做嘢,1996年12月,政府委任楊啟彥做九廣鐵路公司主席同埋行政總裁,之後,俾傳媒揭發楊啟彥將九鐵公司變做「獨立王國」,加上揭發西鐵西門子事件,令到政府下決心整頓九鐵公司嘅管理同營運。2001年12月,政府委任田北辰做九廣鐵路公司主席,楊啟彥就繼續擔任行政總裁。田北辰同楊啟彥都係喺拔萃男書院畢業,田北辰係佢嘅師弟,喺記者會上,楊啟彥話田北辰係佢嘅好朋友,但係田北辰當住佢面回應:「希望你唔好介意,我哋唔係好好嘅朋友」,令到場面尷尬。田北辰亦都曾經喺立法會會議上,批評楊啟彥同其他九鐵管理層「有傲氣」。2003年,政府唔同楊啟彥續約,楊啟彥淨噃職業訓練局主席一項職務。

特首曾蔭權曾經講過楊啟彥喺任內,積極發展九鐵網絡,並且成功向世界各地嘅財團集資興建九鐵新支綫。

個人生活[編輯]

健康問題[編輯]

楊啟彥患有心臟病腎病,2003年接受過俗稱「通波仔」嘅心臟手術,唔做九鐵之後身體狀況轉差,2006年初曾經去北京進行換腎手術,2006年9月中曾經喺瑪麗醫院深切治療部治療,並且向職訓局請病假。

楊啟彥最終喺香港時間2007年2月8號晚黑8點07分因肺炎引致嘅併發症喺香港瑪麗醫院過身,終年66歲。

屋企[編輯]

楊啟彥老婆係劉詠霜,兩人有一仔一女,都已經大學畢業。

其他公職[編輯]

榮譽[編輯]

參考資料[編輯]

出面網頁[編輯]

  • 楊啟彥喺Freebase嘅資料 改維基數據
  • 港特別行政區立法會 - 議員資料庫 (繁體中文). 香港特別行政區立法會.