Template talk:大中華區鐵路
呢個模係唔係應該要包埋台港澳在內嘅鐵路？唔係嘅話呢個模係咪應該要搬去另一個名，好似Template:中華人民共和國鐵路等。Shinjiman ⇔ ♨ 2015年1月29號 (四) 00:58 (UTC)
- 其實呢個模有包港澳嘅，廣九鐵路就係一例，至於香港、澳門其他鐵路（唔包地鐵嗰啲），歡迎再加。不過傾到臺灣，噉確實係個問題，皆因「中國」呢個名各人有各人解，有啲人解做「中華民國」就話嗟（中華民國法理版圖仲包埋家下蒙古國），有啲人解做「中華人民共和國」就有得詏。因爲呢個模我係照抄中文嗰邊嘅原碼再自己整理嘅，所以好多嘢要之後開文章時逐一修正。我認爲呢個模應該要包臺灣嘅，所以我建議不如搬做 「Template:大中華區鐵路」 噉樣，照顧兩邊。--S7w4j9 (傾偈) 2015年1月29號 (四) 10:50 (UTC)
- 我諗住整理好個原碼之後再來修整。抬頭嗰度嘅「中國鐵路綫」改成「大中華區鐵路綫」，然後分成三大欄目：中國大陸、港澳、臺灣噉樣。點呢？--S7w4j9 (傾偈) 2015年1月29號 (四) 10:58 (UTC)
個模真係超長，甚至比起一篇正文重要長，放落任何一篇文度都實會嚇親人。以個模嘅篇幅，好應該獨立成一篇一覽表，而唔係一個模。--Jason6698 (傾偈) 2015年1月29號 (四) 14:39 (UTC)
- 我唔讚成。之所以顯得長，係因爲用咗粵拼分類。呢個模本身個原碼來自中文維基嘅，中文嗰邊完全按普通話拼音來排序分類，但係佢無似我噉續行隔開，所以顯得短過粵版嘅，不過我認爲中文版嘅缺陷在於，物質質噉，真係唔方便查，更何況粵維理所當然採用嘅粵拼唔係所有廣東人都熟悉，所以點都要喺頭度落拼音嘅。
- 個模長，無計嘎，中國鐵路里程世界第二，鬼叫你國家咁大咩，鐵路緊係多嘎。中國咁多鐵路，相對應嘅文章都應該有個模來互相聯絡，所以我認爲個模再誇張，都唔廢得。
- 我都覺得個模長得交關，誇得滯，不如寫過啲原碼，拉開咗個模後，按A─Z來分成若干嘅細模，噉樣應該順眼好多。技術唔係問題，我亦都識寫，如果贊同，我可以再寫嘅。--S7w4j9 (傾偈) 2015年1月29號 (四) 14:57 (UTC)
- 個模咁長，如果想留住模嘅形式，拆就一定要。之不過與其跟拼音分，點解唔考慮用政區分？三十幾個一級政區，每個政區有自己嘅鐵路模，到時每個模大極有限，缺點就係跨幾個省嘅鐵路線就會喺幾個模重覆出現（除非只計起點站同終點站，唔計途經地方）。--Jason6698 (傾偈) 2015年1月29號 (四) 15:34 (UTC)
- 我認爲按政區分嘅缺陷比較大：
- 一，係你講嘅「跨省鐵路」，跨省鐵路非常之多，呢類嘅鐵路肯定唔少；
- 二，按省區分，未必「大極有限」。中國咁鬼大，唔同地方嘅發展狀況都唔同，有啲地方，似西藏，鐵路仲少過貓鬚，而有啲省份，比如長三角嗰三個省市，鐵路網好密集，齋係上海就已經係中國嘅鐵路中心之一，所以抵佢發達嘅，而且呢啲地方路通財通，鐵路無理由就通自己唔通人度，同樣都有跨省鐵路問題。
- 三，中國之大，唔係個個地方嘅名都爲大眾所知，可能一個人佢聽講過某條鐵路名，但佢未必清楚條鐵路邊度到邊度，如果按省分，噉可能個人要抄渾各個省來睇喇，比如濱北鐵路，可能佢就估唔到，濱指哈爾濱，北指北安，而以爲濱指濱州，北指北京噉樣。
- 所以我認爲仲係按拼音分會方便啲。起碼望住字母，大概都估到自己想搵嘅係邊組。--S7w4j9 (傾偈) 2015年1月29號 (四) 16:07 (UTC)
- 我始終都係覺得，做索引方便人搵嘅工作，應該係由一覽表做嘅。其實我都留意到，粵維一路都唔重視一覽表，譬如近百個語言收錄嘅en:List of national capitals in alphabetical order，粵維就唔見影。人地係唔會將全世界所有首都放晒落同一個模度，而係正正經經整個一覽表方便人查。--Jason6698 (傾偈) 2015年2月14號 (六) 12:24 (UTC)
- 表有表嘅作用，模有模嘅用處。唔講其他咁遠，鐵路類文章係應該有個模互相串起，模嘅作用就喺呢度。模同表可以並存。講開又講，既然模同表可以並存，噉表嘅價値我認爲在於內容多過模，因爲模係方便讀者去睇埋啲系列文章，將啲嘢列出就得；但係表獨立成篇，係應該包含更多嘅嘢。所以我嘅諗法就係，列曬啲嘢就算嘅一覽不過係㹃㹃流（fe4 fe4 lau4）嘅一覽，不如無做，變到同模差唔多。講到呢層我就覺得中文版有好多一覽做得幾㹃流，同樣都係三國人物一覽，中文版同越南版真係差天共地。中文嗰邊都尚且如此，更何況人少好多嘅粵維？呢個「唔重視」係有現實限制㗎，我自己做三國一覽，做到我身水身汗眼花花，呢啲細緻嘅工作任何社群都係無幾人去做。何況，粵維嘅增長向來都係某個戶口突然入來開一大堆，幾句話一篇，連善後都無，點強求粵維重視呢樣重視嗰樣呢？--S7w4j9 (傾偈) 2015年2月14號 (六) 14:08 (UTC)
- 我始終都係覺得，做索引方便人搵嘅工作，應該係由一覽表做嘅。其實我都留意到，粵維一路都唔重視一覽表，譬如近百個語言收錄嘅en:List of national capitals in alphabetical order，粵維就唔見影。人地係唔會將全世界所有首都放晒落同一個模度，而係正正經經整個一覽表方便人查。--Jason6698 (傾偈) 2015年2月14號 (六) 12:24 (UTC)
- 個模咁長，如果想留住模嘅形式，拆就一定要。之不過與其跟拼音分，點解唔考慮用政區分？三十幾個一級政區，每個政區有自己嘅鐵路模，到時每個模大極有限，缺點就係跨幾個省嘅鐵路線就會喺幾個模重覆出現（除非只計起點站同終點站，唔計途經地方）。--Jason6698 (傾偈) 2015年1月29號 (四) 15:34 (UTC)
傾下改模時嘅港臺內容
[編輯]而家想傾下大中華鐵路模嘅港臺部份。中國大陸嘅鐵路就此上面講嘅，拆成A─Z、外加主幹綫同埋國際鐵路。噉香港嘅部份（澳門無鐵路，即將起嘅係捷運/地鐵系統），查過就得九鐵嗟，諗住安排嘅內容：東鐵、西鐵、馬鐵、輕鐵四條綫。而臺灣部份，分成六部份：西部幹線、東部幹線、南迴線、客運支線、貨運支線、產業輕鐵，再喺各部份列出各條綫路。--S7w4j9 (傾偈) 2015年2月5號 (四) 10:49 (UTC)