粵漢鐵路
粵漢鐵路（Canton-Hankow Railway）係中國一條鐵路，由廣東省城，即係廣州，去到湖北武昌，即係漢口對岸。粵漢鐵路喺大清時就動工，要到民國時期先完成。後尾1957年起咗武漢長江大橋，同京漢鐵路（初叫盧漢鐵路，亦曾叫平漢鐵路）接軌，就夾埋叫京廣鐵路。
史
[編輯]大清時，決定起盧漢鐵路先，其次先係粵漢鐵路同蘇滬鐵路。中日甲午戰爭後，各國為咗自身利益，都爭住喺中國起鐵路，獨英國無份。而英人見到咁，有香港，都想喺廣東起鐵路，通去上海。而朝廷戰畧閣係，光緒年間決定自建鐵路，唔好畀英人控制呢條南命脈，所以粵漢重要度提高，同盧漢係一齊起[1]。
粵漢鐵路初時諗住由湖北入江西，然後入廣東。之但係太兜路，最後改為行湖南嘅郴州、永州、衡州、長沙[1]。
粵漢鐵路由官方鐵路公司搞，由盛宣懷督辦，同美國借錢起。當時駐美使伍廷芳與合興公司議借美金四千萬，望五年搞掂。美以畢來斯司路事，起粵三水，築路十五里，用咗過二百萬。畢來斯死，工事都停埋，而美股多賣咗畀比利時。湖北總督張之洞就認為，比利時已經有份搞盧漢鐵路，粵漢鐵路都畀埋佢，就唔合乎國利，主張廢美約。湖南都幫口，朝廷改命張之洞妥籌辦理。宣懷盛想阻都無用。張之洞叫駐美使梁誠同合興公司傾，年餘始定，借英金一百十萬鎊贖回[1]。
廣東、湖南、湖北三省，公設路局喺湖北，籌款築路，各自為之。湖南以袁樹勳為總理，廣東有三人爭做商辦，就係內閣侍讀梁慶桂、道員黎國廉同粵督岑春煊爭粵路商辦。最後被劾奪官。朝廷命人去查，無耐起返二人原官。而路就由官督商辦，旬日集股數達四千萬蚊，以鄭官應為總理。之不過因粵漢鐵路，粵人集股為最多，大家鬥得太勁。總理成日換，路工亦都停滯。大學士張之洞督辦粵漢鐵路，統一處理，都搞唔掂。嘥咗七年，都未起好[1]。
後尾張之洞死咗，宣懷盛想將鐵路收歸國有，同英、德、法三國借款。不過咁搞，廣東同湖南人就好唔妥咁做，會有損佢哋利益，上疏反抗。其實同期川漢鐵路，喺四川咁做法，經已搞到暴動，民間有保路運動，殺恐官員[1]，辛亥革命之時，四川就宣佈獨立。即係話，咁樣做法，引致民間轉軚支持革命黨，導致大清國亡。
粵漢鐵路於1900年7月動工，1936年4月起成。
路綫
[編輯]粵漢鐵路分南中北三段。
南段喺廣東由廣州西逕三水，轉北入清遠、英德、曲江到樂昌，同湖南興甯路段相接[2]。
中段喺湖南。北段喺湖北。