跳去內容

何維栢

出自維基百科,自由嘅百科全書

何維柏係一位明朝嘅學者同政治人,鄉下係廣東廣州府三水縣( 有地方誌話係南海縣)。佢最先係喺明朝嘉靖拾肆年(1535年)做咗進士[1][2],跟住後尾做官做咗大理寺嘅少卿。佢係一位好忠直嘅大臣,曾經彈劾過犯貪污嘅嚴嵩[3]。

到萬曆五年(1577年),佢得罪咗當時做緊宰相嘅張居正,所以畀佢罷免咗,唯有返去廣州河南度講書,將書院改名做「天山草堂」[4]。何生辛苦咁講書講咗好多年,而且好成功,學生有一半通過科舉,而且有十幾個仲好似佢咁做埋進士。到佢過身之後,鄉人為咗紀念何維柏嘅功勞,所以就喺小港橋執邊起咗座石牌坊,刻住雲桂發祥[5]。

攷

[編輯]
  1. ↑ 張朝瑞。《《皇明貢舉考》卷五》。《續修四庫全書》史部第828冊。
  2. ↑ 魯小俊,江俊偉著 (2009)。《貢舉志五種 上》。武漢:武漢大學出版社。ISBN 978-7-307-07043-1。
  3. ↑ 明實錄:世宗實錄 ,201卷
  4. ↑ 雲桂橋 互聯網檔案館嘅歸檔,歸檔日期2018年4月16號,. 中國橋梁網 2011-07-20
  5. ↑ 小橋流水 互聯網檔案館嘅歸檔,歸檔日期2018年4月17號,. 廣州圖書館 2008-12-28