小港橋

出自維基百科,自由嘅百科全書
Jump to navigation Jump to search
雲桂橋
廣州市文物保護單位
WanGwaiKiu.jpg
喺邊 海珠區
古建築
時代 明朝
4-16
登錄 1993年

小港橋粵拼siu2 gong2 kiu4),又叫雲桂橋wan4 gwai3 kiu4)、鴨知橋[1]aap3 zi1 kiu4)、尚書橋soeng6 syu1 kiu4),架喺廣州河南馬涌上高,北連小港,南接瑤頭,同南邊嘅石馬崗組成瑤溪二十四景嘅「石馬帆影」。道橋而家喺海珠區曉港公園入面。1993年,被定為廣州市文物保護單位[2]

歷史[編輯]

小港橋初頭係木橋。明朝萬曆十年(1582年[3]禮部尚書何維柏改成石橋[4]。小港橋頭起一石牌坊,刻「雲桂發祥」,所以亦叫「雲桂橋」[5]清朝康熙十七年(1678年),小港橋同是岸寺一齊復修[6]嘉慶八年(1803年),小港村父老鄉親同龍溪潘有度倡議重修小港橋[7]宣統三年(1911年),又試重修[4]

形制[編輯]

小港橋係三孔石樑橋,用花崗岩砌成。長34.86米,橋面闊3.4米,兩邊石級有38級,橋面兩邊棟石橋欄,有8碌望柱。橋墩砌分水尖。橋中間個窿上高兩邊石樑刻住「雲桂」兩隻字[2]。造型古雅精巧。

[編輯]

  1. 梁鼎芬 (1954). 欵紅樓詞. 儀清室叢書. 
  2. 2.0 2.1 "雲桂橋". 廣州市文化廣電新聞出版局(版權局). 喺2015年12月11號搵到. 
  3. 冼玉清. 何維柏與天山草堂. 嶺南學報 第十一卷第一期. 
  4. 4.0 4.1 "寂寥古橋:廣州城的「青春」記憶". 廣州日報. 2013年5月18號. 喺2015年12月11號搵到. 
  5. "雲桂橋 歷史路橋". 中國橋樑網. 2011年7月20號. 喺2015年12月11號搵到. 
  6. 吳興祚 (1690). 鼎建小港是岸庵記. 小港是岸庵內. 
  7. 謝蘭生 (1805). 增修關帝古廟碑記. 小港關帝廟門外.