瑤溪二十四景
瑤溪二十四景[註 1]，係清朝同民國初時，廣州河南嘅瑤溪[註 2]同馬涌兩岸嘅景致[1]，最初係由清朝名士劉彤提出[2]。隨住城市化對傳統事物嘅侵蝕，瑤溪流域嘅石崗、茶田、舊書院逐漸無嗮，而今得返石馬帆影、瑤津觀潮同利橋待月三景[註 3][3]。
瑤溪二十四景一覽
[編輯]根據清朝道光年間劉彤《瑤溪二十四景詩》、光緒年間楊永衍《瑤溪二十四景雜詠》同民國黃錫凌《瑤溪二十四景尋蹤錄》，有下邊「二十四景」[1][4]：
| 景名 | 地名 | 個位 |
|---|---|---|
| 石馬帆影 | 石馬崗 | 小港橋同小港涌邊 |
| 利橋待月 | 待月橋 | 南村、隔山之間[5]，家陣搬咗去西邊幾百米以外 |
| 松徑虬吟 | 吟虬徑 | 待月橋東邊一兩里長嘅石板路 |
| 樟坪流鶯 | 樟坪 | 馬涌東岸，隔山新街、懷德大街一帶 |
| 獨廈榕蔭 | 獨榕廈 | 馬涌東岸，隔山新街、懷德大街一帶 |
| 茗居聽秋 | 聽秋居 | 馬涌東岸，隔山新街、懷德大街一帶 |
| 桃岸蒸霞 | 蒸霞岸 | 待月橋南邊 |
| 石岡雙榕 | 石岡 | 家陣昌崗路同江南大道交界一帶 |
| 茶市晨曦 | 茶市 | 石岡西麓 |
| 棉道紅雲 | 十丈紅棉道 | 隔山大街、南昌大街一帶 |
| 勞亭聽雨 | 勞農亭 | 紅棉道向北轉 |
| 茶田春曉 | 茶田 | 瑤頭南邊 |
| 雙洲書聲 | 雙洲書院 | 矮崗一帶，家陣禮崗路 |
| 硯池墨香 | 滌硯池 | 雙洲書院前邊 |
| 奇池泉湧 | 泉中泉 | 滌硯池入邊 |
| 畫坡雲林 | 雲林畫意坡 | 雙洲書院南面嘅山坡 |
| 鹽閘來鷗 | 來鷗閘 | 待月橋南邊 |
| 鑒空雲靜 | 鑒空處 | 家陣江南新村靠涌一帶 |
| 山房人外 | 人外山房 | 懷德對涌街附近 |
| 茶屋枕濤 | 枕濤屋 | 瑤溪西邊，瑤頭匯源大街側近 |
| 謔翠春晴 | 謔翠堤 | 石橋大街、西市附近 |
| 舟屋景融 | 景融軒 | 謔翠堤側邊嘅水上沙洲上高 |
| 渚壆藤花 | 藤花壆 | 舟屋塢上高 |
| 瑤津觀潮 | 合流津 | 馬涌流域各支流匯合處，馬涌橋四圍 |
註
[編輯]攷
[編輯]- 1 2 陳建華 等編 (2008)。《廣州市文物普查彙編·海珠區卷》。廣州：廣州出版社。ISBN 978-7-80731-659-6。
- ↑ 〈瑤溪二十四景遺址〉。海珠區檔案公眾信息網。2009年10月23號。原著喺2016年1月2號歸檔。喺2015年11月27號搵到。
- ↑ 田飛、李果 (2012)。《尋城記·廣州》。北京：商務印書館。頁 260-261。ISBN 9787100090001。
- ↑ 黃任恆 (2012)。黃佛頤 (編)。《番禺河南小志》。廣州：廣東人民出版社。頁 30-33、36-39、75、79、83、87、102、117、125、 129-133。ISBN 978-7-218-07096-4。
- ↑ 李福泰、史澄、何若瑤 等編 (1871)。《（同治）番禺縣志·卷十八》。