廣州地鐵13號綫
 |
歷史
[編輯]規劃
[編輯]廣州試過以“穗深城際綫廣州聯絡綫”嘅名義偷步起首期路段。2009年10月29號到31號，穗深城際鐵路廣州段連接工程（13號綫首期工程）初步設計預審查會議喺廣州大廈召開，通過咗首期初步預審報告。不過後嚟呢個計劃被發改委駁回咗。
2012年7月11號，《廣州市新一輪城市軌道交通建設規劃（2012~2016）》獲得國家發改委批復，13號綫首期喺埋入邊。7月25號，中鐵第四勘察設計院開始公示首期工程（魚珠-象頸嶺）環境影響報告。到咗2013年12月20號，13號綫首期工程可行性報告獲得批復，可以正式開工。
2015年尾，廣州地鐵提出調整13號綫首期為天河公園～象頸嶺，但呢個“偷跑方案”俾國家發改委駁回咗。
2017年初，廣州將13號綫二期同其他9條綫路打包成為第三期建設規劃，上報俾國家發改委。到咗3月20號，廣州地鐵第三期建設規劃獲得國家發改委批復，13號綫二期喺埋入邊。[1]
2017年3月23號，13號綫二期進行咗第一次環評公示。[2]4月26號，綫路進行咗第二次環評公示。公示期間，民間傳出咗增加廣醫站嘅呼聲。[3]
施工
[編輯]- 2010年10月，新塘站開始圍蔽。
- 2012年5月5號，新塘站率先動工。
- 2012年7月25號，中鐵第四勘察設計院開始公示首期工程（魚珠-象頸嶺）環境影響報告。
- 2013年12月10號，首個盾構區間（新塘到官湖區間31#～32#）盾構始發。
- 2013年12月20號，13號綫首期工程可行性報告獲得批復，可以正式開工。
- 2015年3月28號，白江站（原東洲站）封頂，成爲全綫第一個封頂嘅車站。
- 2015年4月15號，最後一個車站夏園動工。但冇耐後因多次安全事故一再停工，直到2015年11月先恢復正常施工。
- 2015年10月8號，中車大連同廣州地鐵簽訂合同，為13號綫首期製作17列8節編組A型列車。
- 2015年10月28號，新塘站封頂。
- 2015年12月26號，沙村站（原溫涌路站）封頂。
- 2016年5月30號，東洲～新塘雙綫貫通。
- 2016年5月31號，南海神廟站（原廟頭站）封頂。
- 2016年6月24號，南崗～溫涌路區間雙綫貫通。
- 2016年6月29號，13號綫首期與知識城綫開始機電工程招標。
- 2016年7月18號，官湖出入段綫雙綫貫通。
- 2016年8月8號，豐樂南～文園區間雙綫貫通。
- 2016年8月30號，官湖站封頂。
- 2016年10月18號，最後一部盾構機響象頸嶺－官湖區間左綫始發。[4]
- 2016年10月20號，13號綫開始鋪軌。[5]
- 2016年11月30號，雙崗站(原文園站)封頂。[6]
- 2016年12月3號，魚珠站封頂。
- 2016年12月8號，南夏盾構區間雙向貫通。
- 2016年12月19號，魚豐區間雙綫貫通。
- 2016年12月31號，裕豐圍站（原豐樂南站）站封頂。
- 2017年1月18號，新沙站（原象頸嶺站）封頂。
- 2017年1月19號，夏園站封頂。
- 2017年2月10號，文廟區間雙綫貫通。[7]
- 2017年2月28號，南崗站封頂。[8]至此，13號綫首期全部車站都實現咗封頂。
- 2017年3月15號，官湖-象頸嶺區間雙綫貫通。
- 2017年4月7號，市地名普查網掛出公告，擬將原豐樂南站、文園站、廟頭站、溫涌路站、東洲站、象頸嶺站分別改名為裕豐圍站、雙崗站、南海神廟站、沙村站、白江站、新沙站。
- 2017年5月18號上晝，13號綫首批列車喺中車大連旅順基地交付廣州地鐵。
- 2017年5月23號，南崗~夏園區間左綫盾構機經過499日嘅艱苦掘進，卒之喺夏園站破墻而出。意味住首期全綫已經實現咗洞通。
營運
[編輯]- 2017年12月28號，一期部份（魚珠⇄新沙）正式開通。
- 2025年9月29號，二期首通段（天河公園⇆魚珠）正式開通。
綫路
[編輯]概況
[編輯]
13號綫（東西快綫）係廣州市重要嘅東西走廊，西起白雲區朝陽，經荔灣區、越秀區、天河區、黃埔區，最後到達增城區新塘鎮新沙，途經舊中軸、珠江新城同埋金融城等熱點地區。綫路全長約60.5km，共設34座車站，其中換乘站16座，平均站間距約1.83km，代表色係黃綠色。採用8輛A型列車。
走向
[編輯]目前線路由天河公園站引出，下穿天河公園之後線路轉向中山大道，在茅崗立交西側轉向南到達鱼珠站，出鱼珠站后轉向東行，沿海員路到達裕豐圍站後轉上黃埔東路，一路東行，下穿廣澳高速、夏園立交同埋廣深沿江高速後，喺黃埔東路新塘大道路口轉上新塘大道，下穿廣深高速後喺東江大道路口轉向北，下穿舊107國道後向東轉上新107國道，喺291縣道路口後設官湖站一路東行，下穿農田後到達新沙大道。
綫路全長36.9km，設置15座車站，其中近期換乘站5座。佢主要功能係對接穗莞深城際綫，加強東部地區同中心城區嘅聯繫。
- 二期係天河公園至朝陽段，主要沿黃埔大道、東風路、增槎路同槎神大道敷設，全長33.8km，新建23座車站。主要功能係同首期共同構建城市東西快綫，加強城市東西部區域同中心城區聯繫。
車站
[編輯]| 冧巴 | 站名 | 頭班車往新沙 | 頭班車往天河公園 | 尾班車去新沙 | 尾班車去天河公園 | 轉車路線 |
|---|---|---|---|---|---|---|
| 1320 | 天河公園站 | 6:03 | - | 23:05 | - | 11 21 |
| 1321 | 棠下站 | 6:05 | 6:27 | 23:07 | 23:10 | - |
| 1322 | 車陂站 | 6:07 | 6:24 | 23:10 | 23:07 | 4 |
| 1323 | 天河珠村站 | 6:11 | 6:21 | 23:14 | 23:04 | - |
| 1324 | 魚珠站 | 6:15 | 6:17 | 23:18 | 23:00 | 5 |
| 1325 | 裕豐圍站 | 6:18 | 6:14 | 23:21 | 22:57 | 7 |
| 1326 | 雙崗站 | 6:20 | 6:11 | 23.24 | 22:54 | - |
| 1327 | 南海神廟站 | 6:24 | 6:08 | 23:27 | 22:51 | - |
| 1328 | 夏園站 | 6:08 | 6:19 | 23:30 | 22:49 | 5 |
| 1329 | 南崗站 | 6:10 | 6:16 | 23:34 | 22:45 | - |
| 1330 | 沙村站 | 6:14 | 6:11 | 23:38 | 22:41 | - |
| 1331 | 白江站 | 6:18 | 6:08 | 23:42 | 22:37 | - |
| 1332 | 新塘站 | 6:21 | 6:05 | 23:44 | 22:35 | - |
| 1333 | 官湖站 | 6:10 | 6:01 | 23:48 | 22:31 | - |
| 1334 | 新沙站 | - | 6:00 | - | 22:30 | - |
車輛段
[編輯]- 首期綫路喺官湖站南側設置官湖車輛段，官湖站係出入段綫嘅接軌站。
13號綫官湖車輛段與綜合基地喺13號綫綫路東端、官湖站嘅南側，段址喺新塘鎮官湖村同石下村境内，環城路（新107國道）、石新公路同新沙大道包住嘅地段，成個地段大致呈東西走向，總徵地面積約41.48公頃。官湖車輛段與綜合基地係廣州市軌道交通A型車嘅第二個大架修基地，設計停車能力係36列位、雙周檢/三月檢4列位、大/架修3列位、定修2列位、臨修、静調、吹掃及鏇輪綫各1列位。佢將會承擔11、13號綫嘅架大修任務。
- 二期喺慶豐站東側設凰崗停車場，喺魚珠西北側設魚珠停車場。
聯絡綫
[編輯]綫路喺新塘站設16號綫聯絡綫，喺魚珠停車場入邊設5號綫聯絡綫，喺天河公園站設11號綫聯絡綫，喺槎頭站設12號綫聯絡綫。
轉車站
[編輯]- 天河公園站：換乘11號綫同21號綫。
- 呢個站亦係21號綫嘅終點站，21號綫建設嗰陣已經同步建設咗部分車站。車站13號綫部分係一島兩側式車站，喺車站西端設換乘節點。同時該站亦會設有同11號綫嘅聯絡綫。
- 車陂站：換乘4號綫。
- 呢個站喺4號綫建設嗰陣未作預留，兩條綫只能夠實現平行站廳換乘。
- 魚珠站：轉5號綫。
- 呢個站喺5號綫建設時已作預留，為島側節點換乘，不過由於原先嘅預留結構淨係夠停6L列車，13號綫首期建設嗰陣將部分預留結構拆除重建咗。
- 裕豐圍站：轉7號綫。
- 呢個站喺建設時已經喺車站東端預留咗換乘節點。
- 夏園站：轉5號綫。
- 呢個站喺建設時預留平行站廳換乘條件。
新增轉車站
[編輯]- 馬場站：換乘19號綫。
- 冼村站：換乘18號綫。
- 花城廣場北站：可能通過連接體育西路站，實現同1號綫、3號綫嘅換乘。
- 農林下路站：可能通過連接區莊站，實現同5號綫、6號綫嘅換乘。
- 建設六馬路站：換乘12號綫。
- 呢個站係T形節點換乘站，兩條綫同步實施。
- 紀念堂站：換乘2號綫。
- 呢個站喺2號綫建設嗰陣未作預留，預計係L形站廳通道換乘。
- 彩虹橋站：換乘8號綫同11號綫。
- 呢個站喺8號綫建設嗰陣已作出相應預留。11號綫同13號綫為平行跨站台轉乘，8號綫同另外兩綫為節點換乘。
- 西場站：換乘5號綫。
- 呢個站喺5號綫建設嗰陣未作預留，係T形換乘，13號綫上跨5號綫，喺5號綫車站西面建設疊側式站台。5號綫站廳將會擴建同13號綫共用。
- 槎頭站：換乘12號綫。
- 呢個站係T形節點換乘站，兩條綫同步實施。
- 官湖站：同規劃緊嘅23號綫換乘，由於23號綫係遠期綫路，13號綫建設時未作預留，官方亦未將呢個站列入換乘站。預計為站廳換乘。
- 新塘站：同規劃緊嘅16號綫換乘，建設時已經預留，為平行跨站台轉乘，13號綫包夾16號綫。車站帶16號綫同埋13號綫嘅聯絡渡綫。
附屬設施
[編輯]- 綫路控制中心位於官湖車輛段內。
- 首期綫路喺夏園同新塘各新建主變電站一座。二期綫路喺彩虹橋同天河公園各新增一座主變電站，同8號綫、11號綫合建。
列車
[編輯]13號綫係廣州首條採用8卡編組A型車、列車最高設計時速爲100公里嘅地鐵。佢喺綫網規劃入邊嘅定位係東西向高運量骨幹綫。根據規劃部門嘅客流預測，13號綫首期開通後，初期日均客流量大概係22萬人次，而近期全綫開通後，日均客流量將達144萬人次。因此，經過綜合考慮，地鐵公司決定使用8卡編組A型列車，呢亦係廣州地鐵歷史上嘅第一次。
困難
[編輯]多處受阻
[編輯]即管大部分車站同區間嘅施工比較順利，但仍有一啲「硬骨頭」制約工期。
- 地質問題。13號綫首期穿過多處上軟下硬地層，非常影響盾構推進，施工方亦增加咗多處礦山法盾構空推段嚟應對呢種情況。譬如，夏南區間中間有大段嘅堅硬地層，原先計劃喺夏園立交前後、岩層最堅硬嘅路段設置幾百米長嘅空推段，無奈盾構機重未到達空推段就遇上硬岩，寸步難行，令到呢個區間成為咗制約全綫貫通嘅硬骨頭。地鐵公司一度要協調進度較快嘅四標跨標段支援呢個區間。後尾通過增加礦山法區間長度，施工方卒之令盾構機喺2017年初進入咗空推段。
- 重有其它個別站點受周邊居民嘅影響，冇辦法全面開展施工。譬如豐樂南到12#盾構井嘅左綫盾構，由於車站前邊嘅機關大院阻工，導致無法加固地層，直到7月18號先成功始發，比原計劃推遲咗成個月。地鐵公司正同各區及有關部門加強協調，加快解決制約工程嘅難點，努力按照原定建設目標推進工程。
註
[編輯]- ↑ 〈廣州地鐵第三期建設規劃獲批〉。原著喺2018年8月30號歸檔。喺2017年4月16號搵到。
- ↑ 〈廣州地鐵第三輪各新綫環評第一次公示〉。原著喺2020年3月16號歸檔。喺2017年4月16號搵到。
- ↑ 〈13號綫二期第二次環評公示〉。原著喺2020年3月16號歸檔。喺2017年5月5號搵到。
- ↑ 〈官新區間左綫始發〉。原著喺2020年3月16號歸檔。喺2016年10月18號搵到。
- ↑ 13號綫開始鋪軌[失咗效嘅鏈]
- ↑ 〈雙崗站封頂〉。原著喺2020年3月28號歸檔。喺2016年12月2號搵到。
- ↑ 文廟區間雙綫貫通[失咗效嘅鏈]
- ↑ 〈13號綫首期最後一座車站28號封頂〉。原著喺2017年3月2號歸檔。喺2017年3月3號搵到。
| |||||
