白江站

白江 Baijiang
白江站嘅中英文站名（月台吊牌入面）
概覽
冧巴	1308
位置	增城新塘廣深大道西近東江大道口東北角，假日花園南門口隔籬。（107國道嘅K2395+528標記位）
座標	23°07′19.39″N 113°35′42.00″E
車站色	+　焗漆柱
經過路線	13
啟站	2017年12月28號
月台數	1
站口數	4
營運資訊
車站服務時間	06:03～23:18
列車服務時間	06:08～23:13
廣州地鐵13號綫 新沙　◄新塘 （1km） （2.4km）沙村►　魚珠

白江站（粵拼：baak6 gong1 zaam6；英文：Baijiang Station），規劃期間嗌過東洲站（dung1 zau1 zaam6；Dongzhou Station），係廣州地鐵13號綫嘅車站，2017年12月28號開放，位置喺增城新塘廣深大道西近東江大道口東北角，假日花園南門口隔籬（107國道嘅K2395+528標記位）。

佢亦係廣州地鐵系統其一站內冇任何月台大字嘅車站。

結構

樓層

呢個站一共有2層樓嘅地下區域，其中地下1樓係站廳，有票務設施，客務中心同車站警務室；地下2樓係13號綫月台。雖然車站冇休息室，但廁所同母嬰室喺月台北邊。

打掂

地下 １樓	站廳	售票機、客服中心、車站警務室、安檢設施
地下 ２樓	2月台	← 13號綫列車去沙村站（行魚珠嗰邊）
	島式月台，開左邊門
	1月台	13號綫列車去新塘站（行新沙嗰邊） →

打橫

白江站嘅站廳

白江站嘅月台

柱上啲字

站廳

白江站嘅站廳收費區喺車站西邊，東邊係過街通道。收費區有好多部扶手電梯同樓梯、專用𨋢往返月台都得。

月台

呢個站有一個島式月台，喺廣深大道西近東江大道口東北角，假日花園南門口東邊隔籬地底。

另外，喺呢個站北邊有條存車線，若果13號綫東邊出現冬瓜豆腐嘅話，去新沙啲車都會攞呢度做總站，之後喺呢條存車線返轉頭。屆時去新塘、官湖、新沙啲乘客要轉其它交通工具先至可以到。

商舖同自助服務

呢個站冇商舖，但得臺自助服務。自助服務凈得部共享雨遮響度。

自助服務 共享雨遮

出入口

白江站冚唪唥嘅出入口
File:Exit B, Xiayuan Station, Guangzhou Metro.jpg B出入口 B出入口  File:Exit C, Xiayuan Station, Guangzhou Metro.jpg C出入口 C出入口  File:Exit D1, Xiayuan Station, Guangzhou Metro.jpg D1出入口 D1出入口  File:Exit D2, Xiayuan Station, Guangzhou Metro.jpg D2出入口 D2出入口

呢個站有4個出入口，分别係B、C同D1、D2。

冧巴	標記	方位	去到邊度
出入口B	廣深大道西		廣深大道西
出入口C	廣深大道西		廣深大道西
出入口D1	廣深大道西		廣深大道西、白江村巴士站（西行）、東方名都巴士站（西行）、新好景巴士站（西行）
出入口D2	廣深大道西		廣深大道西、白江村巴士站（東行）、東方名都巴士站（東行）、新好景巴士站（東行）
註： 有盲人引導徑 | 有輪椅升降臺 | 有斜道 | 有專用𨋢

頭尾班車信息同配線圖

配線圖
█ 13號綫 ▲沙村站
▼新塘站

行去邊頭	頭班車	尾班車
每日
13號綫
魚珠站	06:18	23:13
新沙站	06:08	22:38
注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。

車站歷史

規劃

呢個站喺1997年嘅廣州地鐵規劃入面出現，嗰時嘅3號綫規劃經過新塘一帶，不過2003年，雖然路線所經過地方保留咗，但路線名變成5號綫。隨後喺局部修改方案入面調轉咗兩條路線經過位，令路線經過所在地變成14號綫經過嘅地方，重喺廣深大道出現咗東洲站，位置大概喺而家東洲大道東邊200m嘅東方名都同埋盛世名門嗰兩個樓盤之間。2008年又將14號綫分拆成兩半，呢條路線輾轉成為13號綫一部分直到2012年先至將規劃定咗落嚟。後嚟因為車站周邊有好多開發商啲樓盤要爭地鐵出入口，令開工時間一拖再拖。

施工

2013年5月21號，車站正式喐手起，隨後施工進度一直都好順利，卒之喺2015年3月28號封頂。盾構方面，其中東洲⇄新塘之間嘅22號盾構井兩邊嘅隧道從2015年4月30號開挖，直到2016年5月30號先至雙綫貫通嗮；而温涌⇄東洲之間嘅24號豎井同25號盾構井，從2015年10月1號開挖，直到2016年10月5號先至雙綫貫通嗮。地鐵起好之後，施工原地搞咗個市民廣場出嚟。

2016年10月9號，增城區新塘鎮長向廣州市有關部門提出建議將呢個站改名，原因係呢個站附近係白江村。後嚟呢個建議俾廣州市民政局同意兼批准將工程名改成白江站

開通

2016年12月28號12:00，白江站連同13號綫一期段開通之後，車站亦正式開放。

山寨「東江站」嘅地鐵導向牌

2014年底，有好多喺車站附近啲樓盤為咗爭生意，居然飆出過「東江站」嘅流地鐵柱嚟整蠱市民。後嚟單嘢俾新聞媒體播報出街之後，廣州地鐵方相關人士亦出面解決呢單嘢，其中有個暫定名嘅東洲站（後嚟喺2016年10月9號改名做白江站），從嚟未搞過「東江站」。後嚟地鐵方警告商家希望自己拆走啲山寨地鐵導向柱，否則一旦發現即按侵權處理。

後嚟喺地鐵就快開通嗰時，重有幾嚿由商家自行整嘅「東江站」流地鐵柱響度嚟整蠱人。但係周邊樓盤凡係由商家整咗帶有「白江站」字樣嘅流地鐵柱都俾廣州地鐵方噴多咗藍底白邊嘅「」符號同「1308」嘅標識；而部份商家整咗帶有「東洲站」字樣嘅流地鐵柱都俾廣州地鐵方重新油成宋體嘅「白江站」三個字。

附近嘅建築同景區

小區

• 新都盛世名門
• 盛景苑
• 假日花園
• 東景華庭
• 金澤豪庭
• 豪進·山湖珺璟

市場

• 廣州港澳城
• 東寧建築裝飾材料城
• 紅年代傢俬

工廠

• 廣州市速創製衣廠

公園

• 荔枝山公園

運動場

• 名都會高爾夫練習場

上一站·下一站

上一站⇚⇚　　　　廣州地鐵　　　　⇛⇛下一站
新塘站 新沙站←	白江站 13號綫	沙村站 →魚珠站