珠江新城站

出自維基百科,自由嘅百科全書
Jump to navigation Jump to search
珠江新城
Zhujiang New Town
Characters -3 Zhujiang New Town.JPG
珠江新城站(3號綫)嘅站名
概覽
冧巴 310 513
位置 天河區華夏路花城大道嘅交界
座標 23°7′11.28″N 113°19′16.3″E / 23.1198000°N 113.321194°E / 23.1198000; 113.321194座標: 23°7′11.28″N 113°19′16.3″E / 23.1198000°N 113.321194°E / 23.1198000; 113.321194
車站色     
經過路線 3 5
啟站 3號綫:2005年12月26號
5號綫:2009年12月28號
月台 3
站口數 6
營運資訊
車站服務時間 06:07~23:51
列車服務時間 06:02~23:56
廣州地鐵3號綫
天河客運站 ◄體育西路 (1.3km) (1.6km)廣州塔► 番禺廣場
廣州地鐵5號綫
滘口 ◄五羊邨 (700m) (1.1km)獵德► 文沖

珠江新城站粵拼zyu1 gong1 san1 sing4 zaam6英文Zhujiang New Town Station)係廣州地鐵3號綫5號綫嘅轉乘站,喺天河區華夏路花城大道嘅交界。不過兩個月台嘅開放時間都唔同,其中3號綫範圍喺2005年12月26號開放,而5號綫範圍喺2009年12月28號開放。

結構[編輯]

樓層[編輯]

呢個站一共有3層樓嘅地下區域,其中地下1樓係站廳;地下2樓係3號綫嘅月台;地下3樓係5號綫嘅月台。同大多數3號綫5號綫車站一樣,既冇休息室,又冇廁所響度。

打掂[編輯]

地下一樓 站廳 站廳、售票機、客服中心
地下
二樓
緩衝樓 5號綫月台、站廳接埋一齊
2月臺 3號綫列車去體育西路站(行天河客運站 / 機場北嗰邊)
島式月台,開左邊門
1月臺 3號綫列車往廣州塔站(行番禺廣場嗰邊)
地下三樓 側式月台,開右邊門
4月臺 5號綫列車去五羊邨站(行滘口嗰邊)
3月臺 5號綫列車去獵德站(行文沖嗰邊)
側式月台,開右邊門

打橫[編輯]

珠江新城站嘅站廳
珠江新城站嘅3號綫月台
珠江新城站嘅5號綫月台
柱上啲字

站廳[編輯]

呢個站嘅站廳係個十字架共用站廳,其中3號綫成南北走向,5號綫成東西走向,都喺地下1樓。中間大多數部分都係免費區,同各出入口連埋一齊。商舖喺嗮站廳東邊嘅免費區入面。而收費區有好多部扶手電梯同樓梯、專用𨋢往返月台都得。

月台[編輯]

呢個站嘅3號綫有1個島式月台,而5號綫同樣都有1個側式月台,其中3號線喺華夏路嘅地底,而5號線嘅喺花城大道嘅地底。而5號綫嘅月臺雖然話睇落去好似喺唔同樓數噉,但佢哋係對向式側式月臺,就係兩個月臺之間俾棟牆完全隔開嗮。呢方面唔同其他地鐵站。但係柱上啲字同顏色都係一模一樣。

珠江新城站嘅月台全景
行機場南或天河客運站嗰邊,喺2014年7月15號影。
行文沖嗰邊,喺2014年7月15號影。

商鋪同自助服務[編輯]

而家嘅珠江新城站入面有好多唔同類嘅鋪頭畀乘客買嘢同埋食嘢,好似有便利檔、涼茶舖、麵包檔同洗衫舖、書店等。除咗洗衫舖喺5號綫站廳西邊嘅收費區入面之外,其它都喺嗮免費區入面。不過廣州地鐵入面規定咗車站入面唔畀飲食,所以餐檔係冇可能喺收費區入面。

另外,珠江新城站入面重有好多自助服務設施畀乘客用,包括咗自動櫃員機、自動販賣機、自動影相機同羊城通充值機等;重有可以充羊城通、交水電費同交通嘅罰錢、查地鐵嘅路線、頭尾班車同埋地鐵嘅安全指引同畀乘客登記做廣州地鐵薈嘅會員嚟查獎分、換獎品嘅服務。

商鋪
自助服務

出入口[編輯]

呢個站一共有6個出入口,分別係A1、A2、B1、B2同埋高德置地、富力盈凱呢啲地方嘅出入口。

冧巴 標記 去到邊度
出入口A1 華夏路 華夏路、華城路、華明路、花城大道黃埔大道、金穗路、華強路、廣州市婦女兒童醫療中心、君悅酒店、中國農業銀行廣東分行、維家思、星匯園、炳勝酒家、利雅灣、富力盈隆大廈、麗晶明珠、珠江廣場浦發銀行廣州分行、華成路口巴士站
出入口A2 花城大道 花城大道中、華穗路、檢察院、南方報社人民日報華南分社、華成路、廣州大道中、五羊新城、廣東外商活動中心、禮頓酒店、國門酒店、澳門街、至尊國際、廣州海關、南天廣場、遠洋大廈、二沙島、珠江賓館、平安銀行廣州分行、中國建設銀行、房地產交易中心、花城大道(華穗路口)巴士站
出入口B1 華夏路 華夏路、華利路、華就路、花城大道、臨江大道、廣州市政務服務中心、廣州市第二少年宮廣州市圖書館、三銀大廈、空中一號飯店、保利大廈、保利中心、海心沙、麗斯卡爾頓、利雅灣、六合家宴、信合大廈、中國人壽廣東省博物館廣州大劇院、澳洲駐廣州總領事館、美國駐廣州總領事館廣州農商銀行、南方電力大廈、浩瀚華軒、星辰大廈、珠江投資大廈、市政服務中心公交站
出入口B2 華夏路 名牌大廈、富力盈凱、珠江投資大廈、中國檢疫檢驗大廈、華夏銀行平安銀行廣州分行、花城大道(華穗路口)公交站
高德置地廣場專用出入口 高德置地廣場、花城廣場、廣州國際金融中心、華成路口巴士站、花城廣場西巴士總站
富力盈凱廣場專用出入口
註: 有盲人引導徑 | 有輪椅升降臺 | 出入口都喺同一層樓

車站歷史[編輯]

規劃[編輯]

呢個站最先喺1997年嘅《廣州市城市快速軌道交通綫網規劃研究(最終報告)》入面出現,嗰時條5號綫屬環綫,其中東邊部分(體育西路⇄客村)同3號綫東西走向路段咁啱經過呢個站,嗰時因為嚿地皮喺1992年定位做「珠江新城規劃區」而改名做珠江新城站。位置大概喺而家嗰度。後嚟喺2000同2003年份規劃方案將兩條路線對調兼兩邊延長到番禺到新白雲國際機場入面,原先環綫計劃取消咗,但轉車站點一樣冇變。

施工[編輯]

  • 3號綫:2001年12月26號正式喐手起,喺起緊車站期間預留咗兩個側式月台嚟方便轉車,工程直到2005年底起好。
  • 5號綫:2004年11月正式喐手起,起緊車站期間用咗佢事先預留咗嘅兩個側式月台結構。

開通[編輯]

2005年12月26號,3號綫首通段(廣州東站⇄客村)正式開通,期間凈開咗地下1樓區域,而地下2樓重係個工地直到2009年12月初為止。喺2009年12月29號,由於5號綫正式開通,地下2樓區域亦正式開埋。喺5號綫開通嗰日上晝,車站亦搞過開通儀式[1]

商舖、自助服務[編輯]

之前嘅羊城通同廣州地鐵嘅客户服務中心都響呢個站入面,不過佢哋喺2012年就閂咗檔。而家淨得返一間便利舖喺度。

出入口[編輯]

喺開通無耐,嗰時珠江新城重係笪工地,期間呢個站凈得B1同B2呢兩個出入口,A出入口附近重未開通。後嚟因為珠江新城嘅發展,凈低嘅A出入口喺2006年12月27號嘅3號綫全綫開嗮先至開通。喺2009年嘅5號綫開通咗之後,呢個站又多咗一個去高德置地廣場入面嘅出入口。而凈低嗰個專用出入口喺2014年5月中先至開埋。

利用狀況[編輯]

呢個站係地鐵3號綫5號綫嘅轉車車站,人流都好多下。車站主要係畀啲喺珠江新城上落班啲打工仔,有時都畀去花城廣場玩嘅人成日都嚟呢個站。喺呢個站開通無耐,由於周邊屬施工工地,所以車站人流好少[2],但喺2006年12月27號嘅3號綫開嗮之後,人流先至多起身。到咗2009年12月28號嘅5號綫開通咗之後,由於附近嘅花城廣場開咗而多咗好多人流,甚至重爆棚咁滯。喺2010年11月8號嘅APM綫開通咗之後,唔單止分流咗花城廣場同埋廣州少年宮(珠江新城分館)、廣州博物館嘅遊客等人,重分流咗部分用3號綫去呢個站度上班啲人。

喺上落班高峰期同旅遊高峰時節,呢個站各個出入口幾乎打嗮蛇餅咁滯。

附近嘅建築同景區[編輯]

車站附近景區:左邊張相係廣州國際金融中心,右邊張相係廣州周大福金融中心。

寫字樓[編輯]

政府部門[編輯]

  • 廣東檢驗檢疫大廈
  • 廣州海關

商場[編輯]

轉車須知[編輯]

如估地鐵嘅車到咗珠江新城站嘅話,喺落車之前嗰陣,請注意部列車嘅開門方向:

  • 3號綫部車向前行緊嘅方向左邊棟門落車。
  • 5號綫部車向前行緊嘅方向右邊棟門落車。

[編輯]

  1. 1小时走全程淘金站人最多
  2. "上班高峰林和西地铁站挤满人". (原先內容喺2011年2月8號歸檔). 喺2017年12月2號搵到. 

上一站·下一站[編輯]

上一站⇚⇚    廣州地鐵    ⇛⇛下一站
體育西路站
天河客運站
珠江新城站
3號綫
廣州塔站
番禺廣場站
五羊邨站
滘口站
珠江新城站
5號綫
獵德站
文沖站