黃花崗站

黃花崗 Huanghuagang
黃花崗站嘅站名
概覽
車站代碼	616
位置	越秀區先烈中路嘅科苑路口附近
座標	23°8′24.61″N 113°17′55.5″E
車站色
經過路線	6
啟站	2013年12月28號
月台數	1
站口數	2
營運資訊
車站服務時間	06:12-23:36
列車服務時間	06:07-23:31
廣州地鐵6號綫 潯峰崗站　◄區莊站 沙河頂站►　香雪站

黃花崗站（粵拼：wong4 faa1 gong1 zaam6；英文：Huanghuagang Station）係廣州地鐵6號綫嘅車站，2013年12月28號開通，位置喺越秀區先烈中路嘅科苑路口附近。

結構

樓層

垂直結構

地面	北站廳	B出入口、站廳、售票機、客服中心、文化藝術牆
	南站廳	A出入口、站廳、售票機、客服中心
地下 一樓	設備區	緩衝平臺、車站設備
地下 二樓	設備區	緩衝平臺、車站設備
地下 三樓	2月台	←6號綫列車去區莊站（行潯峰崗嗰邊）
	島式月台，開左邊門
	1月台	6號綫列車去沙河頂站（行香雪嗰邊）→

水平結構

黃花崗站嘅北站廳

黃花崗站嘅站台

站廳

呢個站係分開咗南北兩個站廳，而且兩個站廳嘅免費區係冇連埋一齊嘅。各地面站廳有售票機同客服中心，收費區入面有好多部專用𨋢、扶手電梯同樓梯往返月台嗰邊。由於站廳同地底嘅緩衝平台之間嘅位有限，所以唔理佢喺收費區定免費區入面都冇商舖響度。而呢個站嘅廁所喺南站廳嘅收費區入面，緩衝平台嗰度。

月台

呢個站有1個分離島式月台，喺先烈中路嘅地底。

出入口

黃花崗站嘅A出入口

黃花崗站嘅B出入口，喺人行天橋頂度影。

呢個站有2個出入口，分別係A同B。

編號	標記	去到邊度
出入口A	先烈中路（東行）	先烈中路、銀翔路、雲鶴北街、中科院廣州分院、廣東省科學院、黃花崗(東行)巴士站、動物園巴士總站
出入口B	先烈中路（西行）	先烈中路、科苑東路、科苑西路、太和崗路、黃花崗七十二烈士墓、廣東省地震局、黃花崗(西行)巴士站
註： 有盲人引導徑 | 有輪椅升降臺 | 出入口都喺同一層樓

頭尾班車信息同配線圖

配線圖
█ 6號綫 ▲沙河頂站
▼區莊站

行去邊頭	頭班車	尾班車
每日
6號綫
潯峰崗站
香雪站
注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。

車站歷史

2008年8月6號，車站重喺度起緊。

規劃

1997年，嗰時嘅《廣州市城市快速軌道交通線網規劃研究（最終報告）》話7號綫有黃花崗站，位置大概喺而家嘅位，直到2003年轉成6號綫嘅手頭，位置一樣冇變到。

施工

2007年7月，車站正式動工。原先計劃揀喺先烈中路81號大院75號樓南邊，但由於75號樓啲居民聯名上書抗議反對喺大院附近起車站，加上間大樓係1980年代設計嘅住宅樓，從而被逼停工而重新揀咗原位東北邊200m嘅位動工。雖然一期工程喺2012年5月起好嗮，但呢個站重喺度起緊。

營運

自從6號綫喺2013年12月28號開通之後，車站正式開放。開通第二日因行長湴嗰邊嘅月台北邊爆水管而漏水，令部分去長湴啲列車唔停呢個站而影響成半個鐘營運時間，但隨後恢復正常。

利用狀況

由於呢個站係畀周邊嘅居民嚟上落，所以喺呢個站上落車啲人都係住喺呢個站附近啲居民同隔離嘅科學院上落班啲人。除咗上落班同返放學嘅高峰時期之外，其他時間嘅人流都一般。

由於呢個站離廣州動物園正門有差唔多500米到，所以喺節假日有好多遊客嚟呢個站上落車。

9個重點站

黃花崗站嘅文化牆

黃花崗站嘅柱面裝飾

呢個站係6號綫嘅首期工程嘅九個文化站入面嘅其中一個文化站，喺呢個站嘅B出口附近整咗個主題係「浩氣長存」嘅文化藝術牆，佢嘅主要內容係黃花崗七十二烈士墓。而柱面裝飾嘅嘢講緊嘅都係文化藝術牆入面嘅嘢。

上一站·下一站

上一站⇚⇚　　　　廣州地鐵　　　　⇛⇛下一站
區莊站 潯峰崗站←	黃花崗站 6號綫	沙河頂站 →香雪站