西塱站

出自維基百科,自由嘅百科全書
西塱
Xilang
西塱站(1號綫)嘅站名
概覽
冧巴 101 GF18
位置 荔灣區花地大道中、花地大道南同埋廣中路嘅三叉路口之間
座標 23°3′54.78″N 113°13′55.34″E / 23.0652167°N 113.2320389°E / 23.0652167; 113.2320389座標: 23°3′54.78″N 113°13′55.34″E / 23.0652167°N 113.2320389°E / 23.0652167; 113.2320389
車站色 1號綫  
1號綫 
經過路線 1 1
啟站 廣州地鐵1號綫:1997年6月28號
佛山地鐵1號綫:2010年11月3號
月台 5
站口數 4
營運資訊
車站服務時間 06:05~23:20
列車服務時間 06:10~23:15
廣州地鐵1號綫
(1.5km)坑口► 廣州東站
佛山地鐵1號綫
新城東 ◄菊樹 (1.9km) (1.1km)鶴洞► 瀝滘

西塱站粵拼sai1 long5 zaam6英文Xilang Station),1997年6月28號~2018年10月26號期間嗌過西朗站[註 1],規劃初期嗌過廣中公路站gwong2 zung1 gong1 lou6 zaam6Guangzhong Road Station),後嚟規劃同施工期間嗌過廣鋼站gwong2 gong3 zaam6GISE Station),係廣州地鐵1號綫同埋佛山地鐵1號綫嘅轉車站,喺荔灣區花地大道中、花地大道南同埋鶴洞路嘅三叉路口之間。不過兩個月台嘅開放時間都唔同,其中廣州地鐵1號綫範圍喺1997年6月28號開放,而佛山地鐵1號綫範圍喺2010年11月3號開放。

佢既係廣州地鐵1號綫南邊終點站,又係廣州地鐵佛山地鐵兩鐵之間嘅第一個轉車站。佛山地鐵1號綫曾經喺2010年11月3號到2015年12月27號間既做過東邊尾站又做過佛山地鐵最東邊嘅車站身份。

不過佢又係佛山地鐵1號綫唯一唔用行楷字體嘅大字站名嘅車站。

結構[編輯]

樓層[編輯]

呢個站一共有3層樓嘅地上區域同2層樓嘅地下區域,其中地上3樓係辦公樓;地上2樓係廣州地鐵1號綫站廳,有票務設施,客務中心同商舖;地上1樓係1號綫月台;地下1樓係佛山地鐵1號綫站廳,有票務設施,客務中心同商舖;地下2樓係1號綫月台。佢同大多數嘅廣州地鐵1號綫佛山地鐵1號綫車站一樣,冇休息室、廁所同母嬰室。

打掂[編輯]

地上
三樓
辦公樓層 部門辦公室
地上
二樓
1號綫
站廳
自動售票機、客服中心、車站商舖、地鐵警務室、安檢設施
轉車扶梯/樓梯同佛山地鐵1號綫站廳接埋一齊
地面
側式月台,凈畀落車
1月台 廣州地鐵1號綫列車 去坑口站(行廣州東站嗰邊)
島式月台,凈畀上車
23月台 廣州地鐵1號綫列車 去坑口站(行廣州東站嗰邊)
島式月台,凈畀落車
45月台 廣州地鐵1號綫列車終點月台(返去車輛段)
地下
一樓
1號綫
站廳
自動售票機、客服中心、車站商舖、警務室、安檢設施
轉車扶梯/樓梯同廣州地鐵1號綫站廳接埋一齊
地下
二樓
7月台 佛山地鐵1號綫列車去菊樹站(行新城東嗰邊)
島式月台,開左邊門
6月台 佛山地鐵1號綫列車去鶴洞站(行瀝滘嗰邊)

打橫[編輯]

西塱站嘅廣州地鐵1號綫站廳
西塱站嘅廣州地鐵1號綫月台
柱上啲字(1號綫
西塱站嘅佛山地鐵1號綫站廳
西塱站嘅佛山地鐵1號綫月台
File:SaiLongZaam WORD on PILLAR for FSLine 1.jpg
柱上啲字(1號綫

站廳[編輯]

西塱站嘅站廳分有1號綫1號綫兩部分,其中1號綫喺地上2樓,而1號綫喺地下1樓,兩個站廳嘅免費區冇連埋一齊。而1號綫嘅免費區係半露天地域。部分商舖喺收費區入面,入面有專用𨋢、扶手電梯同樓梯往返月台。

月台[編輯]

呢個站嘅1號綫喺花地大道南西北邊冇幾遠嘅空地入面,有兩個島式月台同一個側式月台,重用咗站前折返形式。其中側式月臺同東邊嘅島式月台凈畀落車;而中間嘅島式月台凈畀上車。而1號綫嘅月台喺西朗車輛段東邊地皮嘅地底。

廣州地鐵1號綫

月台北邊冇幾遠係西塱車輛段,所以每日過咗客流高峰之後或晚黑最後一班車到咗總站之後,部份列車會退出營運。嗰啲車會入最西邊或中間條路軌,喺就快到站嗰時,車廂同月台會有廣播嗌乘客要即刻離開車廂,唔可以逗留。因為嗰啲車馬上返去西塱車輛段,而唔係繼續出車。

佛山地鐵1號綫

月台東邊有條雙存車線。喺西塱以東路段出現冬瓜豆腐時,列車將會喺呢個站返轉頭。屆時去廣鋼白鶴洞碼頭附近同沙園、燕子崗、工業大道南洛溪大橋北邊橋腳一帶、瀝滘嗰邊啲人要出站轉其它車先至得。喺2010年11月3號14:00~2015年12月27號晚黑最後一班車收車為止,列車會用呢條存車綫返轉頭。

商舖同自助服務[編輯]

而家西塱站入面有唔同類嘅鋪頭畀乘客買嘢同埋食嘢,1號綫嗰邊有便利檔、麵包檔同糖果舖等,而1號綫嗰邊淨得便利檔。

另外,西塱站入面重有好多自助服務設施畀乘客用,包括自動櫃員機同自動販賣機;重有睇地鐵嘅安全指引同畀乘客登記做廣州地鐵薈嘅會員嚟查獎分、換獎品嘅服務。

商舖
自助服務

出入口[編輯]

呢個站有5個出入口,分別係A、B、D、F,J。其中A同B出入口都喺同一個位置出入,而且廣州地鐵1號綫佛山地鐵1號綫嘅站廳免費區都唔相連。若果要往返呢兩個站廳嘅免費區,必須要經過怡康苑小區後邊條路口先至搵到。而且B同J兩個出入口之間相差約130m路程。

2017年11月14號開始實施嚴格安檢制度之後,除咗往返A同B出入口之間毋須接受安檢之外,其他出入口之間當成過街通道往返嘅話,都要人過安全門、物過X光機、液體過檢測儀。

冧巴 標記 方位 去到邊度
站廳(1號綫
出入口A 花地大道南
花地大道中、廣州地鐵建設事業總部、西塱巴士站、西塱巴士總站
出入口B 花地大道南
中北
花地大道中、廣州地鐵建設事業總部、西塱巴士站、西塱巴士總站
站廳(1號綫
出入口D 花地大道中
花地大道南、市一人民醫院鶴洞分院、花地大道中巴士站(北行)
出入口F 花地大道中
東南偏東
花地大道南、中海花灣一號、花地大道中巴士站(北行)、花地大道中巴士站(南行)、鶴洞路西巴士站(西行)
出入口J 花地大道
花地大道中、西塱巴士總站、西塱巴士站
註: 有盲人引導徑 | 有輪椅升降臺 | 𨋢

頭尾班車信息同配線圖[編輯]

配線圖

廣州地鐵1號綫

西塱車輛段▲
uCONTfa uCONTg@G leer leer leer leer uSTRf uSTRg
uSTR2
uSTRc3 leer leer leer uSTR uSTR
uSTRc1 uSTR2+4+c1
uSTRc3 leer leer uSTR uSTR
leer uSTRc1
uSTR2+4+c3 uSTRc3 ukSTRc2
uSTR3
leer leer uSTR+c1
uSTR+4 ukSTR+1 uSTR+1 uSTRc4
leer leer uSTR uSTR uABZg2 uABZg3 uSTR leer
leer leer uSTR uSTR uABZg+1 uABZg+4 uSTR leer
leer leer uSTR uABZg2 uABZg3 uSTR+c2 uABZg3 leer
leer leer uSTR uABZg+1 uABZg+4 uABZg+1 uSTR+c4 leer
leer leer uSTR uSTR uSTR uABZg2 uSTR+c3 leer
leer leer uSTR2 uSTR+c3 uSTR uSTR+c1 uABZg+4 leer
leer leer uSTRc1 uABZg+4 uSTR uSTRf uSTRg leer
leer leer leer uSTR2
uSTR+c3 uSTR leer
leer leer leer uSTRc1
uABZg+4 uSTR leer
leer leer leer leer uSTR+BSl uSTR+BSlr uSTR+BSlr leer
leer leer leer leer uSTR+BSl uSTR+BSlr uSTR+BSlr leer
leer leer leer leer uSTR+BSl uSTR+BSlr uSTR+BSlr leer
leer leer leer leer uENDEe uENDEe uENDEe leer
▼ 終點
配線圖

佛山地鐵1號綫
▲ 鶴洞站

uSTRf leer leer uSTRg
uSTR uENDE@G uENDE@G uSTR
uABZg2
uABZg3
uSTR+c1 uABZg+4 uABZg+1 uSTR+c4
uSTR uSTR uSTR uSTR
uSTR2
uSTR3
uSTRc1 uABZg+14 uABZg+14 uSTRc4
leer uSTR+BSl uSTR+BSr leer
leer uSTR+BSl uSTR+BSr leer
leer uSTRf uSTRg leer

▼ 菊樹站

行去邊頭 頭班車 尾班車
每日
廣州地鐵1號綫
廣州東站 06:15 23:13
佛山地鐵1號綫
新城東 06:10 23:15
瀝滘 06:10 23:11
注意:
喺晚黑最後一班車開走之前嗰5分鐘之內,
係唔畀入閘坐車(包括買埋車飛)。

車站歷史[編輯]

規劃[編輯]

1987年,廣州市政府準備引入法國資本嚟起地鐵,個站最先喺1號綫一期工程出現,嗰時嗌「廣中公路站」。後嚟規劃徵求過市民意見而定咗「十字線網」,重話會起呢個站,但無耐改成「廣鋼站」[1]。車站就快開通時再改成而家個名「西朗站」。

地上3樓喺好耐之前有事先留嚟轉廣佛輕軌[註 2],但2003年嘅地鐵規劃話起廣佛地鐵,同樣停西朗站,不過話咗佢係中途站,重改喺地底行,所以揀咗站房東北邊起地底車站。而事先留咗嘅結構改成辦公室。

施工[編輯]

1號綫[編輯]

車站喺1993年12月28號正式喐手起,之後其它站一齊跟埋起,直到1997年3月起好。

1號綫[編輯]

車站喺2007年6月28號正式喐手起[2]。但2009年4月23號,菊樹到西朗嗰橛起緊嗰時,搞到西塱興漁路嘅珠江水產研究所科技館附近出現地面下沉[3]。施工直到2010年初封頂。2010年10月28~29號重開畀廣佛兩市嘅部分市民試坐,而東延段站點(西塱⇄瀝滘)重喺度起緊。本嚟預測後通段喺2013年底通到瀝滘,但瀝滘站嘅拆遷問題令開通時間一拖再拖[4][5],直到2016年4月先至傾掂拆遷條數。結果地鐵部門決定先將1號綫東延段開到燕崗做總站,嚟解決點解1號綫開通之後,長期點解客流冇咁火爆同廣佛候鳥上班時,成日到呢個站後出站轉巴士嘅情景。

開通[編輯]

西朗站嘅佛山地鐵1號綫月台,從2010年11月3號14:00通車之後一直到2015年12月23號最後一班車收車為止,路線牌上邊寫嘅係終點站。而家嚿牌上邊啲字喺2015年平安夜當日凌晨被拆走咗。電視入面嘅「請勿上車」四字亦喺2015年12月27號尾班車收車之後取消埋。而幕門上邊嘅「西朗」兩字亦喺2018年10月27號凌晨冚唪唥拆走嗮。

1號綫[編輯]

1997年6月28號,1號綫正式通車,但嗰時地鐵凈開到黃沙站就返轉頭。而開通儀式喺1號綫站房前邊嘅廣場(今日嘅廣州市第三公共汽車公司西塱停車場)搞。

1號綫[編輯]

2010年11月3號14:00,1號綫正式通車;嗰時呢個站係1號綫東邊嘅終點站。但2014年下半年,地鐵公司考慮到1號綫客流過少,加上去海珠區比較麻煩之外,所以決定將路線延長到燕崗。結果喺2015年12月28號頭班車開始,地鐵延長到海珠區燕崗一帶,改變咗呢個站作為1號綫東邊總站嘅歷史。

站名用字變遷[編輯]

用「朗」字而唔用「塱」字[編輯]

睇埋:GB2312GBK同埋GB18030
早期1號綫月台範圍用嘅紅色行楷字體站名,呢啲鎅字喺2018年11月10號凌晨俾地鐵方拆嗮兼換成「西塱」兩字。
原先喺1號綫站廳出面,A出入口出面近西塱巴士站隔籬懸掛住帶「西朗站」三隻金字嘅站名,喺2018年11月10號凌晨俾地鐵方拆走兼送入咗博物館。

呢個站一開始係用「朗」字而唔用「塱」字,可能係1號綫啱啱開通無耐,中國大陸用緊嘅GB2312字庫係冇「塱」字[註 3]而被逼用咗同音嘅「朗」字嚟做站名[註 1]

直到2000年,因GBK[註 1]同埋GB18030[註 1]出版,個字庫都有返個「塱」字[註 4]。好多以前中國大陸電腦打唔出嘅「塱」字嘅任何行業(計埋巴士站牌同路牌)都一窩蜂噉改返嗮「塱」字。但廣州地鐵未將「西朗」個站名改返。雖然廣州市民政局批准咗可以改返「西塱」呢個名,但係地鐵公司話:「我哋都想用呢個『塱』字㗎!但係地鐵站話改名冇咁易嘅,唔係好似『西塱』呢個村名同埋『西塱污水處理廠』嘅名想話改就改到㗎。因為佢涉及成個地鐵嘅電腦操控系統同埋要換嗮所有路線嘅指示牌[註 5],要使好多錢㗎!」所以就冇改到[9][10]。地鐵公司打算響日後1號綫嘅設備系統全面升級改造時,決定係咪改名。但係,「使好多錢」爾種講法喺越秀南站改名做團一大廣場站同赤崗塔站改名做廣州塔站等改名事件之後備受質疑[11]。至於6號綫喺2017年6月28號啟用嘅柯木塱站用咗字庫嘅「塱」字。

出現轉機[編輯]

廣州地鐵1號綫西門口站月台天花板掛住嘅導航燈箱嘅變化過程。睇清楚啲,會發現個「朗」字變成咗「塱」字。

2017年9月21號,廣州地鐵1號綫開始搞信號系統更新改造招標兼決定淘汰用咗廿年嘅進口西門子系統[12][13],重喺2018年3月29號開始徵集市民意見決定係咪改返個站名[14]。意見一出街就傾向一面倒,好多喺西塱當地住啲街坊同廣佛候鳥、佛山地鐵方同芳村啲居民都強烈支持呢個意見。

西塱站嘅J出入口隔籬嚿玻璃張塑膠黐紙,入面明顯發現原先「西朗」兩字喺2018年11月10號當日換嗮「西塱」兩字。

2018年8月10號,廣州市地名委員會辦公室正式批准咗呢個站改名做「西塱站」[15][16][17]。同年9月開始,為咗配合14號綫一期主綫(嘉禾望崗⇄東風)、21號綫首通段[註 6]、同佛山地鐵1號綫後通段(燕崗⇄瀝滘)嘅開通,而陸續將呢個站嘅形象標識柱、500m導向柱、線網圖同賣飛設備等宣傳品、設備設施都更新嗮[15][16]

廣州地鐵1號綫嘅長客龐巴迪列車嘅車廂頂,上邊啲站名指示燈,凡係行「西塱」嗰邊都改返用字。

從2018年9月18號開始,有部份廣州地鐵1號綫啲車站開始陸續將月台吊牌、部份ANDA-SIEMENS列車嘅頭卡車廂上邊張黐紙、同車廂入面冚唪唥路線圖都換走,站名亦陸續正式改返「西塱」兩字。其中電視入面嘅列車信息指引,尾站指向喺同年月21號改成「西塱」兩字。而廣州地鐵1號綫是但一個站啲吊牌同黐紙上邊啲站名導航,直到同年國慶前一晚黑收車之後都換嗮帶「西塱」兩字。而佛山地鐵1號綫月台範圍嘅吊牌喺2018年10月27號凌晨亦換嗮帶「西塱」兩字嘅品種,其它同佛山地鐵1號綫有關啲車站喺同日開始陸續將畫喺月台吊牌入面嘅路線圖都換成2018年12月28號延長到瀝滘嘅3.0版,其中包括「西朗」變成「西塱」兩字,直到同年11月11號先至換嗮。而青島四方列車入面冚唪唥路線圖同眨燈圖都喺同年11月2號都正式改返「西塱」兩字,不過佢嘅眨燈圖係2010年10月26號開通嘅版上加張黐紙嚟改站名。而廣州地鐵1號綫唯一凈低嘅龐巴迪列車入面嘅車廂車門頭頂啲眨燈圖,亦喺同年12月8號換嗮2018年12月28號開通嘅新版時,經過呢個站嘅站名亦同樣改返「西塱」兩字,但佢係成嚿設備圖換走。

「西朗」變「西塱」後,車廂入面啲站名指示燈變化。其中喺廣州地鐵1號綫嘅部份長客龐巴迪列車嘅車門頂(左)啲指示燈係成嚿版換走嚟改。而佛山地鐵1號綫列車嘅車門頂啲指示燈(右)係以黐紙形式嚟換。不過佛山地鐵嗰邊喺2019年6月新引入LCD列車後,原先帶黐紙形式嚟換站名嘅現象已經冇嗮。

從2018年10月9號開始,廣州地鐵1號綫亦有部份地鐵站嘅2號月台天花板掛住啲黑底白字燈箱,開始換成帶「西塱」兩字嘅品種,直到2018年11月8號晚黑先至將廣州地鐵1號綫凡係2號月台上邊冚唪唥嘅黑底白字燈箱都換嗮帶「西塱」兩字。而出入口啲紅底白字標牌,喺2018年11月2號冚唪唥換嗮帶「西塱站」三字嘅品種,令「西朗站」個名喺廣州地鐵1號綫冚唪唥指示導向燈箱同路線圖入面消失到無影無蹤。而廣州地鐵1號綫月台同A出入口出面凡係帶「西朗」嘅兩隻紅鎅字同埋「西朗站」嗰三隻銅鎅字站名,喺同年11月10號凌晨拆走嗮兼先後換成「西塱」(月台範圍)同「西塱站」(A出入口出面條樓梯級上邊棟牆範圍)字樣,字體亦換成類似日本動漫風格嘅行楷體品種[18]。舊站名方面,其中帶「西朗站」嗰三隻銅鎅字喺當日送咗入廣州地鐵博物館,令「西朗站」個名喺廣州地鐵1號綫範圍正式成為歷史。而佛山地鐵1號綫月台範圍嘅柱上啲字喺同年12月2號凌晨都一窩蜂改嗮「西塱」兩字,字體亦從拉長兼加粗咗嘅宋體字變成標準闊度嘅正常版宋體字;而啡底黑字嘅行楷字體站名亦喺3日後都換埋,不過字體變成加粗版宋體字。到嗰時為止,「西朗站」個名唔理喺廣州地鐵1號綫佛山地鐵1號綫嘅站廳同月台範圍都消失嗮。

2018年12月24號,喺西塱站嘅佛山地鐵1號綫站廳有施工人員換2018年12月28號開通嘅地鐵路線圖時,「西朗」兩字亦變成「西塱」。

售票機方面,從2018年11月10號開始使用2018年12月28號新開通嘅地鐵路線圖,入面包括呢個站改成「西塱」兩字,最先喺體育西路站開搞。而綫網圖從2018年11月11號開始使用2018年12月28號新開通嘅地鐵路線圖,入面亦包括呢個站改成「西塱」兩字,最先喺萬勝圍站開搞。隨後陸續喺廣州地鐵任何一個車站嘅月台都搞換新圖嘅同時,順手搭單將呢個站改成「西塱」兩字。同年12月1號開始,廣州地鐵1號綫佛山地鐵1號綫嘅部份車站站廳同廁所導向圖都改版時,呢個站亦改成「西塱」兩字份。同年月8號開始,有部份列車入面啲綫網示意圖開始換成2018年12月28號新開通嘅版,入面連同呢個站改成「西塱」兩字份。而路線票價圖喺同年平安夜當日換嗮2018年12月28號新開通嘅版;廣州地鐵1號綫是但一個站嘅服務時間表喺同年聖誕節當日,凡係寫營運到西南邊嘅總站都一窩蜂噉改嗮「西塱」兩字;令「西朗」兩字唔理喺路線票價圖定服務時間牌入面,都消失到無影無蹤。而呢個站嘅佛山地鐵1號綫各個車站嘅廁所分佈圖、同埋廣州地鐵1號綫屬下嘅尾班車信息圖、呢個站嘅地鐵綫網圖喺第二日換成嗮2018年12月28號新開通嘅版,入面計埋「西朗」兩字改返「西塱」。隨住最後一個車站——公園前站1號綫廁所導航分佈圖、地鐵綫網圖同轉車站尾班車信息圖都喺2018年12月27號都更新埋兼改版之後,「西朗」呢個站名正式同公眾講拜拜,嗰時除咗廣州地鐵1號綫部份車站出入口嘅液晶顯示牌重出現「西朗」兩字嘅標識之外,其它喺廣州地鐵1號綫佛山地鐵1號綫是旦邊個站都搵唔到同「西朗」兩字嘅痕跡,取而代之嘅係「西塱」。隨住2019年7月24號嘅廣州地鐵1號綫部份車站出入口嘅液晶顯示牌出現嘅「西朗」兩字都冚唪唥改嗮「西塱」,令「西朗」兩字正式完全消失嗮。家下喺廣州地鐵是但邊個車站都搵唔到「西朗」兩字嘅痕跡。

加裝月台閘門同噴霧風扇[編輯]

月台閘門

2005年,地鐵公司為咗慳能源同防止乘客墮軌,所以就喺營運緊嘅成條1號綫入面加裝月台幕門同月台閘門。而呢個站嘅月台閘門喺2009年7月22號正式開始使用。

噴霧風扇

2014年9月,由於6號綫三個高架車站[註 7]裝咗噴霧風扇之後,效果俾乘客反映話唔錯,所以地鐵公司逐步決定喺舊時起咗嘅12個地面或高架車站(包括呢個站)加裝207台噴霧風扇。而家已經裝好嗮。

出入口[編輯]

呢個站喺廣州地鐵1號綫開通初期因為屬地面車站,期間凈開咗A同B兩個出入口,後嚟佛山地鐵1號綫開通之後又多咗D同J兩個出入口。而F出入口喺2016年9月28號先至開放[19]

事件[編輯]

因爆發疫情而封站[編輯]

2021年5月21號,因荔灣芳村片區爆發武漢肺炎Δ變異株感染個案,由5月29號開始修改出入站措施[20];同年6月7號因加強防疫政策,凡係到呢個站啲乘客淨畀轉車,唔畀出站[21],直到6月24號晏晝先至恢復返出入站[22]

利用狀況[編輯]

呢個站從1997年6月28號開始營運之後,由於附近凈得廣州鋼鐵廠(已拆)、農田和各城中村,加上冇乜住宅、樓盤、商業中心或旅遊景區,所以從開始營運一直到2010年11月3號中午為止都比較少人上落。喺2010年11月3號嘅1號綫通車之後,由於嗰日係亞運免費坐車,所以當日13:30~14:00,呢個站嘅1號綫站廳聚集咗好多等住坐佛山地鐵嘅乘客,更加係車站開始營運13年嚟,第一次出現噉嘅情況。到2015年12月28號之前為止,佢曾經係廣州同佛山嘅地鐵之間,第一個亦係唯一嘅轉車站,每日有好多往返廣州同佛山啲乘客都喺呢個站轉車。1號綫通車之後一直到2015年12月27號最後一班車收車為止,好多來往海珠區上班啲佛山市民或廣佛候鳥成日嚟呢個站出站轉其它交通工具,但2015年12月28號嘅東延段通到河南燕崗之後,廣佛候鳥同喺海珠區上班啲佛山市民都唔會揀呢個站轉車,期間亦多咗喺芳村白鶴洞西邊住啲居民出入站坐車往返海珠區一帶,亦有部份轉車客流分流到沙園站8號綫直達其它地方。隨住2018年12月28號嘅1號綫東延段凈低嗰三個站都開埋之後,亦有部份轉車客流分流到南洲站2號綫瀝滘站3號綫直達其它地方。

轉車須知[編輯]

轉車通道

雖然西塱站起緊嗰時有留到轉廣佛輕軌[註 2],但由於路線改到地下之後變成其它用途,所以:

廣州地鐵1號綫佛山地鐵1號綫

必須要行上去2樓,去到有「歡迎乘坐佛山地鐵」字樣嗰度落去2層樓嘅樓梯先至到1號綫站廳。

佛山地鐵1號綫廣州地鐵1號綫

上到站廳面之後,睇到有「歡迎乘坐廣州地鐵」字樣嗰度上去2層樓嘅樓梯,再轉左先至到1號綫站廳。

接駁巴士[編輯]

日班車:

西塱總站
普通巴士
19、71、217、410、583、770、787、
高峰巴士
高快48、高快66、高快81
快車
410快
西塱(觀賞魚博覽中心)總站
普通巴士
121A
西塱站
普通巴士
69、70、91、181、222、廣277、285、廣565、769、廣商務專線4、佛232、佛232B

夜班車:

夜11、夜36、夜72

附近嘅建築同景區[編輯]

  • 文偉小學
  • 麥村
  • 西塱村委會
  • 華麗苑
  • 金達大厦

註同攷[編輯]

  1. 1.0 1.1 1.2 1.3 廣州地鐵1號綫就嚟開通營運嗰時,大多數電腦用嘅係Windows 95Windows 98UCDOS系統,亦有少部份用家用Windows 3.x等類似小霸王學習機等一系列操作系統,而且嗰時系統通用嘅係GB2312字庫,加上嗰時電腦屬奢侈品。而中國大陸嘅GBK同GB18030代碼正式出版,係2000年1月1號同2000年3月17號嘅事。
  2. 2.0 2.1 呢度講嘅「廣佛輕軌」即係而家嘅廣佛地鐵,喺佛山叫佛山地鐵1號綫
  3. GB2312简体中文编码表
  4. 「塱」字喺Unicode代碼字庫入面,屬5871區[6],GB18030代碼係8969區[7],GBK代碼係8969區[8]
  5. 因為嗰時,廣州地鐵1號綫嘅大部分設備都係原裝進口,若果需要改站名,要對成個地鐵嘅電腦操控系統嘅重大設備要進行改造或換嗮所有路線指示牌,唔單止工程複雜,實施難度好高,相反重要好多錢,會對而家穩定行緊嘅設備系統造成影響,導致增加安全營運風險。
  6. 21號綫雖然早期計劃同14號綫一期全綫開通時一齊開通,但因大觀路地段搞地鐵施工時,受軍事部門干涉影響,令原計劃開通改成凈開神舟路⇄增城廣場嗰橛。後嚟考慮到水西⇄長平嗰橛因隧道坍塌而延遲咗工期,好多媒體以為凈開鎮龍⇄增城廣場嗰橛,但因為鎮龍站以西冇整到同21號綫有關嘅存車綫,所以地鐵方計劃將首通段改成凈開鎮龍西⇄增城廣場嗰橛。而21號綫由鎮龍西⇄員村嗰橛喺2019年12月20號先至開通。
  7. 呢度講嘅「三個高架車站」係潯峰崗橫沙沙貝站
  1. 鐵三四號線六站更名 "廣州豐田"成站名. 原著喺2011年9月30號歸檔. 喺2015年12月31號搵到.
  2. 总投资146.75亿 广佛地铁动工预计2010年开通 互聯網檔案館歸檔,歸檔日期2016年3月4號,. 广东省人民政府 (2007-06-29)
  3. 芳村西塱又见地陷 地铁广佛线被迫停工 互聯網檔案館歸檔,歸檔日期2014年5月4號,. 大洋网 (2009-04-24)
  4. 动迁结束"十年长跑" 广佛线西朗沥滘终可一线牵 互聯網檔案館歸檔,歸檔日期2016年3月4號,. 大洋网(转广州日报) 【2013-12-12】
  5. 李天研 (2015-12-28). 广. 廣州日報. p. A3版. 原著喺2015-12-28歸檔. 喺2015-12-31搵到.
  6. Unihan data for U+5871 Unihan Database
  7. "International Components for Unicode - GB18030". 原著喺2007年9月28號歸檔. 喺2014年3月15號搵到.
  8. GBK 汉字内码扩展规范编码表
  9. 西塱村民盼纠正"西朗"站名 改名或花千万 (中國中文). 新快报. 2011年11月24號. 原著喺2014年5月2號歸檔. 喺2014年3月14號搵到.
  10. 广州地铁,请还"塱"一个公道 (中國中文). 南方都市報. 2013-11-01.{{cite web}}: CS1 maint: url-status (link)
  11. 铁站要改名 赤岗塔变广州塔 西朗仍缺"土". . 大洋網. 2013-10-30. 喺2014-3-16搵到. {{cite news}}: Check date values in: |accessdate= (help)CS1 maint: url-status (link)
  12. 广州市轨道交通一号线正线信号系统更新改造工程施工项目招标公告 互聯網檔案館歸檔,歸檔日期2020年3月28號,. 广东代建项目材料设备采购平台
  13. 广州市轨道交通一号线正线信号系统更新改造工程施工项目招标公告 国义招标股份有限公司
  14. 铁21号线、14号线站名等你提意见. . 今日头条. 2018-03-30.
  15. 15.0 15.1 广州地铁西朗站将更名为"西塱":多年前电脑字库无"塱"字. . 澎湃新聞. 2018-08-10.
  16. 16.0 16.1 西朗站更名"西塱" 1号线、广佛线同步. . 2018-08-11. 原著喺2018-08-11歸檔. 喺2018-08-12搵到.
  17. 广州地铁西朗站将更名为"西塱",你怎么看?. . 手机南方网. 2018-08-11. 原著喺2018-08-12歸檔. 喺2018-08-12搵到.
  18. . . 2018-11-13. 原著喺2018-11-13歸檔. 喺2018-11-13搵到.
  19. 2016年9月28日广州西朗地铁站F出入口正式开通 互聯網檔案館歸檔,歸檔日期2018年12月20日,. 广州本地宝
  20. 李天研 (2021-05-29). 西塱站、龙溪站等8个地铁站运营有调整. 广.
  21. 李天研 (2021-06-06). 6月7日起,芳村区域所有地铁站停运. 广.
  22. 村片区地铁、公交等公共交通今日16时起全面恢复. 广. 2021-06-24. 喺2021-06-24搵到.

上一站·下一站[編輯]

上一站⇚⇚    廣州地鐵    ⇛⇛下一站
終點 西塱站
1號綫
坑口站
廣州東站
上一站⇚⇚    佛山地鐵    ⇛⇛下一站
菊樹站
新城東站
西塱站
1號綫
鶴洞站
瀝滘站