洛溪大橋

洛溪大橋係中國廣東省廣州市海珠區同埋番禺區交界嘅一條橋，呢條橋喺廣州市海珠區同埋番禺區嘅珠江瀝滘航道上面，係連接海珠區同埋番禺區嘅交通要路。

連接位置

北邊連接廣州大道南，南邊連接105國道。

長度

橋全長1916米，主橋長480米，闊15.5米。

落成時間

呢條橋喺1984年10月正式郁手，起到1988年完工通車。呢條橋係全國政協副主席霍英東先生捐咗1千幾萬蚊人民幣嚟起嘅，由番禺路條公司負責管理。喺嗰陣係亞洲同類橋樑之冠，排全世界第六名。

收費問題嘅解決

喺呢條橋從啱啱起好通車開始，到2005年之前，都係一直喺度收緊錢嘅，後嚟一直有詏數。重有律師因為呢單嘢就大鬧政府，向全民提出公益訴訟。收尾廣東省政府話喺2005年7月1號停嗮收費，結束咗17年嘅收費歷史。呢條橋為咗交通嘅分流同埋橋樑免費之後洛溪大橋嘅車流量激增嘅問題，政府開始對洛溪大橋進行交通管制。而唔畀行洛溪大橋嘅車全部都兜嗮去番禺大橋同埋南沙港快速路啦。