人民橋 (廣州)

出自維基百科,自由嘅百科全書
Jump to navigation Jump to search

人民橋中國廣東省廣州市荔灣區一條橋,橫跨珠江兩岸。

連接位置[編輯]

北邊從六二三路同埋鎮安路路口開始,跨過珠江,南到洪德路同埋工業大道北連埋一齊。

長度[編輯]

橋全長701.2米,主橋長182米,闊18米。其中行車嘅路有12米,兩邊嘅人行道各3米。南北引橋長有519.2米,闊12米,但係引橋唔整人行道,佢係由4條步行梯連接主橋畀行人、自行車上落。

落成時間[編輯]

喺1932年,有人提出過喺太平南路(而家叫人民南路)西濠口建築附近起西堤鐵橋。到咗1935年,工務局就開始進行籌畫同埋選取橋嘅樣,但係橋重未起。喺中華人民共和國成立咗之後,珠江南邊嘅工業發展好快,海珠橋已經再頂唔住日益加大嘅交通流量,必須要起新橋。就喺1965年4月,經過國家計委同埋建工部批准起人民橋。就喺嗰年11月4號正式郁手,起到1967年5月1號完工通車。1984年喺人民橋南邊起成洪德路立交橋疏導啲車流。1988年喺人民橋北邊起成東、北、西3條匝道,分別連接沿江路、六二三路同埋沙面舊東橋。2000年喺人民橋東邊起內環路同埋拆咗橋嘅北邊三條匝道,而且呢條橋嘅部分車流已經分流到鶴洞大橋嗰邊。