街口大橋

出自維基百科,自由嘅百科全書
喺流溪河西邊嘅河濱泳場隔籬望過去街口大橋

街口大橋中國廣東廣州嘅橋,位置喺從化街口

[編輯]

座橋喺1931年起好,初期係條可以行車嘅木橋,後嚟縣長李務滋發動全縣人民出錢整成鋼筋水泥結構。雖然1938年俾日軍炸冧,但1951年俾從化駐地嘅解放軍部隊起返出嚟直到1952年起好,之後喺1954、1960、1961呢三年整修過次。1967年爆發過文革兩派嘅激烈對立同埋好多次武裝衝突。1991年因橋樑唔啱嗰時飛速發展嘅需求而整闊咗次,直到1992年7月起好。1992年7月13號,由於從化第一屆荔枝節喺街口地區開幕,所以條橋亦成為荔枝節38個剪綵項目之一。2008年10月又搞過橋樑同橋墩嘅加固工程。雖然2012年,從化市人民政府有提出到話要將條橋搞大改造,但一直未有下文。

座橋原先有「街口大橋」嘅字樣,但文革期間俾人整甩咗。

連接位置[編輯]

呢條橋連接從化區,跨過流溪河,將新城路河濱路同埋河東路連埋一齊。

結構[編輯]

橋長259.76米,闊25米,高13.6米。橋面雙向四車道,兩邊有設置人行路同埋單車路。主航道通航淨高度11.2米。座橋從河兩邊睇落去,好似趙州橋噉。

連出去[編輯]