霍英東

出自維基百科,自由嘅百科全書
跳去導覽 跳去搵嘢
霍英東
出生日1923年5月10號 喺Wikidata改呢個
出生地英屬香港 喺Wikidata改呢個
死亡日2006年10月28號 喺Wikidata改呢個 (83歲)
死亡地北京 喺Wikidata改呢個
死因淋巴癌 喺Wikidata改呢個
國籍中華人民共和國 喺Wikidata改呢個
母校皇仁書院 喺Wikidata改呢個
職業企業家政治人、badminton executive and administrator 喺Wikidata改呢個
仔女霍震霆霍震寰、Fok Tsun-yu 喺Wikidata改呢個

霍英東GBM(原名霍官泰英文Henry Fok1923年5月10號2006年10月28號),係香港企業家,香港出世,亦係香港立法會體育、演藝、文化及出版界功能界別議員霍震霆嘅爸爸、霍啟剛嘅爺爺。

屋企[編輯]

霍英東祖籍廣東番禺,鄉下響練溪村。屋企做艇家生意。佢1923年響香港出世,7歲死老頭同埋兩個阿哥。之後入皇仁書院。無耐香港畀日本打到來,所以無得讀。佢之後接手家族生意。

事業[編輯]

佢最出名係響1950年韓戰期間,中華人民共和國聯合國禁運令之下,走私物資入中國大陸。之後,霍英東喺香港投資地產事業,旗下嘅立信置業喺港九各地都有地盤,同時佢更加推出樓花制度、分期付款、印樓書呢啲策略,後來香港個個地產商都效法佢[1],1965年,霍氏更加牽頭成立香港地產建設商會,兼且做埋第一任會長。

除咗地產生意,霍英東亦都有投資賭場生意。1961年,何鴻燊、霍英東、葉漢同埋葉德利四個組成澳門旅遊娛樂公司去投標澳門嘅賭牌,最後澳娛以小小差價贏咗傅蔭釗泰興公司。據講霍英東最初唔多想掂呢瓣生意,認為呢行賺嘅係陰騭錢,後來佢同何鴻燊講掂數,話要將喺賭業賺返嚟嘅錢投資返落澳門度同做善事[2],直到2002年,何鴻燊想將澳娛上市,霍氏認為上市嘅舉動違反當年協議,就將全部澳娛股權用嚟成立慈善基金會。

體育運動[編輯]

佢係一位體育運動發燒友,特別鍾意足球,早年組織有「榮小足球隊」同埋「卓然隊」,重親自落場喺灣仔修頓球場同其他小型球隊比賽。之後重成立東昇足球隊加入香港甲組足球聯賽,亦都曾經長時間擔任香港親中派足球會愉園體育會會長一職。1970年,佢出任香港足球總會會長,成為首位香港足總唐人會長。而佢亦都鍾意羽毛球、網球同埋象棋,贏過兩屆全港網球雙打冠軍,亦係香港象棋總會嘅榮譽會長。

1958年8月19號,中華人民共和國鑑於好多國際體育組織都當中華民國係代表中國嘅合法政府,同國際奧委會斷絕關係,同時北京方面亦極力反對國際上將臺灣當係獨立國家,繼而响其他國際單項體育組織冇晒會員席位。隨住中華人民共和國同埋其他西方國家嘅外交關係恢復正常化,佢喺1970年代游說中國大陸重返國際體育大家庭,其後中華人民共和國取代中華民國,並以中國嘅名義攞到會員席位,並且協助中國大陸重返國際體壇,1974年7月14號,喺佢嘅推動之下,中華人民共和國正式重返亞洲足球協會

政治[編輯]

官至中華人民共和國全國政協副主席,係首位香港人擠身中國國家領導人級別,叫做「愛國商人」。官方新華通訊社形容霍英東係「中國共產黨的親密朋友」;而香港特別行政區行政長官曾蔭權稱讚霍英東佢係「模範港人」。霍英東嘅後人都好出名,所以身後嘅霍英東就叫做霍老

個人榮譽[編輯]

名(榮)譽博士[編輯]

[編輯]

勳銜[編輯]

命名建築[編輯]

睇埋[編輯]

[編輯]

  1. 李彤 (2016-08-14). 奴如何煉成? 淺談香港樓市瘋狂之路. 港01 (香港中文). 喺2023-01-13搵到.
  2. 英东不愿碰博彩,而霍震霆父子却加入澳娱!违背了霍英东意愿?_腾讯新闻. new.qq.com. 喺2023-01-13搵到.
  3. 誉博士学位批准、授予名单至2008年12月 (XLS) (簡體中文). 中華人民共和國教育部.第20項
  4. 英東 - 簡歷 - 名譽博士學位畢業生 - 香港大學名譽博士學位畢業生 (繁體中文). 香港大學.
  5. 第63屆大會 (2006) | 頒授學位典禮 | 香港中文大學香港中文大學 (繁體中文)

出面網頁[編輯]