吳光正

出自維基百科,自由嘅百科全書
Jump to navigation Jump to search

吳光正GBMGBSJP1946年9月5號—),上海出世,香港商人,船王包玉剛第二女婿九龍倉集團主席,前任香港貿易發展局主席(2000年2007年)、中國全國政協常委。

生平[編輯]

吳光正阿爸吳紹麟係曾經喺德國留學嘅建築學博士。吳光正5歲時隨父母定居香港,之後曾經到美國留學,主修物理數學,攞到俄亥俄州辛辛那提大學學士,再喺哥倫比亞大學商學院攞到工商管理碩士學位。畢業後試過喺紐約同埋香港嘅美國大通銀行任職,1973年同船王包玉剛嘅次女包陪容結婚,1975年喺包玉剛旗下嘅環球船運集團董事。1981年包玉剛成功喺英資怡和洋行手中收購九龍倉集團嘅控制權,包玉剛逝世後,吳光正喺1986年1994年期間做九龍倉集團主席,其後曾經辭去主席職務,由李唯仁接替;2002年4月1日做番主席。1986年到1996年期間亦做過會德豐集團主席。

1996年,吳光正曾經參加首屆香港特區行政長官選舉,重辭晒所有上市公司嘅職務。但最後喺香港特首選舉入面落敗,俾董建華贏咗。吳光正已經表示唔想再角逐特首職務。

股東[編輯]

2011年3月1日,吳光正家族以私人名義買入Ferragamo母公司 SalvatoreFerragamo Italia Spa 8%股權。

2012年9月12日,吳光正家族以私人名義買入龍湖地產 5.04%股權。2.6049億股。成為公司第二大股東。

吳光正再度增持龍湖地產(00960)股權,喺12月6日以每股均價15.203元,購入45萬股,涉資共684.13萬元,持股比例由5.99%增至6%。

2012年11月8日,吳光正家族透過哥連頓證券持有新鴻基地產 1.84%股權。

吳光正依家持有會德豐 60.01%股權(12.1935億股)。