海珠廣場站

出自維基百科,自由嘅百科全書
Jump to navigation Jump to search
海珠廣場
Haizhu Square
HaizhuSquareWordLine6.jpg
海珠廣場站(6號綫)嘅站名
概覽
車站代碼 212 610
位置 越秀區一德路、廣州起義路同埋泰康路嘅交界
座標 23°7′2.34″N 113°15′41.70″E / 23.1173167°N 113.2615833°E / 23.1173167; 113.2615833座標: 23°7′2.34″N 113°15′41.70″E / 23.1173167°N 113.2615833°E / 23.1173167; 113.2615833
車站色 2號綫    
6號綫    
經過路線 2 6
啟站 2號綫:2002年12月29號
6號綫:2013年12月28號
月台 2
站口數 7
營運資訊
車站服務時間 06:02~00:00
列車服務時間 06:07~23:55
廣州地鐵2號綫
廣州南站 ◄市二宮站 (1km) (1.3km)公園前站► 嘉禾望崗站
廣州地鐵6號綫
潯峰崗站 ◄一德路站 (980m) (510m)北京路站► 香雪站

海珠廣場站粵拼hoi2 zyu1 gwong2 coeng4 zaam6英文Haizhu Square Station)係廣州地鐵2號綫6號綫嘅轉車車站,喺越秀區一德路廣州起義路泰康路嘅交界。不過兩個站廳同月台嘅開放時間都唔同,其中2號綫區域喺2002年12月29號開放,而6號綫喺2013年12月28號開放。

佢亦係廣州地鐵入面,最深嘅車站(其中6號綫嘅鐵路軌喺-33.45米深嘅地方)。

結構[編輯]

樓層[編輯]

呢個站一共有地下5層樓。其中地下1樓係2號綫6號綫嘅站廳;地下2樓同埋3樓係2號綫6號綫嘅設備區;而地下4樓係2號綫嘅月台,地下5樓係2號綫嘅月台。雖然話6號綫嘅站廳入面有廁所(喺F出入口附近),但係2號綫嗰邊冇。提醒:呢個站係冇休息室響度。

垂直結構[編輯]

地下
一樓
站廳 售票機、客服中心、地鐵警務室、轉車通道(收費區)
過街隧道(免費區)
地下
二樓
2號綫設備區 2號綫車站設備
地下
三樓
6號綫設備區 車站設備
6號綫緩衝台 同站廳、月台接埋一齊
地下
四樓
1月台 2號綫列車去公園前站(行嘉禾望崗嗰邊)
島式月台,開左邊門
2月台 2號綫列車去市二宮站(行廣州南站嗰邊)
地下
五樓
4月台 6號綫列車去一德路站(行潯峰崗嗰邊)
島式月台,開左邊門
3月台 6號綫列車去北京路站(行香雪嗰邊)

水平結構[編輯]

海珠廣場站嘅2號綫站廳
海珠廣場站嘅2號綫(行嘉禾望崗嗰邊)月台
海珠廣場站嘅6號綫站廳
海珠廣場站嘅6號綫(行潯峰崗嗰邊)月台

站廳[編輯]

海珠廣場站分開咗2號綫6號綫兩個站廳。其中2號綫嘅收費區喺站廳嘅東邊,而6號綫嘅收費區喺站廳嘅南邊。不過唔理佢係免費區定收費區,都有通道連埋一齊。而收費區有好多部扶手電梯同樓梯、專用𨋢往返月台都得。兩個車站嘅顏色同月台大字嘅字體同設計都唔一樣。

海珠廣場站嘅站廳全景
(註:呢兩個站廳都喺同一層樓!!!)
2號綫嘅站廳全景
6號綫嘅站廳全景

另外,呢個站嘅站廳入面有公廁,喺F出入口嗰邊。

月台[編輯]

呢個站嘅2號綫月台喺海珠廣場嘅綠化西廣場地底,而6號綫月台喺海珠廣場嘅東廣場西北邊嘅地底。其中2號綫喺上面,6號綫喺下面。兩條線嘅月台組成好似個英文字母「L」字噉。喺站廳同站台都有轉車嘅通道響度。

海珠廣場站嘅月台全景圖
2號綫嘅月台全景(去廣州南站嗰邊,喺2015年1月28號影。)
6號綫嘅月台全景(去潯峰崗嗰邊,喺2015年1月28號影。)

商鋪同自助服務[編輯]

而家嘅海珠廣場站入面有好多唔同類嘅鋪頭畀乘客買嘢同埋食嘢,好似有便利檔、涼茶舖同洗衫舖、書店等。

另外,海珠廣場站入面重有好多自助服務設施畀乘客用,包括咗自動櫃員機、自動販賣機、自動影相機同羊城通充值機等;重有可以充羊城通、交水電費同交通嘅罰錢、查地鐵嘅路線、頭尾班車同埋地鐵嘅安全指引同畀乘客登記變成廣州地鐵薈嘅會員嚟查獎分、換獎品嘅服務。

商鋪
自助服務

出入口[編輯]

呢個站一共有7個出入口,分別係A、B1、B2、B3、D、E,F。從2017年10月15號開始實行嚴格安檢制度之後,雖然往返B1、B2、B3、E,F五個出入口之間毋須接受安檢,但呢五個出入口同A、D出入口之間當成過街通道往返嘅話,都要接受人過安全門、物過X光機、液體過檢測儀嘅制度。

冧巴 標記 去到邊度
2號綫站廳
出入口A 沿江中路 沿江中路、僑光東路、海珠橋海珠廣場天字碼頭、北京南路、華廈大酒店、海珠廣場(僑光東)巴士站
出入口B1 一德路(南行) 一德路、僑光西路、解放南路海珠廣場萬菱精品批發中心、海珠廣場(一德東)公交站
出入口B2 一德路(北行) 一德路、解放南路海印繽繽廣場、廣州市大都市鞋城
出入口B3 廣州起義路 廣州起義路、大新路、大南路大德路惠福西路、泰康路、高第街、海印繽繽廣場、海珠廣場巴士站
出入口D 僑光西路 僑光西路、沿江西路、長堤大馬路解放南路海珠廣場解放橋廣醫一院、中大附屬第二醫院、海珠廣場(僑光西)(南行)巴士站
6號綫站廳
出入口E 泰康路 廣州起義路大新路、泰康路、高第街、廣州賓館、海珠廣場(北行)巴士站
出入口F 僑光路 僑光路、回龍路、沿江中路、海珠廣場、海珠橋、華廈大酒店、海珠廣場(僑光東)(西行)巴士站
註: 有盲人引導徑 | 有輪椅升降臺

頭尾班車信息同配線圖[編輯]

配線圖

2號綫
▲ 公園前站

uSTRf uSTRg
uSTR+BSl uSTR+BSr
uSTR+BSl uSTR+BSr
uSTR+BSl uSTR+BSr
uWTUNNEL1 uWTUNNEL1
珠江
uSTRf uSTRg

▼ 市二宮站

配線圖

6號綫
▲ 北京路站

uSTRf uSTRg
uSTR+BSl uSTR+BSr
uSTR+BSl uSTR+BSr
uSTRf uSTRg

▼ 一德路站

行去邊頭 頭班車 尾班車
每日
2號綫
廣州南站 06:19 23:40
嘉禾望崗站 06:18 23:55
6號綫
潯峰崗站 06:07 23:38
香雪站 06:14 23:08
注意:
喺晚黑最後一班車開走之前嗰5分鐘之內,
係唔畀入閘坐車(包括埋買車飛)。

車站歷史[編輯]

規劃[編輯]

喺1988年嘅「十字線網」規劃入面就出咗嗌「海珠廣場」嘅站。佢就係嗰時2號綫嘅車站,就喺而家呢度。到咗1997年嘅《廣州市城市快速軌道交通線網規劃研究(最終報告)》入面話咗呢個站係嗰時舊2號綫同7號綫嘅轉車車站,重加入咗2號綫首通段嘅工程入面,不過嗰時嘅7號綫係遠期規劃,所以喺起緊嗰陣冇事先留低轉車條件。但係2003年嘅規劃入面話咗呢個站重係兩條地鐵路線嘅轉車車站,不過7號綫就變咗而家嘅6號綫

2號綫[編輯]

工程[編輯]

到咗1998年7月28號,呢個站正式開始逳手起,佢重係2號綫第一個開始逳手起嘅站。不過起緊呢個站嗰陣就試過取消咗海珠橋附近一大堆巴士站。而工程一直持續到2002年6月份先至搞掂。

開通[編輯]

到咗2002年12月29號,2號綫首通段(三元里往返曉港)開通咗之後正式開始營運。[1]

6號綫[編輯]

工程[編輯]

到咗2006年8月28號,呢個站就正式開始逳手起6號綫嗰橛。[2]而工程喺2013年中先至搞掂。

開通[編輯]

到咗2013年12月28號,6號綫首通段(潯峰崗往返長湴)開通咗之後,6號綫區域正式開放。

出入口[編輯]

呢個站喺開通初期凈係得5個出入口,後嚟喺6號綫開咗之後先至多咗2個出入口。

利用狀況[編輯]

呢個站附近有好多間大型賓館,重有海珠廣場同埋海珠橋嘅景響度;喺2013年12月28號晏晝兩點開通6號綫之前,呢個站離一德路嘅批發市場一條街最近。佢係廣州地鐵嘅其一繁忙車站。喺6號綫開通咗之後,客流重上升咗。

轉車須知[編輯]

2號綫6號綫之間嘅轉車通道,喺2號綫月台北邊同6號綫月台西邊之間。但喺客流高峰時,凈畀上唔畀落。

雖然話呢個站喺起緊地鐵2號綫嗰陣,冇事先留低轉車嘅站台結構,但係喺起緊6號綫嗰陣,就整咗條通道去2號綫嘅月臺南邊同6號線月臺嘅西邊接埋一齊。而轉車方面,幾乎係區莊站燕塘站嘅混合版。所以轉車嗰陣要注意

  • 6號綫2號綫
    要去到月台嘅西邊先至可以轉2號綫。雖然話月台嘅東邊都可以轉到2號綫,但係要兜出去站廳嗰度,跟住搵到2號綫站廳嗰邊嘅樓梯落去先至可以見到2號綫嘅月台。
  • 2號綫6號綫
    一定要出去站廳,行去有寫住「6號綫」嘅方向標記牌嗰邊落去,到咗6號綫嘅站廳,再落2層樓嘅地下之後就到6號綫嘅月台。雖然話月台嘅南邊條通道入面都可以見到6號綫嘅月台,但係嗰度好崖广,千祈冇落去!因為嗰度係逆行方向,唔畀倒流㗎!

附近嘅建築同景區[編輯]

車站附近建築景區:左邊張相係廣州賓館,中間張相係華廈大酒店,右邊張相係廣州解放紀念碑。
車站附近建築景區:左邊張相係海印繽繽廣場,右邊張相係中國人民銀行廣州分行舊址。

酒店[編輯]

公園[編輯]

紀念性建築同景區[編輯]

商場[編輯]

學校[編輯]

酒樓食肆[編輯]

  • 東江海鮮酒家(海珠廣場分店)
  • 沿江路酒吧街

9個文化站[編輯]

文化藝術牆(6號綫
海珠廣場站嘅柱面裝飾(6號綫

呢個站係6號綫嘅首期工程嘅九個文化站入面嘅其中一個文化站,喺呢個站嘅站廳入面整咗主題係「今•昔」嘅文化藝術牆,佢嘅主要内容係圍繞咗海珠橋同埋珠江兩邊嘅景係點變嘅。而柱面嘅裝飾內容就係舊陣時海珠橋嘅雙拱結構。不過2號綫冇呢筍嘢玩啊!但係喺2014年4月10號,廣州地鐵入面嘅6個車站會再繼續添加「文化牆」嘅裝飾,當中就包括咗呢個站。而呢個站添加文化牆嘅理由係:呢度係廣州城區入面,最重要嘅城市文化中心站,佢重係喺廣州入面,本土性最强嘅地區。雖然話6號綫本身有整咗文化牆,但係喺2號綫就冇整到。所以文化牆將會喺2號線入面出現。

[編輯]

上一站·下一站[編輯]

上一站⇚⇚    廣州地鐵    ⇛⇛下一站
市二宮站
廣州南站
海珠廣場站
2號綫
公園前站
嘉禾望崗站
一德路站
潯峰崗站
海珠廣場站
6號綫
北京路站
香雪站