夏良站

	夏良; XIALIANG
概覽
冧巴	1403
位置	白雲區太和鎮夏良村，龍歸城東邊; （夏良南王田路南邊139m嘅位置）
座標	23°16′48.44″N 113°19′5.14″E / 23.2801222°N 113.3180944°E
車站色
經過路線	14
啟站	2018年12月28號
月台數	1
站口數	3
營運資訊
車站服務時間	06:02～23:23
列車服務時間	06:07～23:18
	廣州地鐵14號綫; 嘉禾望崗　◄白雲東平（3.2km）（3.7km）太和►　東風

夏良站（粵拼：haa6 loeng4 zaam6；英文：Xialiang Station），規劃嗌過石湖站（sek6 wu2*4 zaam6；Shihu Station），係廣州地鐵 14號綫嘅車站，2018年12月28號開通，喺白雲區太和鎮夏良村入面，龍歸城地皮範圍內嘅東邊^[1]。

另外，14號綫行東風嗰邊喺每日21:30收車之前嘅尾班車都係揀呢個站做總站，之後入返石湖停車場檢修。

結構

樓層

呢個站一共有2層樓嘅地下區域，其中地面係出入口，地下1樓係站廳，有票務設施、客務中心同商舖、安檢設施；地下2樓係14號綫月台。站內雖然冇休息室，但有廁所同母嬰室，喺月台範圍嘅北邊，其中母嬰室喺廁所嘅女廁門口隔籬。

打掂

地下一樓	站廳	站廳、售票機、客服中心、安檢設施
地下二樓	2月台	← 14號綫列車去白雲東平站（行嘉禾望崗嗰邊）
	島式月台，開左邊門（限慢綫）
	1月台	14號綫列車去太和站（行東風嗰邊） →

打橫

站廳

夏良站嘅站廳收費區喺車站西邊，東邊係過街通道。收費區有好多部扶手電梯同樓梯、專用𨋢往返月台都得。

月台

呢個站有個島式月台，喺龍歸城探春園東邊嘅小區F綫嚿地皮嘅地底，夏良南王田路同龍歸城小區F綫交界南邊139m嘅地方。

另外，呢個站嘅兩條正綫喺月台北邊整咗兩條波口位專門畀列車出入石湖停車場。喺每日嘅尾班快車（UTC+8，21:30）都會揀呢個站做總站，清客後將直接入車廠，唔再出車，直到第二日營運頭班車為止。

商舖同自助服務

呢個站冇商舖，但得三臺自助服務。

自助服務

共享雨遮
M-Touch地鐵資料查詢
好易（Hotye）多媒體自助服務終端

出入口

夏良站冚唪唥嘅出入口

B出入口

C出入口

D出入口

呢個站有3個出入口，分别係B、C同D。

冧巴	標記	方位	去到邊度
出入口B	龍河西路	東北
出入口C	龍河西路	西北
出入口D	龍河西路	西南	廣從一路、龍歸城巴士總站（地鐵夏良站）（東南行）、永興村口巴士站（南行）、永興村口巴士站（北行）

頭尾班車信息同配線圖

配線圖

█ 14號綫
▲太和站

石湖停車場

▼白雲東平站

行去邊頭	頭班車	尾班車
每日
14號綫
嘉禾望崗站	06:12	23:18
東風站	06:07	22:57
注意：喺晚黑最後一班車開走之前嗰5分鐘之內，係唔畀入閘坐車（包括埋買車飛）。

車站歷史

規劃

早期喺2003年份地鐵規劃方案講嘅新華綫^{[註 1]}由花都汽車城出發，先經過人和同太和，再跟住廣從公路去到從化街口為止，嗰時路線經過廣從公路嘅太和一帶，期間冇話經過呢個站。但2005年，新華綫嘅西段（花都汽車城⇆高增）被列入咗9號綫一部分^{[註 2]}，而廣從路段（太和⇆街口）直到2008年份規劃先至重新提出。

2010年，爲咗落實廣州市嘅「北優」發展戰略同埋支持從化同埋知識城嘅發展，嗰時份規劃話起14號綫，路線要起成「人」字樣。而主綫攞返2008年份規劃方案兼向西南延長到嘉禾望崗嗰邊，不過嗰時用嘅名係石湖站，而車站位就喺而家嘅廣從二路近北二環高速交界南邊範圍，後嚟考慮到龍歸城嘅街坊出行唔方便嘅問題而將份規劃方案修改咗，將原先嘅西南段喺太和以南到東平嗰橛嘅路線，改向西屈咗個彎入龍歸城入面，之後再行返廣從公路一帶。

施工

2015年9月：車站喺度搞緊前期入場工作。
2015年10月15號，全綫第一部盾構機喺嘉禾望崗到呢個站之間嘅中間風井開挖。
2016年5月24號，凈低未開工嘅呢個站到東平^{[註 3]}區間亦正式開始施工。
2016年7月中，呢個站正式封頂。^[2]
2017年5月15號，主綫呢個站到太和站區間嘅風井右綫盾構隧道貫通^[3]。
2017年6月21號朝早，呢個站到太和站之間嘅左綫盾構隧道正式貫通^[4]。
2018年3月29號晏晝，廣州市民政局開始向全社會徵集主綫啲站名時變成「太和南」或「夏良」兩隻名^[5]。
2018年8月6號，廣州地鐵官方公佈咗主綫嘅最終站名，呢個站亦最後定名做夏良站^[6]。
2018年9月26號，呢個站正式三權移交而開始營運前調試^[7]

開通

2018年12月28號晏晝，由於14號綫一期主綫部份正式開通，呢個站亦正式開放^[8]。

利用狀況

呢個站嘅主要周邊乘客都係附近龍歸城一帶啲村民同樓盤居民、返放工啲廠房、讀書啲學生、啲職員讀書啲學生上落為主。

附近嘅建築同景區

白雲區龍歸中學

廣州市財經職業學校（白雲校區）

村莊

夏良村

住宅

龍歸城
東湖映月
廣州南大門商住城
天龍花園

學校

白雲區永興小學（龍歸城校區）
白雲區龍歸中學
廣州市財經職業學校（白雲校區南門）

工廠

福田工業區
駿華電器

註同攷

註

↑ 喺2003年份地鐵規劃入面，嗰時嘅新華綫定嘅路線冧巴好亂，試過用咗「9號綫」同「14號綫」呢兩隻名。
↑ 同年亦將9號綫向西延長到飛鵝嶺嗰頭做總站。原先計劃二期延長到清遠，但因唔夠錢而冇繼續再搞西延長計劃。
↑ 呢度講嘅「東平」係而家嘅白雲東平站。

攷

↑ 来来来～你期待的14号线，快看（新线明信片第二弹）广州地铁官方微信公众平台 2018年12月27日
↑ 十四号线石湖站封顶互聯網檔案館嘅歸檔，歸檔日期2021年10月27號，. 广州地铁（2016-07-20）
↑ 十四号线一期石湖停车场封顶互聯網檔案館嘅歸檔，歸檔日期2020年3月16號，. 地铁族
↑ 〈地鐵14號線過半盾構機完成掘進全線計劃明年建成通車〉。金羊網。2017-06-25。{{cite news}}: CS1 maint: url-status (link)
↑ 〈地铁21号线、14号线站名等你提意见〉。《廣州日報》。今日头条。2018-03-30。
↑ 〈八号线北延段、十四号线五个地铁站拟改名〉。《廣州日報》。大洋網。2018-08-07。原著喺2018-08-07歸檔。喺2018-08-08搵到。
↑ 〈地铁十四号线一期嘉禾望岗至马沥段开始运营调试〉。《广州市人民政府》。2018-10-29。原著喺2018-12-22歸檔。喺2019-04-23搵到。
↑ 〈官宣！2日后，广州地铁新线"三线齐发"〉。南方网。2018-12-26。原著喺2018-12-26歸檔。喺2019-04-23搵到。

上一站·下一站

上一站⇚⇚　　　　廣州地鐵　　　　⇛⇛下一站
白雲東平站嘉禾望崗站←	夏良站 14號綫（主綫慢車）	太和站 →東風站

[2] 喺2003年份地鐵規劃入面，嗰時嘅新華綫定嘅路線冧巴好亂，試過用咗「9號綫」同「14號綫」呢兩隻名。

[3] 同年亦將9號綫向西延長到飛鵝嶺嗰頭做總站。原先計劃二期延長到清遠，但因唔夠錢而冇繼續再搞西延長計劃。

[4] 呢度講嘅「東平」係而家嘅白雲東平站。

[1] 来来来～你期待的14号线，快看（新线明信片第二弹）广州地铁官方微信公众平台 2018年12月27日

[5] 十四号线石湖站封顶互聯網檔案館嘅歸檔，歸檔日期2021年10月27號，. 广州地铁（2016-07-20）

[6] 十四号线一期石湖停车场封顶互聯網檔案館嘅歸檔，歸檔日期2020年3月16號，. 地铁族

[7] 〈地鐵14號線過半盾構機完成掘進全線計劃明年建成通車〉。金羊網。2017-06-25。{{cite news}}: CS1 maint: url-status (link)

[8] 〈地铁21号线、14号线站名等你提意见〉。《廣州日報》。今日头条。2018-03-30。

[9] 〈八号线北延段、十四号线五个地铁站拟改名〉。《廣州日報》。大洋網。2018-08-07。原著喺2018-08-07歸檔。喺2018-08-08搵到。

[10] 〈地铁十四号线一期嘉禾望岗至马沥段开始运营调试〉。《广州市人民政府》。2018-10-29。原著喺2018-12-22歸檔。喺2019-04-23搵到。

[11] 〈官宣！2日后，广州地铁新线"三线齐发"〉。南方网。2018-12-26。原著喺2018-12-26歸檔。喺2019-04-23搵到。

[1]

[註 1]

[註 2]

[註 3]

[2]

[3]

[4]

[5]

[6]

[7]

[8]