白雲東平站

白雲東平 Baiyun Dongping
概覽
冧巴	1402
位置	白雲區東平地區，白雲大道北近東平東鳳東路同蛟騰街嘅交界之間。
座標	23°15′13.46″N 113°18′45.27″E
車站色
經過路線	14
啟站	2018年12月28號
月台數	1
站口數	4
營運資訊
車站服務時間	05:58～23:27
列車服務時間	06:03～23:22
廣州地鐵14號綫 總站　◄嘉禾望崗 （3.9km） （3.2km）夏良►　東風

白雲東平站（粵拼：baak³ wan⁴ dung¹ ping⁴ zaam⁶；英文：Baiyun Dongping Station），規劃嗌過東平站（dung¹ ping⁴ zaam⁶；Dongping Station），係廣州地鐵14號綫嘅車站，2018年12月28號開通，喺白雲區東平地區，白雲大道北同東平東鳳東路、蛟騰街嘅交界之間。

結構

樓層

呢個站一共有2層樓嘅地下區域，其中地面係出入口，地下1樓係站廳，有票務設施、客務中心同商舖、安檢設施；地下2樓係14號綫月台。站內雖然冇休息室，但有廁所同母嬰室，喺月台範圍嘅西南邊，其中母嬰室喺廁所嘅女廁門口隔籬。

打掂

地下 一樓	站廳	站廳、售票機、客服中心、安檢設施
地下 二樓		← 14號綫列車飛站專用（快）
	圍墻
	2月台	← 14號綫列車去嘉禾望崗站（慢）（行嘉禾望崗嗰邊）
	島式月台，開左邊門（限慢綫）
	1月台	14號綫列車去夏良站（慢）（行東風嗰邊） →
	圍墻
		14號綫列車飛站專用（快） →

打橫

白雲東平站嘅站廳

白雲東平站嘅月台

File:BaakWanDungPingZaam WORD on PILLAR.jpg 柱上啲字

站廳

白雲東平站嘅站廳收費區喺車站東南邊，西北邊係過街通道。收費區有好多部扶手電梯同樓梯、專用𨋢往返月台都得。

月台

呢個站有個島式月台，喺白雲大道北近東平東鳳東路同蛟騰街嘅交界地底。

由於14號綫實行咗快慢綫，所以兩綫嘅列車行嘅軌道都唔同。其中慢綫列車喺車站埋邊嗰兩條軌道停站，而快綫列車直接喺車站開邊嗰兩條軌道飛站唔停。喺埋邊同開邊兩條軌道之間都有棟牆隔開咗。不過，由於14號綫實行咗快慢綫，兩綫嘅列車行嘅軌道都唔同。其中慢綫列車喺車站埋邊嗰兩條軌道停站，而快綫列車直接喺車站開邊嗰兩條軌道飛站唔停。喺埋邊同開邊兩條軌道之間都有棟牆隔開咗，若果搭緊快綫，經過呢個站時冇辦法睇到月台部份；若果喺月台範圍，係冇辦法睇到快車直接飛站嘅情景。不過14號綫嘅快車重未加密，所以快車喺大多數情況下經埋邊嗰兩條軌道直接飛站唔停，得好少班次喺開邊嗰兩條軌道飛站唔停。

商舖同自助服務

呢個站冇商舖，但得三臺自助服務。

自助服務 共享雨遮 M-Touch地鐵資料查詢 好易（Hotye）多媒體自助服務終端

出入口

白雲東平站冚唪唥嘅出入口
A出入口 A出入口  B出入口 B出入口  E出入口 E出入口  F出入口 F出入口

呢個站有4個出入口，分别係A、B同E、F。

冧巴	標記	方位	去到邊度
出入口A	廣從一路	東南	地鐵白雲東平站巴士站（北行）
出入口B	廣從一路	東北	東平（老屋）巴士總站（北行）
出入口E	廣從一路	西北
出入口F	廣從一路	西南	東平大道、地鐵白雲東平站巴士站（南行）

頭尾班車信息同配線圖

配線圖
█ 14號綫 ▲夏良站
▼嘉禾望崗站

行去邊頭	頭班車	尾班車
每日
14號綫
嘉禾望崗站	06:16	23:22
東風站	06:03	22:54
注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。

車站歷史

規劃

早期喺2003年份地鐵規劃方案講嘅新華綫由花都汽車城出發，先經過人和同太和，再跟住廣從公路去到從化街口為止，嗰時路線經過廣從公路嘅太和一帶，期間冇話經過呢個站。但2005年，新華綫嘅西段（花都汽車城⇆高增）被列入咗9號綫一部分，而廣從路段（太和⇆街口）直到2008年份規劃先至重新提出。

2010年，爲咗落實廣州市嘅「北優」發展戰略同埋支持從化同埋知識城嘅發展，嗰時份規劃話起14號綫，路線要起成「人」字樣。而主綫攞返2008年份規劃方案兼向西南延長到嘉禾望崗嗰邊，不過嗰時用嘅名係東平站。

施工

2017年10月20號，車站重喺度起緊。

• 2015年9月：車站喺度搞緊前期入場工作。
• 2016年5月24號，凈低未開工嘅呢個站到石湖區間亦正式開始施工。
• 2017年5月15號，主綫呢個站到太和站區間嘅風井右綫盾構隧道貫通。
• 2018年8月6號，廣州地鐵官方公佈咗主綫嘅最終站名時，考慮到2015年12月28號開通嘅佛山地鐵1號綫屬下亦有個東平站，咁啱規劃嗰份又係撞名，費事搞出噉嘅亂龍情況，所以地鐵方喺原嚟嘅站名加上「白雲」兩字嚟區分。
• 2018年9月26號，呢個站正式三權移交而開始營運前調試

開通

2018年12月28號晏晝，由於14號綫一期主綫部份正式開通，呢個站亦正式開放。

利用狀況

呢個站嘅主要周邊乘客都係附近東平一帶啲村民同返放工啲廠房嘅人上落為主。

附近嘅建築同景區

村莊

• 東平村

商場

• 東平二手廚具交易市場
• 創興商場

學校

• 白雲區東平小學

註同攷

註

攷

上一站·下一站

上一站⇚⇚　　　　廣州地鐵　　　　⇛⇛下一站
嘉禾望崗站 總站←	白雲東平站 14號綫（主綫慢車）	夏良站 →東風站