瀝滘站

出自維基百科,自由嘅百科全書
瀝滘
LIJIAO
瀝滘站(廣州地鐵3號綫)嘅站名
概覽
冧巴 306 Template:佛山地鐵車站冧
位置 海珠區瀝滘村入面近南海心沙
座標 23°33′0″N 113°19′12″E / 23.55000°N 113.32000°E / 23.55000; 113.32000座標: 23°33′0″N 113°19′12″E / 23.55000°N 113.32000°E / 23.55000; 113.32000
車站色 佛山地鐵1號綫 
廣州地鐵3號綫 
經過路線 3 1
啟站 廣州地鐵3號綫:2006年12月28號
佛山地鐵1號綫:2018年12月28號
月台 3
站口數 3
營運資訊
車站服務時間 06:05~23:51
列車服務時間 06:00~23:56
佛山地鐵1號綫
新城東 ◄南洲 (2.9km)
廣州地鐵3號綫
天河客運站 ◄大塘 (2.6km) (1.9km)廈滘► 番禺廣場

瀝滘站(注意「瀝」字有地名變音,粵拼lek6 gaau1 zaam6英文Lijiao Station),規劃嗌過後滘站hau6 gaau1 zaam6Houjiao Station),係廣州地鐵3號綫佛山地鐵1號綫(廣州叫廣佛綫)嘅轉車站,喺海珠區瀝滘村入面近南海心沙之間。不過兩個月台嘅開放時間都唔同,其中廣州地鐵3號綫範圍喺2006年12月28號開放,而佛山地鐵1號綫範圍喺2018年12月28號開放。

結構[編輯]

樓層[編輯]

呢個站一共有3層樓嘅地下區域,其中地下1樓係站廳,有票務設施,客務中心同商鋪;地下2樓係1號綫嘅月台;地下3樓係3號綫嘅月台。雖然呢個站冇休息室,但有廁所同母嬰室,都喺嗮佛山地鐵1號綫月台範圍。

打掂[編輯]

地下
一樓
北站廳 售票機、客服中心、商舖、警務室、安檢設施
(瀝滘涌)
南站廳 預留南站廳結構,暫時唔開住。
地下
二樓
側式月台,開右邊門
4月台 佛山地鐵1號綫列車去南洲站(行新城東嗰邊)
3月台 佛山地鐵1號綫列車終點月台
側式月台,開右邊門
地下
三樓
2月台 廣州地鐵3號綫列車去大塘站(行天河客運站/機場北嗰邊)
島式月台,開左邊門
1月台 廣州地鐵3號綫列車去廈滘站(行番禺廣場嗰邊)

打橫[編輯]

瀝滘站嘅站廳
瀝滘站嘅3號綫月台
轉車通道
瀝滘站嘅1號綫月台
柱上啲字(1號綫

站廳[編輯]

呢個站有南北2個站廳,喺3號綫開通之後凈開咗北站廳,而南站廳由於海心沙重未開發而冇開到。

  • 北站廳:收費區喺站廳南邊。北邊係人行通道,收費區有好多部扶手電梯同樓梯,專用𨋢往返月台。

月台[編輯]

呢個站嘅廣州地鐵3號綫有個島式月台,喺瀝滘村到南海心沙嘅地底(地下3樓嘅中間);而佛山地鐵1號綫整咗兩個側式月台,喺瀝滘村地底(地下2樓嘅北邊);而事先留低咗嘅南海心沙月台就喺地下2樓嘅南邊,不過重未知起乜月台類,喺規劃嗰陣留咗畀嗰時嘅廣珠城際鐵路。

起呢個站之前就話咗係廣州一綜合交通樞紐,所以喺呢個站起咗三條綫嘅月台,而廣州地鐵3號綫月台重長過一般車站嘅島式月台,最北邊係去佛山地鐵1號綫嘅轉車位,中北邊整咗喺佛山地鐵1號綫落車之後去廣州地鐵3號綫嘅位。南邊重整咗去南海心沙嘅月台或去南站廳部分嘅位,入面有嗮扶手電梯同樓梯。

雖然而家已經成為轉車站,但係同廣州地鐵3號綫相連嘅佛山地鐵1號綫月台凈開咗北邊嗰個,南邊因受到南站廳未開工同南海心沙未規劃影響而冇開到,家下凈畀落客唔畀上車,加上喺站廳或廣州地鐵3號綫月台嘅樓梯亦有相關提醒話唔畀入去南站廳同佛山地鐵1號綫南月台範圍。

商舖同自助服務[編輯]

而家嘅瀝滘站入面有唔同類嘅鋪頭畀乘客買嘢,好似有便利檔、麵包檔同書店等。

另外,瀝滘站入面有自助服務設施畀乘客用,包括自動櫃員機同可以充羊城通、交水電費同交通嘅罰錢、查地鐵嘅路線、頭尾班車同埋地鐵嘅安全指引同畀乘客登記做廣州地鐵薈嘅會員嚟查獎分、換獎品嘅服務。

商舖
自助服務

出入口[編輯]

呢個站一共有四個出入口,分別係A、B、E,F。

冧巴 標記 去到邊度
出入口A 瀝滘村
出入口B 瀝滘村 瀝滘大埗頭巴士總站
出入口E 瀝滘村 瀝滘村、地鐵瀝滘巴士總站
出入口F 瀝滘村 瀝滘村,廣州之窗
註: 有盲人引導徑 | 有斜道 | 有輪椅升降臺

頭尾班車信息同配線圖[編輯]

配線圖

3號綫
廈滘站

uSTRf uSTRg
uTUNNEL1W uTUNNEL1W
瀝滘水道
uSTR+BSl uSTR+BSr
瀝滘水道
uSTR+BSl uSTR+BSr
uSTRf uSTRg

大塘站

配線圖

1號綫
▲終點

uENDEa uENDEa
uSTR uSTR
uABZg2 uABZg3
uABZg+1 uABZg+4
uSTR+BSr uSTR+BSl
uSTR+BSr uSTR+BSl
uABZg2 uSTR+c3
uSTR+c1 uABZg+4
uSTRf uSTRg

南洲站

行車方向 頭班車 尾班車
每日
廣州地鐵3號綫
天河客運站 06:05 23:09
番禺廣場站 06:24 23:51
佛山地鐵1號綫
新城東站 06:00 23:00
注意:
喺晚黑最後一班車開走之前嗰5分鐘之內,
係唔畀入閘坐車(包括埋買車飛)。

車站歷史[編輯]

規劃[編輯]

早期成為兩綫嘅轉車站[編輯]

瀝滘站最先喺1997年嘅規劃出現。嗰時叫「後滘站」,係2號綫南邊終點,位置同而家差唔多。但2000年由於番禺改成區,所以方案變成3號綫嘅車站。而2號綫改成從南洲開始,一直向南去到廣州新客站(今日嘅廣州南站)而唔再去呢個站。而2003年方案入面,舊時從南洲到後滘嗰橛改成1號綫嘅車站,重將呢個站改成轉車站,甚至考慮埋廣珠城際鐵路會停喺南海心沙入面。

佛山地鐵1號綫繼續向東延長(已被打回頭)[編輯]

早期2003年定咗嘅佛山地鐵1號綫嚟到呢個站做總站,不過隨住廣州大學城喺2004年開發,直到2009年已經形成一定嘅規模。有好多喺大學城讀書啲大學生諗住將佛山地鐵1號綫繼續延長到大學城入面。喺2015年4月20號,廣州市規劃局話因為新規劃到嘅有軌電車會經過大學城西南角嘅灣咀頭同海珠區東南角嘅瀛洲一帶而第一次拒絕咗請求[1]。隨住思科智慧城喺2017年4月27號動工[2],更加提出咗佛山地鐵1號綫繼續向東延長嘅諗法[3]。但係由於個車站預留結構嘅東邊條折返綫起成斷頭設計嘅品種,冇留正繼續向東延長條件而駁咗大學城啲業主同學生嘅建議。因此呢個站變成佛山地鐵1號綫東邊嘅永久尾站。

廣州地鐵3號綫時期[編輯]

工程[編輯]

車站喺2003年5月18號開始喐手起[4]。由於規劃嗰時,車站位喺瀝滘涌底,所以起緊嗰陣臨時填咗涌嚟方便起3號綫。2004年4月1號由於車站工地北邊發生坍塌,搞到車站北邊周邊出現咗沉降,有部分民房變成危樓[5]。工程持續到2006年中葉搞好,重恢復返瀝滘水道。

開通[編輯]

2006年12月30號,車站隨住3號綫全線通車而正式開通。

佛山地鐵1號綫[編輯]

工程一拖再拖[編輯]

本嚟1號綫喺二期工程全部搞掂之後,直接開嚟呢度做總站。但由於徵地部分有好多屋受到影響,加上拆遷補償條件一直未達成共識,而且工地猛咁俾瀝滘當地村民搞。直至2014年7月為止,1號綫二期其它車站就快搞掂嗮,凈得瀝滘站維持原狀,結果搞到二期路線索性唔等佢而開到燕崗站為止[6]

正式施工[編輯]

瀝滘站附近啲房屋拆遷補償直到2016年4月初先至傾掂,同年4月10號,地鐵施工隊正式入咗瀝滘村做好前期開工準備,同年6月16號正式動工[7]。而佢嘅右線同左線嘅隧道先後喺2018年3月18號上晝[8]同埋同年5月15號近正中午時段[9]先至貫通。而月台範圍直到2018年12月14號先至起好嗮兼拆除圍蔽。

開通[編輯]

從2018年12月28號朝早頭班車開始,因佛山地鐵1號綫東延段凈低部份都開通埋,所以呢個站嘅月台範圍亦正式對外開放。

出入口[編輯]

呢個站早期開通時,凈開咗E同F兩個出入口,2018年12月28號因佛山地鐵1號綫開通入嚟呢個站,所以又開多咗A同B兩個出入口。

利用狀況[編輯]

由於呢個站附近都係一大片拆遷範圍。雖然話車站隔籬嘅地鐵瀝滘站總站,有部960綫出到去後滘村同南洲路呢啲地方,但係呢個站附近啲路都好窄,而且960線凈係用到6米嘅中巴,搞到冇乜乘客。甚至有部分居民凈係揀的士五類車嚟呢個站坐車,雖然話2號綫南延段——南洲站喺2010年開通咗之後,分流咗之前巴士960綫經過嘅地區啲人,但係呢個站除咗客流高峰期之外,其它時間都好少人坐車。不過從2018年12月28號朝早頭班車開始,因佛山地鐵1號綫東延段凈低部份開通埋,所以客流亦多咗好多。家下喺低峰時期都多咗一大堆往返佛山或從佛山到天河、番禺一帶啲人喺呢個站轉車。

轉車須知[編輯]

呢個站喺起緊嗰時有預留到轉車結構,不過廣州版係島式,佛山版係側式,而且兩邊有樓梯、𨋢、電梯接埋。出入嗰時要睇清楚係邊個方向:

  • 1號綫3號綫:直接行到月台中間嘅樓梯或電梯行落一層樓就到。不過坐輪椅或攞咗大件行李啲乘客就要兜到有𨋢嘅地方搭𨋢落一層樓先至到。
  • 3號綫1號綫:直接行到月台北邊嘅樓梯或電梯行上一層樓就到。不過坐輪椅或攞咗大件行李啲乘客就要兜到有𨋢嘅地方搭𨋢上一層樓先至到。另外,轉車時千祈唔好入咗去佛山地鐵1同埋3號月台(南月台)範圍!,因為嗰邊凈畀落客,唔畀上車,加上喺折返綫出車時都唔行佛山地鐵月台(南月台)附近停

附近嘅建築同景區[編輯]

衞氏大宗祠

樓盤[編輯]

  • 珠江羅馬家園
  • 時代廊橋

古蹟[編輯]

[編輯]

  1. 广州市规划局婉拒广佛线东延至大学城 互聯網檔案館歸檔,歸檔日期2020年3月28號,. 地鐵族
  2. 广. . 2017-04-28.
  3. 广线线. . 南方. 2018-02-08. 原著喺2018-09-05歸檔. 喺2018-08-27搵到.
  4. 三地铁交汇 国内首个城际轨道交接站沥滘站开工
  5. 线. 原著喺2015年9月24號歸檔. 喺2015年9月5號搵到.
  6. 别等沥滘站 广佛线能否分段开通?
  7. 轨道交通新线建设2016年6月工程进展情况 互聯網檔案館歸檔,歸檔日期2020年3月16號,. 文中提及到瀝滘站實現正式開工
  8. 广佛线燕岗-沥滘段预计年底开通试运营. . 2018-03-25.
  9. 后一段隧道贯通 广佛线年底全线通. . 2018-05-24. 原著喺2018-05-24歸檔. 喺2018-08-27搵到.

上一站·下一站[編輯]

上一站⇚⇚    佛山地鐵    ⇛⇛下一站
南洲站
新城東站
瀝滘站
1號綫
終點
上一站⇚⇚    廣州地鐵    ⇛⇛下一站
大塘站
天河客運站
瀝滘站
3號綫
廈滘站
番禺廣場站